مطعم فيش ماركت .. Fish Market Restaurant

مايو 25

 

 

مطعم فيش ماركت : مطعم بحري يقدم الأصناف العديدة من المأكولات البحرية وأنت مخير فيه بين الطلب من المنيو أو الإختيار من الأصناف المعروضه والتي تحتسب بالكيلو

مكانهم : لهم عدة أفرع الفرع الذي قمت بزيارته يقع في مجمع المطاعم spoons في المهبولة وفرعهم الثاني في السالميه بجانب المدينة المائية .

 

* عذرا على رداءة التصوير الإضاءة ضعيفة في المطعم

 

أول ماتقعد يقدمونلك أربع أنواع من الصلصات وحده تعتبر سويت والثانيه عبارة عن صوص التارتار واثنتين مذاقهم حار بالفلفل

ويقدمونلك المنيو الذي يحتوي على أصناف متعدده من الأكل البحري مع بعض الصور وتستطيع الإختيار من الأصناف الموجوده في المطعم والتي تحتسب بالكيلو

 

 

المقــبـــــــــــــلات

 

شوربة مأكولات بحرية فيها ربيان وخثاق وسلمون بالكريمة ممتازه مع الليمون :)

والطبق الثاني توست بالروبيان الطبق عادي جدا لا شيء يميزه

 

 

سلطة سيزر جيده جدا

 

 

الأطبــــاق الرئيـســـــــية

* كما ذكرت يمكنك طلبها من المنيو أو الصعود الى الطابق الثاني واختيار ماترغب فيه من الأسماك المعروضه هناك

( روبيان – لوبستر – قباقب – سمك بأنواعه – محار )

وتختار طريقة الطبخ ( مقلي – مشوي – محمر – طبخ شرقي – طبخ عربي )

 

 

الأطباق الي طلبناها عبارة عن :

كيلو ربيان صغير ( الصغير عندهم يعتبر جامبو ) نصف مقلي بالبقصمات كان جيد جدا بالنسبة لي ونصفه الآخر مشوي على الطريقة الشرقية كان جدا لذيذ

 

 

الطبق الثالث هو ربيان جامبو بالجبن كان ممتاز فعلا

 

 

التقيـيــــــــــــــم

 

المكان 7 / 10

صغير نوعا ما

الخدمة 8 / 10

جودة الأكل 7.5 / 10

السعر 8 / 10

 

 

تقدر بعدها تحلي بالفواكه الجميله :) طبعا بفلوس مو بلاش

 

 

Related Posts Plugin for WordPress, Blogger...



29 تعليقات

  1. عووووافي على قلبك ..
    @@ نبي شى دسم يابوفلان هذي مقبلات ههههههههه

    Thumb up 2 Thumb down 0

    • أبوفلان /

      يالحبيب شنو مقبلات هذا نووي :)

      الظاهر ما اييب راسك الا المفاطيح والشحوم واللحوم

      ربي يعافيك يالشيخ

  2. أبو فلان .. هذا على النوخذة من أسوأ المطاعم .. بعدين من حقك تروح تتغدا برا وتتمشى .. أربع رواتب ماشاء الله تبارك الله :Pp

    Thumb up 1 Thumb down 1

    • أبوفلان /

      قل اعوذ برب الفلق ! :)

      النوخذه ماعجبني بس هذا اعطيه بالإجمال ٧ من ١٠ ويسوى تروحله مره ثانيه لعيون الربيان

  3. بالعافيه :)

    Thumb up 4 Thumb down 0

  4. sad_saint /

    اذا طلع اهو اللي بحولي مجابل مجمع العثمان فـ هالمطعم رهيب وما يتطوف ويطق النوخذه 5-0 :)))

    Thumb up 1 Thumb down 0

    • أبوفلان /

      الله ما ادري اذا هو نفسه ولا لا بس فيه اثنين فيش ماركت واحد كشخه شوي والثاني عادي

  5. ِAbu Taym /

    صحه وعافية ابو فلان
    صراحه انا جربت الاثنين فيش ماركت سوف السالميه القديم وفيش ماركت شارع الخليج وجربت اغلب مطاعم السمك بالكويت من بيوفهات ومطاعم ولقيت انه مال سوق السالمية القديم لا يقارن مع اي مطعم وانا اللحين صارلي 3 سنين زبون عندهم كل اسبوع طابهم
    والصراحة انصح فيه
    وبالعافية ابو فلان

