ساعتي من Fossil

 

 

وصلتني هذه الساعه من ماركة Fossil التي قمت بطلبها من موقع Ebay

عندما أرغب بشراء ساعة أقوم عادة بزيارة لمحلات الساعات المعروفة لدينا ورؤية الساعه على الطبيعة لمعرفة حجمها ولونها وسعرها في السوق ثم أقوم بتصويرها والبحث عنها في الانترنت لطلبها

وهذا ماحصل معي عند طلب هذه الساعه وغيرها حيث قمت بزيارة لمحلات One Time  المعروفه لدينا ببيع هذه الماركة ووقعت عيني على هذه الساعه حيث كان سعرها 47 د.ك

رجعت البيت وبحثت عنها ووجدتها في موقع Ebay بسعر  25 د.ك + 4 د.ك للشحن = 30 د.ك

الفرق يعني 17 د.ك  أظنه مبلغ غير بسيط 🙂

 

 

 

36 تعليقات

  1. مبروك وملبوس العافية .. 17 مو شوي بالنسبة حق السعر الاصلي 🙂 أنا أخاف من موقع Ebay مادري ليش

    • الله يبارك فيك

      بالعكس يالحبيب الموقع مضمون من كل النواحي والاعتماد كله على تقييم البائع والمشتري

      أكثر من شي حصلته ببلاش بسبب أخطاء من البائعين ويتأخر بالشحن وعشان ماتعطيه تقييم سلبي يدزلك القطعه ويردلك فلوسك

  2. على البركه ، عجبتني الساعة بتفاصيلها (:

    عندهم موديلات حلوه ، اعجبتني هذي :
    http://goo.gl/M6dyp

    • ترا ذوقي خطير

      الساعه الي حطيتها ما أحب هذا الستايل بو ارقام طبعا الأذواق تختلف مو كل مصمم ذويق p;

  3. انا شايف ساعة امبريو ارماني السعر بالكويت 127 وعلى النت 80 دينار ، بس المشكلة اني غير متاكد من وجود جمارك عند الاستلام ومتردد احسن ما ادفع ضعف السعر اجراءات وتخليص اذا بتساعدني بكيفية اتباع الشراء اكن من الشاكرين ( على الايميل المرفق) لنك الساعة http://cgi.ebay.com/NEW-EMPORIO-ARMANI-MENS-BLACK-POLYURETHANE-WATCH-AR5839-/110656976962?pt=Wristwatches&hash=item19c3ab7842#shId

    • الجمارك ماراح تتعدى الخمس دنانير

      خذها وتوكل على الله بس هاذي خالصه من المزاد

  4. علي البركه
    وماشاء الله شكلها حلو

  5. سالت عن الموضوع ، قال لازم افتح بوكس باميركا والموضوع صار فليم هندي

  6. بعدي والله ملبوس العافية

  7. الماركة شنوعها سويسرا ولا وش !!

  8. ممتاز حركة حلوة
    لكن هل الساعة جديدة أم مستعملة ؟

  9. ملبوس العافيه

    ابي مديلها ولا رابطها من ايبي

  10. أخوي بو فلان ,, بخوص الايباي الشحن دايركت على الكويت و لا لازم تشحنه على بريد أمريكي مثل أراميكس ؟؟

  11. مبروك عليك الساعة سبحان الله نفس الساعة الي كنت ابي اشتريها من امازون حطيتها بال wish list ناوي اشتريها بعد كم يوم لقيتها unavailable
    وهذا رابطها
    http://www.amazon.com/Fossil-ME1099-Leather-Textured-Chronograph/dp/B003V4FW2I/ref=wl_it_dp_o?ie=UTF8&coliid=I1EQW7RH3F0U02&colid=3KAFXIWJ4HEX3
    وملبوس العافية إن شاء الله

  12. ماشاءالله ماشاءاالله الساعة جميلة بمعنى الكلمة!

    أهنئك عالاختيار بوفلان .. ماركة fossil افضل ماركة للساعات بالنسبة لي فخمة و عملية

    ملبوس العافية بس ما عليك امر ابي رقم موديل الساعة وايد عجبتني :$

    و التصوير ١٠٠٪ ;p

  13. ماقصرت بو رضا

    • حياك الله يابوفلان انت والاخ عاد تصدق حظي مقبس بالساعات الي من الخارج كنت شاري ساعة guess طلعلي جلدها خنزير وفي ساعة ثانية ارماني عجبتني هم طلعت جلد خنزير وساعة جيت بشتريها ولا الريتنق مال البايع طلع مو مضبوط وهو الوحيد الي طلعت عنده هالنوعية
      وهم تحذير للي يبي يشتري من الخارج ترى نص جلود الساعات عندهم من جلد خنزير تأكدوا قبل لاتشترون

  14. شريت الاي باد 2 من الكتروزان قبل اسبوعين ب179 دينار , وسعر السمارت كفر 35 دينار , طلبت الكفر مع الشحن 16 دينار , يخرب بيت الحرمنه

  15. من كشخته الناس حبته !! ابوفلان انت ذوق
    ابي الساعة عندي موعد 🙂

    بالمبارك

  16. ما شاء الله بو فلان
    تقطعها بالعافية
    ما شاء الله عليك وايد يعجبني ذوقك
    بالعطور وبالساعات وبكل شئ
    🙂

    عندي سؤال بس
    25 + 4 = 30 !!

    لا اتغشمر لووول

    يعطيك خيرها ويكفيك شرها
    يلا شيشتني اشتري وحده

    • تسلم وربي يعافيك أخجلت تواضعي 🙂

      بس ارحل يابوجاسم وطوف لو سمحت 🙂

  17. ملبوس العافية

  18. ontime عامل outlet في سيتس سنتر الاسعار مقبوله بس الاختيارات قليله. شفت ساعه ارماني ارخص من النت ب ١٥ دينار من غير احتساب مصارف الشحن . بالكويت ٤٥ دينار وعلى النت ١٩٠ دولار

  19. عليك بالعافية

    ما احب موقع ebay

    بضاعتهم اغلبها مستعملة 🙁

    واخاف اطلب منهم

  20. مساعد العنزي

    يعطيك العافية بو فلان على الساعة الرائعة

    واريد منك ولا عليك امر

    طلب لي 3 ساعات مثل الساعة التي طلبتها

    اذا كنت موافق ارجوا ابلاغي

  21. اون تايم كفالتهم على المكينه مدى الحياه اهنيه انت انغلبت 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.