كيف تصنع Diffuser للفلاش ؟

 

 

قبل فترة رحت لمحل العجيل أدور Diffuser للفلاش الي عندي وفايدته انه ينعم الإضاءة لما توجه الفلاش مباشرة للهدف المراد تصويره

المهم أني رحت محلين ومالقيته عندهم وآخر شي طلبته من أمازون مع التوصيل 5 دنانير مع أن سعره بالموقع 3 دولار فقط

 

بنفس اليوم شفت طريقة صنع دفيوزر من باكيت الزقاير 🙂

اول شي تفرغ الباكيت وتطلع القصدير الي داخله و وترده بالباكيت بالطريقة الموضحه في الصوره الأخيره

 

 

 

بعدها تركبه على الفلاش العادي المدمج مع الكاميرا وتصور 🙂

 

 

وهاذي نتيجة الصورة

قبل                                               بعد

 

تلاحظون الصورة الي على اليسار الإضاءة فيها أنعم وبدون ظل وبدون انعكاس للضوء على المشاهد للصوره

 

15 تعليقات

  1. ههه
    زين المالبورو ارتفع سعره بالسوق !
    يصير دنهل ولا لازم مالبورو ؟
    وصحيح
    ينفع الأحمر ولا لازم الآبيض ؟
    مو وزير جاوب ههه

  2. حلوة الطريقة والله

    لكن شف لنا علبة ثانية غير علبة الزقاير, مالها داعي الناس يظنون فينا السوء 😛

  3. انا ماعندي خبره بالتصوير ابداً ابداً

    لكن الصوره [قبل] احسها اوضح وافضل 😀

    وش اللي يميز الصوره اللي على اليسار غير انعكاس الضوء على الجدار .؟

    • الظل خلف الرجل شي سلبي بالتصوير وظل الزقاير على رقبة الرجال ولمعة الجبهه وانعكاس الباب كلها بنظرة المصور أشياء يجب تجنبها واعطاء اضاءة ناعمه منتشرة

  4. بو فلان هذا اللي تتكلم عنه ايي اساسا مع الفلاش بالكرتون غريبه مو حاطيلك ! يمكن لأنك ماخذ 430 ؟ و جان قلت تبيه اعطيك مالي من اول ما خذيته ما استخدمته لوووول 😛

  5. وأخيراً لقينا فايدة من الزقاير : )

  6. ههههه
    خوش اختراع

  7. خالد العتيبي

    طيب و الي ما يدخن و المشكلة الحين الدخان عندنى زاد سعره

    مشكور ابو فلان و على فكره موقع كام 4 سل في السعودية

    يبعونه بسعر خيالي

  8. لفلاش الكاميرا الصغير تقدر تقص كرة تنس وتركبه على الفلاش ، شكله اذرب من باكيت الزقاير ،،

  9. ديروا بالكم ترى اللي يصوور تصير ريحته زقاير!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.