مدونة أبوفلان تقنية ، أخبار ، تجارب شخصية ، مطاعم ، سياحة
بالأمس قمت بتجربة جهاز التابلت التابع لشركة بلاك بيري المسمى Play Book وشكرا لصاحب الجهاز الأخ جمال 🙂
مواصفات الجهاز :
* الشاشة LCD 7 انش ، بدقة 1024×600 .
* البروسيسور 1 GHz والرام 1 GB .
* الجهاز يأتي بثلاث أحجام للهاردسك 16 , 32 , 64 .
* يحتوي كامرتين الخلفية 5 MP والأمامية 3 MP ، وكلاهما يدعم التصوير بصيغة 1080p اعتقد أنها ميزة قوية جدا !
* مخرج HDMI ، ايضا Micro USB و WIFI وبلوتوث .
* بطارية بقوة 5300 mAh .
* وزن الجهاز 400 غرام .
من خلال تجربتي للجهاز فالجهاز رائع من ناحية السرعه والحجم وخفة الوزن
الكاميرا ممتازه و كلا الكامرتين الأمامية والخلفية تدعم الـ Full HD
البي بي مسنجر لايعطيك pin جديد وانما هناك طريقة تقوم فيها بربط الجهاز بجهازك البلاك بيري ليعطيك نفس الـ pin
في التصفح سلس جدا وجميل وسريع في التنقل بين أعلى وأسفل الصفحة مع شاشة جميلة رائعة من ناحية الألوان
سلبياته :
الجهاز الى الآن غير مدعوم من ناحية البرامج وهذه أكبر سلبية لكن مع الوقت لاشك أن الشركة ستدعم هذا الشيء
أيضا لا يدعم اللغة العربية في الكتابة أما في التصفح فهو يدعم اللغة العربية ويعطيك كلمات صحيحه غير متقطعه أو مقلوبه
هذا ريفيو للأسمر الي اعشق متابعة أي ريفيو يسويه
httpv://www.youtube.com/watch?v=sCv8ZBvbqdY
والله شكل الجهاز حلو … والتصوير احلى يبو فلاان
والله الجهاز ممتاز بس باقيله دعم للبرامج
ما ذكرت شنو هو نظام التشغيل فيه؟ اكيد مو اندرويد ..
عندهم ماركت مثل الاندرويد؟ فيه برامج كثيره ولا شوي..
قول للاخ جمال.. لو شاري جالاكسي تاب الجديد احسن لك..
نظامه black berry os ويقولون راح يقبل برامج الأندرويد
البرامج لاتكاد تذكر وقلت انه عيبه انه مافيه برامج
أمس جربته بالكترونيات الغانم .. أبي أروح حق القائمة الرئيسية ماني عارف قعدت 3 دقائق تالي جان أسأل الموظف ويساعدني 🙂 الكبر شين هههه
يااااه ترا توك شباب بس يمكن نفس حالتي ماعرفلته 🙂
لو مو صاحبه عندي جان حذفته من اول مسكه
loool
لايقرأ المسج 🙂
ههه
يعطيك العافية يا بو فلان ..
ولكن السؤال الجهاز نازل من السنة الي طافة بمعرض برشلونة ..
و توه ينزل عندنا ..
واذا من ناحية العيوب هذا الجهاز اللوحي الاول لشركة RIM ..
ربي يعافيك
الجهاز ما اعتقد كان نازل من زمان للتو اعلنت عنه الشركة
الجهاز الأول دائما يكون فيه نواقص اذا كان اول اصدار من فئته لكن اعتقد باقي الشركات كلها اصبحت تصدر التابليت مما يعني ان الخوض في مجال التابليت سهل للشركات الجديده عليه بعد اقتحام كبرى الشركات له
اليوم شفت ipad2 يازينه زيناه شاشته أكبر من البلاك بري ووزنه وسماكته أقل من الأي باد القديم والآب ستور مليان
شلنا بالطلايب
تسلم أخوي على البوست وأكيد في ناس راح تستفيد منه
وأعتقد ميزته ان فيهusb
مافي شك أن الآيباد اقضل عندي لكنه جميل ايضا ويمكن لكن يحب الحجم الأصغر من الآيباد أن يقتنيه
والله يسلمك
الله يبارك لصاحبة ، كبير يا فولان على التصوير ، الظاهر باخذ كامرة 🙂
كنت ناوي اخذه بدل الزوم مواصفاته نار ما شاء الله و بس مشكلته صغير بالنسبة لاستخدامي + يبيله يكون عندك بلاك بيري و هالشي مستحيل بالنسبة لي ،
قريت خبر انه راح ينزل ١٠
و المدون ، نظامه BlackBerry Tablet OS جديد و راح تنزل عليه اغلب برامج الاندرويد لا تحاتي 🙂
آمين وحاضرين
انت عزم ع الكامير وابشر بالي يخدمك 🙂
وشكرا على اضافتك للموضوع اعتقد اذا كنت تحب الحجم الكبير افضلك الزووم
عجبني الأسمر :p
الجهاز شكله ممتاز .. اول مرة اشوفه و أتعمق بمواصفاته، يحتاج dual core processor و ماركت قوي حق البرامج + تعديلات صغيرة
على فكرة تراك مبدع بالتصوير يا بوفلان صرت محترف ماشاءالله :p
ايه هالأسمر كان جندي بالجيش والحين طلع وعايش ع اليوتيوب وشيكات قوقل يسوي ريفيو والشركات تعطيه الأجهزة ببلاش وعايش حياته
وأشكرك على الإطراء
مشكور على البوست بس اذا ممكن شنو نوع كاميرتك ماشاءالله الصور روعه
كانون 60D كاتب عنها اكثر من موضوع بالمدونة تلقينهم بالبحث
يعطيك العافيه على الريفيو الحلو عن الجهاز
-اول شي شركة RIM سوت برنامج اسمه android emulator واهو تشغيل برامج الاندرويد على playbook
-ثاني شي الشركة من قبل فتره يمكن افتحت القفل عن برنامج blackberry app world طبعا اللي كل يعرف انه كان مقفول بالخليج بس الحين افتحوه علشان playbook
-الجهاز لايوجد فيه زرار الهوم يعني كل شغلك باللمس والدلع
تحياتي لكم 🙂
):
صراحه مره احترت
مره اعجبني واحترت بين الجهازين البلاك تابلت و
dell insprion duo
تكفون انصحوني تعبت تفكير )”:
بغيت أسأل كم سعرة بالريال السعودي ؟
وشكرا ابو فلان, ماتقصر
حبيت اعرف السعر لكل الاحجام سواء كان ( 16-32-63)
والله يعطيكم العافيه