مدونة أبوفلان تقنية ، أخبار ، تجارب شخصية ، مطاعم ، سياحة
مطعم واسابي : مطعم ياباني يقدم الأطباق المختلفة من السوشي والتبنياكي والماكي .
مكانه : موجود في المهبوله والشعب وأماكن غيرها وهو مشهور معروف بالكويت .
كعادة المطاعم اليابانية أول ماتقعد اييبولك الشاي الأخضر فقط مع المنيو لتبدأ رحلتك مع معاناة اختيار الأطباق اليابانية خاصه وأن المطعم لايوفر منيو عربي فتضطر للسؤال عن الأشياء غير المفهومه في الأكلات اليابانيه
المقبـــــلات
سلطه ربيان مع صوص واسابي بالنسبة لي كانت ممتازه لكن الصوص كانت كميته وايد أما أم فلان فتقول السلطه عادية جدا
الطبق الثاني الي هو أصابع القبقب المقلي مع الصوص البرتقالي هذا طبق مميز وجميل
هذا بيف رول شخصيا كل مطعم ياباني أطلب هذا الطبق لأني أحبه لكنه قد لايعجب البعض لكن أفضل من يقدم الطبق من ناحية طراوة اللحم هو واسابي مقارنة بمطعم ماكي و أوساكا و ساتشي
الطبق الرابع هو ماكي روبيان وقبقب عادي جدا ولا أنصح به
الأطبــــاق الرئيسيــــــة
طلبت طبقين تبنياكي روبيان ولحم من أجمل ماتذوقت تحس الأكل فريش وطري جدا اللحم
ومعاه ثلاث صلصات لذيذة
المشـــــروبات
التقييـــــــــــــم
جودة الأكل 8.5 / 10
الخدمة 8 / 10
المكان 9 / 10
السعر 7 / 10
المطعم غالي نوعا ما الحساب طلع 32 د.ك
عليكم بالعافيه
مع إني مااأفضل المطاعم اليابانيه ماادري ليش
لكن أحااااول أجررربه
تشكراتي خيو لطرح تجربتك
الله يعافيج يا ام عمر
جربي الأكل الياباني وراح يعجبج اذا أحسنتي اختيار الأطباق
بو فلان اعلمك طريقه تريحك حق اي مطعم بالمستقبل اتروحله وماتعرف شنو تطلب منه قبل لاتروح المطعم دش موقع طلبات وجوف المنيو والوجبات اللي تبيها وسجلها بالتلفون ورح المطعم اللي تبيه وتمتع بالوجبات التي تشتهيهها معدتك المغموره بالجوع هههههههههههههههع
فكره اسويها فعلا اذا بطلب بالبيت بس مرات انساها فعلا 🙂
شكرا لك
وسابي !!
اسمه يذكرني بمطعم باراتي الي في ((ون بيس ))
ولا لا
لا يكون فرع ثاني له
شنو ون بيس يالحبيب 🙂
ما ادري يمكن هذا فرعهم بمسلسل ثاني
من أفضل المطاعم لدي
عليك بالعافية 🙂
دخلت أدور تقرير عنه بمدونتك مالقيت شي يطيب الخاطر نبي صور 🙂
ربي يعافيك
بالعافية على قلبك 🙂
وين طبق فلان ؟!
ربي يعافيك
فلان ماياكل صايم بشهر شعبان 🙂
بالعااافية
غالي ومو مميز ابداً، ما يسوى بالمرة
محبّك \ ابو هيا
ههه ابو هيا غالي صح ، مو مميز صح ، بس مايسوى لا أكله جيد جدا 🙂
محبك بوفلان
بالعااافيه بس بصراحه ما اواطن هالمطعم كلش اكلهم مو لذيذ وناطع نفس ماكي
ربي يعافيج
ماكي مستواه افضل في المقبلات اما الأطباق الرئيسية واسابي افضل بكثير
موجود بالديره بعد ورا الكنيسه تقريبا
و بعد موجود في شارع الخليج العربي مقابل
مجلس الوزرا قريب من سلايدر 🙂
و بعد بالافينيوز بالفود كورت
شسم طبق اللحم مع الربيان ” التبيناكي ” دورته بالمنيو ما لقيته