صرف الخرده الحديد لدى بيت التمويل الكويتي

 

 

عندك فلوس حديد وخرده وتبي تصرفها وين تروح ؟ الجمعية مايعطونك كل مره ، والبانزين مبتلشين بخردتهم

لكن بيت التمويل الكويتي يوفر عليك عناء البحث ففي فرع صبحان قسم خاص ومدخل خاص لتصريف الخرده والحديد الى دنانير ورق وايداعها في حسابك

ماعليك الا أنك تعبي بياناتك بالورقه

 

 

لازم تنتبه لشغله وهي أنه يفضل إنك تكون فاصل كل فئة بروحها الـ 100 فلس بروح والـ 50 فلس بروح وهكذا

أبضا يطلبون بطاقتك المدنية لتصويرها

هاذي المكاين الي تقسّم الخرده وتلفهم بربطات وتروح للجمعيات

خلال نص ساعه يكون المبلغ بحسابك

 

 

8 تعليقات

  1. السلام عليكم…
    اسهل طريقه لتصرف بالخرده هي ايداعهم بالحساب!! بأي بنك.

    • للأسف رحت الوطني قالوا مانقبل ورحت التمويل فرع عادي قالوا روح صبحان

      • واحد راح حق التمويل وعطاهم كيس كله خرده وقال ابي تخردونهم وتعطوني فلوس دنانير(ورق) وقالو مو مشكله بس في عموله مبلغ وقدره ( للامانه ما تذكر كم) وقالهم حق شنو العموله … العمله كلها تحويل الخرده الي ورق ورفضوا … وقالهم طيب اذا جذي ابي احطهم ايداع بحسابي … وللاسف وافقو وببلاش…

  2. هههه

    انا خردتي تروح على طول للبانزين ومواقف السيارات

    مره العامل بمحطة البانزين عطيته الحساب خرده قال لي إسفط يمين على ما اعدهم! 🙁

  3. خوش خوش موضوع، أنا قبل كنت أصرف الخردة بالبقالات.

  4. انا مره كان عندي خرده 100 و 50 فلس بحدود 3 دنانير
    و اللي يشتغل بالسينما شافني اعطيه منهم جان يقولي عطيني اياه كلهم و اعطيج بدالهم ورق خخخخ نحتاجهم :p
    جان اعطيه و افتكيت منهم :p

  5. للاسف رحتلهم مرة وتوووبة .. ما كنت عادة الفلوس عدل بس كانو اكيد فوق ٣٠ لأني وصلت ٣٠ وتعبت ما عديت الباجي .. لكن اللي دخل بحسابي ٢٥ دينار ونص بالضبط .. عاد مادري شلون ضبطت بدون كسور !!
    اهيه ما يات عل ٥ دنانير بس شعور سخيف لما احد يستغفلكم ..
    طبعا بغيت اشتكي بس محد شجعني قالو كلها ٥ دنانير .. عاد جم ٥ دنانير يطلعون باليوم من ورانا ؟؟!
    لو بروح مرة ثانية بعد الفلوس بالضبط ولا يدش بمخابيهم ولا فلس من وراي فانتبهوا

  6. جوليا الاوج

    هل هي بس لل 100 و 50
    ولا كمان بياخذو ال 5 – 10 – 20 فلس ؟

    شكرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *