مطعم سوبريم كافيه .. cafe supreme

,

مطعم أو كافيه سوبريم : مطعم يقدم المأكولات الفرنسية .

مكانهم الي رحتله بمجمع الكوت ما أدري اذا عندهم أماكن ثانيه !

إيجابيات :

* القعده الخارجيه الي تطل على النافورة الراقصه جميله جدا وخاصه في الأجواء الليليه , بس انا قعدت داخل لأنه الناس رايحه وراده يطلون بحلجك 🙂

سلبيات :

* المطعم من داخل كله دخان الطباخ يعني تدخل تتبخر وتطلع 🙂

المقبـــلات

شوربة دياي بالكريمه لذيذه جدا

وهذا خبز بالثوم أيضا طعمه حلو وخفيف مو نفس مال بيتزا هت كأنك تاكل طابوق جيري 🙂

الأطباق الرئيسية

هاذي باستا دياي بالكريمه جميلة جدا

وهذا ستيك لذيذ وطري والطبخه مضبوطه

وهذا العصير

ليمون بالنعناع ( ماعجبني وايد )  وبرتقال مع الفراولة

وهذا قسم السويت والكيك

وهاذي صورة لديكور المطعم من داخل

وهاذي الفاتورة

التقــــــــــــييم

المكان 8 / 10

الخدمة 6 /  10

جودة الاكل 8 / 10

السعر 9 / 10

وبالعافيه علي وعلى غيري 🙂

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo Buzz

30 تعليقات

  1. عليكم بالعافيه

    في عنده فرع ثاني بالمنطقه الحره ومادري اذا في مكان غيره بعد

    شكرا 🙂

  2. يمييييييي ما شاء الله مطعم رااائع وتصوير أروع 🙂

  3. كلامك هالمرة ما يشجع انه نروح له

    نزلته للقاع ههههههههههه

    خاصه القعده وين ما تقعد ما راح تحس براحه سواء خارج او داخل المطعم

    ولما قلت عن الباستا جميل يعني مو لذيذ بس شكله حلو!

    عليكم بالعافيه

    • يا هلا

      انتي شكلج مبتلشه مع تويتر 🙂

      سوي بحث بقوقل كتبي شرح موقع تويتر

      بالنبسة للمطعم زوين وهو على ما قالوا مو من المطاعم الي تشتاقلها مره ثانيه 🙂

  4. عندهم عصير اسمه فزبري اذا ماني غلطانه و الله نسيت بس طعمه عجيييب لونه احمر و في فراوله 🙂 كافيه سوبريم شغله حلو

  5. يقول النبي صلى الله عليه وسلم: (ما ملأ ابن آدم وعاء شرا من بطنه بحسب ان آدم لقيمات يقمن صلبه)
    أسأل الله تعالى العفو والسلامه.

    • 🙂

      يقول النبي صلى الله عليه وسلم : ( إن الله يحب أن يرى أثر نعمته على عبده )

      ويقول صلى الله عليه وسلم : ( البذاذة من الإيمان )

    • انا اقول لو تمسكلك جم كتاب وتطلب العلم أحسن من حديثين حافظهم وجاي تطبقهم عندي

      • الله المستعان، حديثين من أحاديث النبي عليه الصلاة والسلام أفضل من جميع الكتب ومن أقوال البشر… أهكذا تكون النصيحة؟

    • هلا بو خالد ..

      ما شاء الله عليك .. كل مكان ألقاك قاط درر ..

      بعدين الريال ما طلب شي .. شوربة + خبز + قطعة لحم = لقيمات .

      وبعدين ترى الحديث فيه غلط .. يا ريت تصلحه .

      وخف على نفسك شوي .. وتفقه في الدين عدل .. ولكل مقام مقال ..

      يعني عيب تدش على المدونة لتقييم المطاعم .. وتحط حديث للنبي صلى الله عليه وسلم .. لا تفقه مناسبته ولا معناه .

      الرسول صلى الله عليه وسلم كان يقدم له شاة كامله .. يأكل منها لقيمات .. ويترك الباقي لأصحابه ..

      أنا أدش مطعم مع ربعي ونطلب أصناف متعددة .. ممكن أكل لقيمات وأقوم ..

      المهم لا تدش بنيات الرجال .. وإتقي الله في نفسك وإحفظ لسانك ..

  6. مآشاء الله مطعم بطل ~
    بالعافيه علييكم ~
    ننتظر مدونة ام فلآن
    مدونة رآئعه آتمنى لك الرقي

  7. ماشاءالله.. عليكم بالعافية ان شاءالله:)

  8. لستيك شكله قوي حده

  9. بالعافية يا بو فلان ..

    وشكل الباستا عنييييييييف ..

  10. وااااااااااااااااااااااااااااااااي الباستااا تشووووووق

    عليك بالعااافية

  11. هالمطعم حلو

    وصج لم تدخل المطعم تتبخر عدل مدل

    مشكووووووووووووووور

    وعليكم بالعافييييييييييييييية

  12. يممم

    خبز بالثوم شكله خطير
    والباستاا واو

    حرام جوعتنا ع الصبح =/

    بالعافيه عليكمـــ ~

  13. الكافيه روعه والخدمه ممتازه والاكل طعمه جنان والاسعار بسيطه

  14. للاسف ماعرفت تطلب
    لو جربت تشيكن ويث تشيز
    ودياي مشوي وسلطة الروكا
    واشياء ثانيه
    المطعم عنده اطباق لذيذه بس اكتشفها
    قهوتهم الفرنسية قصه تقعد الراس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.