    Thumb up 1 Thumb down 0

    • أبوفلان /

      يله زيارة الظاهر المطاعم كل ما ابعدت عن السالميه اختلف مستواها وكل ماصارت احدث ضعف مستواها :)

      وربي يعافيك يالحبيب

  6. كيلو الفراوله ب ٩ دنانير !!!
    شهالاحتيال

    Thumb up 1 Thumb down 0

    • أبوفلان /

      كثر ماتدفع كثر ماتتمتع :)

      انت اختار الشي المعقول عاد

  7. أبو أفنان /

    لا يابو فلان ظلمت جودة الاكل صراحة 7.5 ؟؟؟

    أنا اعطيه 8.5 أو 9 .. الاكل فعلا فريش ولا تحسه زفر :)

    Thumb up 0 Thumb down 0

    • أبوفلان /

      انا اشوف الأكل بشكل عام السلطله كانت عادية الشوربة الثانيه ماعجبتك التوست عادي

      الاطباق الرئيسية هي المميزه فقط

  8. هجوره /

    بالعافيه بو فلان

    لذييييييييييييذ فيش ماركت انا جربت اللي بابو حليفه صوب روبي تيوزدي

    Thumb up 2 Thumb down 1

    • أبوفلان /

      ربي يعافيج

      الي يم روبي ذاك النوخذه اما فيش ماركت بجمع سبونز اليديد

  9. بو محمد /

    بالعافيه بس شوفولنا مطعم حلو ونبيه عوائل يعني كباين ولا زوايه بس نبيه شي

    Thumb up 1 Thumb down 1

    • أبوفلان /

      الله يعافيك

      صعبة تلقى مطاعم كباين هالايام قليله جدا يابومحمد

      المطعم صغير للأمانه والزوايا كلها عند الجامات وتطل على ساحه

  10. ناصر العجمي /

    عوافي وجيك طبق السلمون بالفلفل الاسود راح يعجبك انا كنت كل يوم وترك اخذ عندهم الطبق هذا عموما شكرا على الموضوع

    Thumb up 0 Thumb down 0

    • أبوفلان /

      الله ماعطاني حب هالسلمون ما ادري ليش ؟

      لكن ان شاء الله أجربه

  11. ايييه يا بوفلان ذكرتني بأيام الإسكندرية كان افضل المطاعم المؤكولات البحرية الي هناك شغلهم كله فريش ومكانه قدام البحر يصيدون الصبح وبالليل بصحنك بس صراحة فرق الأسعار الي هناك ارخص حييل مع انهم نفس المطعم ونفس الماركة

    Thumb up 0 Thumb down 0

  12. قرص عقيلي /

    يعله عافية يا رب …

    Thumb up 0 Thumb down 0

  13. العنزي /

    عليك بلعافيه بو فلان مطعم طيب ويمدحونه رابع جرب المطعم هذا لبناني شقلهم ابداع اسمه صنوبر ابداع المطعم هذا باجر نشاء الله نجرب فيش ماركت عد والله له سمعه طيبه

    Thumb up 0 Thumb down 0

  14. بالعافية

    زرته من فترة

    زوجي أعجب بالخدمة

    انا حبيت السمك المشوي

    Thumb up 0 Thumb down 0

  15. دودو /

    صراحة التوست بالربيان كان لذيييييييييذ جدا مادري شلون قلت عنه عادي

    وبعدين شلون عندك 4 رواتب مشالله تبارك الله

    Thumb up 0 Thumb down 0

  16. بوسليمان /

    رحت لهالمطعم ووجدته اكله عادي وانا من عادتي آخذ العيال كل راس شهر ونروح لمطاعم فيها زفر تدرون كل شي غالي فالفاتورة لن تقل عن 150 دينار المهم..ومن خلال دوراتنا الشهرية اللي لقيته إن افضل مطعم للزفر هو مطعم زفير اللي بالفروانية..ففيه كباين للعايلات يعني اكل على راحتك ومحد يخزك والاكل فرش معروض جدامك وتختار منه بالكيلو..اللي ما راح مطعم زفير اسمحوا لي اقول..ما عنده ذوق.. المطعم اكله اسكندراني المكان كبير ومكانه بعد سينما مترو بالشارع الرئيسي مال المخفر

    Thumb up 0 Thumb down 0

اترك تعليقاً