اول تجربة للطلب بواسطة صندوق اراميكس في الصين

 

 

أول طلب طلبته بواسطة صندوق أراميكس في الصين الذي وفرته الشركة لعملائها الى جانب صندوق البريد الأمريكي والبريطاني هو هذا الكفر الشفاف الذي تكلمت عنه كثيرا

 

المهم في الموضوع هو اختبار سرعة وصول الطلبية من وقت دخولها صندوق البريد في الصين الى وقت توصيلها لليت

وكانت بالنسبة لي جيده جدا حيث وصلت الطلبية للصندوق في يوم 1/6/2011 ووصلت البيت في يوم 6/6 يعني تقريبا خمس ايام

 

 

18 تعليقات

  1. صايرين اسرع شوي اراميكس

    بس تدري انا لاحظت ان التاخير موبالوصول الى الكويت التاخير لما توصل الكويت هم يتاخرون بالتوصيل للبيت

    تستلمها منهم اسرع وابرك لانهم يلطعونك يومين ثلاث لين يوصلون الطلبيه

    • بالضبط التأخير أحيانا بسبب الدريول 🙂

      لكن في الآونة الأخيرة لاحظت تغير وسرعه بالخدمة بالنسبة لي

  2. ياليت اذا تعرف مواقع موثوقة صينية
    لاكسسوارات الهواتف او غيره
    واكون لك من الشاكرين

    • والله يابوسعود مالي تعامل مع المواقع أنا أفّضل تاخذ نصيحة من شخص جرب الموقع ويدري انه مضمون ميه بالميه

      موقع علي بابا فيه كثير من التحار والإكسسوارات لكنه للكميات وعلى حسب البايع اذا كان يخاف الله او لا 🙂

  3. محمد العنزي

    عن اذن بوفلان موقع http://www.sw-box.com من المواقع الموثوقه واتوقع بوفلان طالب منها

    بالتوفيج

  4. أخوي أبوفلان أول شي أنا من المتابعين لمدونتك وبصراحه شي رائع ومن أرقى المدونات في نظري يعطيك ألف عافيه وعساك عالقوه ان شاء الله ^^

    حاب أستفسر سعر الشحن نفس الشحن من الدول الاخرى اللي هي أمريكا وبريطانيا ولا يختلف ؟؟

  5. أفضل شركة تعاملت معاها UPS يكفي عدم وجود مصاريف إضافية والباكج من يوصل الكويت ثاني يوم بالكثير عندك وبسرعة يخلصون الجمارك أما أرامكس للأسف يقعد الباكج عند الجمارك أربع أيام و خمس أيام عادي ، بس أبشركم العام القادم راح تشتغل شركة حكومية لتقديم خدمات الشحن السريع وبأسعار رخيصة .

    • البعض مدحلي اياها ممكن مكانهم ؟ ووين الصناديق الي يوفرونها لك ؟

      وبشرى جميلة لكن بدينا لانثق بأي شيء من جانب الحكومة بسبب رداءة الخدمة في كل مكان

      • مكانهم سلمك الله بالضجيج في مجمع الساير ، لكن ما عندهم صناديق نفس أرامكس ، إذا تشتري أغراضك من موقع علي اكسبرس دور على بائع يشحن عن طريق UPS وكاسرهم على سعر الشحن واختار UPS Expedited ثلاث أيام بالكثير أربع أيام من تاريخ الشحن يكون الباكج عندك بالبيت وكل ما تزيد أغراضك ينخفض السعر بشكل رهيب … أنا ما أختار أرامكس إلا في بعض الشغلات اللي ما احصل بائع يوفرها عن طريق ups لأن أرامكس للأسف دايم يتأخرون بالتخليص الجمركي ، الشهر اللي طاف طلبت من أمريكا حماية أماية للسيارة قعدت عند أرامكس بأمريكا 10 أيام و عند الجمارك 10 أيام مع إنها جلاد عادي مافي مواد أو شي غريب ( سوالف أرامكس) وانحشششششش عن DHL .

  6. شي طيب مشكور على العرض

  7. ابراهيم الشمري

    يعطيك العافية ابو فلان على الموضوع طول عمرك مدونتك متميزة

    يس لو ماعليك امر ابي موقع موثوق فيه لشرائ اغراض ال ps3 مثل الاشرطة وحاجات للبلاستيشن

    ويعطيك العافية

    • ياهلا أخوي ابراهيم وشكرا على الكلام الطيب

      للأسف جدا غير مهتم بالبي اس ثري أخاف أعطيك مواقع انا مو مجربها شخصيا تكون غير موثوقة

  8. السلام عليكم ابو فلان ..

    قبل اسبوع تقريبا فتحت حساب اراميكس .. عطوني بأمريكا وبريطانيا والصين ..

    وحاب اطلب لي كاميرا من امازون وفرق السعر عن الكويت ١١٠ دينار ..

    فـ اذا بغيت اشتري من امازون لازم يكون عندي حساب بالموقع .. ؟

  9. مرحبا عندي استفسار اني طلب من موقع صيني وقلت ليهم يرسلوا الشحنه على بريد الي في شنغهاي وبعد 4او5ايام قال لي البائع اني الشحنه نزلت السفينه والبحرت يعني يبغا ليها كم يوم على ماتوصل السعوديه

  10. أراميكس شركه جدا تعبانه وخدماتهم سيئه لأبعد حدود ,سجلت فيها للأسف وأول سلعه شريتها من بريطانيا ضيعوها وطلبت غير من البائع على عنواني مباشره ووصلتني ,طلبت عنوان امريكي 10 أيام كل يوم أكلم موظفينهم ويقولون اوكي كأني أطر منهم وعطوني طاف الحين طلبت الغي اشتراكي ,نصيحه لوجه الله لاتسجل بهالشركه الدايخه اللى ماتحترم ولاتعبر زبائنها شكلها شركة نصب وأحتيال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.