مطعم نينو ( NINO ) ..

 

مطعم نينو .. NINO

نينو مطعم إيطالي فيه بشارع الخليج وما انصح احد يروحله لأنه صغير والطاولات يم بعض والأغاني حدها بشكل غير طبيعي يعني مو موسيقى هاديه لا كأنك قاعد بديسكو .

والثاني بالأفنيوز مكانه شرح وكبير ..

اول مادخلنا حطولنا هالخبز مع الزبده


Picture 258


الخبز حاطيلك أكثر من نوع , الساده والأسمر والخبز العجيب الصراحه خبز بالزيتون يعني محشي زيتون طعمه حلو ..


وبعدين عاد المنيو والطلبات ..

المقبــــــلات

طلبنا شوربة بالفطر والكريمه والماعون راهي وكبير يكفي 3 أشخاص بدون مبالغه ..


Picture 273


وبعدين سلطة السيزر .. ماشاء الله حلوه الصراحه


Picture 281


وهذا أحلى طبق طلبناه بالمقبلات

فطر كبير بالبقصمات محشي جبن ودياي الصراحه مينوووووون وعجيب للي يحبون الفطر الطبيعي ولاعزاء لفطر الرجل الأخضرالمعلب


Picture 280


الطــبق الـرئيســي


الطبق الرئيسي كان ستيك سيسكو أو فيليه سيسكو

ستيك طري وطعمه عجييييب مع الفطر وصلصة الفطر والريحان والكريمه والله أعلم

طلبنا طبقين و لأنهم توم مايصير أصورهم واهم نفس الشي الي مافهم يرفع إيده !!


Picture 277


والمشروبات حاضره وموجوده << علي الكعبي الجزيرة الرياضيه


Picture 264



التقــييــم

الخدمه : 10/9

جودة الاكل : 10/9

السعر : 10/8

شخصين وشفتو الطلبات طلع 22 د.ك

المكان : 10/9


وبالهنا والشفا لعيونكم والله يعين الي مو متغدي


14 تعليقات

  1. مشكله اللي لين الحين مو متغديه و تشوف هالموضوع

    صراحه يبيله نينو من زمان عنه

    اخر مره كانت لي تجربه سيئه وياه

    طبعا مو من المطعم مني انا

    يمي يمي شكل الاكل حده لذيذ

    عليكم بالعافيه

  2. السلام عليكم ورحمه الله وبركاته

    أم فلان : خلاص أنا بتغدا بالبيت
    ههههههههههههههه والله هذا اللي يحيلكم XD

    وهني وعافيه يارب
    وعجبني جو فلان الله يحفظه ^^”

    <الكبسه شوي وتنحط ع السفره يعني لا تشيل هم XDDD

    (f)

    • وعليكم السلام ورحمة الله

      ياهلا بPOINTS

      قيصر اكرهته المدام من كثر مانروحله

      واحد من الربع يقولي انت من كثر ماتروح يمكن على يوم اشوفك داخل عندهم بالمطبخ تختار الأكل هههههههه

      والله يعافيك وهني وعافيه بالكبسه

  3. عليكم بالعافية 🙂
    انا اكلت سلطة الجوز مرة و حاطين عليها صلصة بيضاء طعمها نفس المطاط استغفر الله مادري شلون بس صج مو شي كلللش، عقبها صار عندي عقدة من اي صلصة بيضا .
    اللله يحفظ لكم فلان:)

    • الله يعافيج اختي حنان

      مرات الواحد يروح مطعم الكل يمدحه بس مايتوفق بالطلب يطلب شي يطلع مو من النوع الي يحبه

      بس اشلون عرفتي انه طعم الصلصه نفس المطاط شنو ذايقه المطاط !! ههههه

      وجزاج الله خير على الدعوه ولج مثلها ان شاء الله

  4. مهابيط العافية

    يبي الي يجربة مع المدام <<< اي هين خل اطلب لها من مطعم الجمعية بالأول !!

    ننتظر المطعم الجديد 🙂 اقصد الموضوع الجديد

    تحياتي

    • الله يعافيك هورنت

      حرام عليك يا اخي طيب خلها مطعم السمبوسه الي بالمباركيه 🙂

      اقول دام بدينا بالطنازه راح أحول المدونه كلها شروحات وأصك على مدونتك 🙂

  5. ههههههههه
    مووضووع خطيييير
    صراحه جعت وماقدامي الاتونــه

    >أهني فلان على جوهـ>ودها تشاركه بس مستحيه
    هههههههه

    اهنيك ع المطعم .. أن شاء الله اروح له لما اجي عندكم.

  6. blogek 7ada eyawee33 7araam 3alik 😛
    o a6bagek ily ta6lbhaa shakilhaaa latheethaaa 😛
    bil 3afyaaaaaaaaaaaaaa 😛

    • انا الحين قاعد افكر برمضان فيها إثم ولا لا 🙂

      والله نينو الصراحه اكله حلو انصحج فييييه خاصة المشروم بالبقسمات

      والله يعافيج

  7. ههههه استغفرلله اشي بفتح النفس ههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.