مطعم دو ليتويل .. De L’ Etoile

,

مطعم دو ليتويل : من الإسم فهو مطعم يقدم الأكلات الفرنسية .

مكانهم : بمجمع الأفنيوز مقابل الي جنه دخلة حولي الي كله زحمه عنده بنك بيري 🙂

وهذا المنيو وركن من المطعم

أول ماتقعد اييبولك خبز لذيذ جدا مع زبده


المقبلات

شوربة البصل الفرنسية

كانت عاديه جدا بالنسبة لي ولصاحبي عبدالله الانصاري ماعجبته بس يقول الجبن الي فوق معطيها شوية طعم 🙂

الطبق الثاني جبنة الغنم الدافئة مع الجرجير والثوم المقلي <<< مثل الي مكتوب بالمنيو

وانا طلبتها بسبة المكتوب هذا بس اطلعت اخرطي

صلصتها كلللش ما اعجبتني دسمه حيل وزيت الزيتون كان وايد

الأطباق الرئيسية

كانت عبارة عن عدد طبقين من ستيك الريب آي

بصراحه المقبلات ما اتوفقنا فيها

بس طلع الستيك شي خياااالي

كان طري جدا ويذوب بالحلج

الطبخه جدا متقنه والصلصه الي معاه لذيذة

شخصيا هذا الستيك عندي أحلى من ستيك تمبل ويد

وهذا العصير

ليمون بالنعناع

التقـــــييم

الخدمة  8 / 10

جودة الأكل 7 / 10

المكان 8 / 10

السعر 8 / 10

الحساب طلع 24 ونص 🙂

طبعا طول الوقت كانت زحمه غير طبيعه على بنك بيري كأن الناس ناطره توزيع أرباح 🙂

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

9 تعليقات

  1. lol wallah lo tawzee3 arba7 chan man6araw hana6ra 😛

    o 3alekom bel3afia el steak shakla yshaweg 🙂

    • والله مشكله يعني برييد وفواكه مافيه زود ما ادري اشفيهم خابين نفسهم الكويتيين

      والله يعافيج فعلا كان خووش ستيك

  2. walla kel mara aby ajarba …enshalla hal weekend 🙂

    7abait agoolek tara 7adeeth elyoum fekra wayed 7elwa

    • راح يعجبك ان شاء الله بس لاتختارون نفس المقبلات الي انا اخترتهم 🙂

      حديث اليوم الله ينفع فيه ان شاء الله كان المفروض كل يوم أحط حديث بس مرات انساه أو انشغل فا مو كل مره أغيره بس ان شاء الله الله يقدرني عليه

      شكرا

  3. عليكم بالعافيه

    جربته مره وحده وكان حلو

    وحتى عنه تقرير في بلوقي

    واذكر كان اخر يوم قبل رجيم رحت له بعدها اهي اهي اهي

    ههههههه

    شكرا 🙂

  4. ما ادري ما حبيتة .. بس قاعدة حلوة

  5. يعني جربتيه ؟

    رجعت حق بلوق شاي الضحى ايضا طلعت المقبلات مو ذاك الزود بالنسبة لها

  6. السلام عليكم

    الستيك شكله يشوق عليكم بالعافيه
    بس الشوربه كلش D:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.