تجديد بطاقاتي لدى بيت التمويل

 

 

قبل أيام أصدر بيت التمويل الكويتي بطاقات إئتمانية جديدة لمختلف أنواع الحسابات لعملاءه

اليوم توجهت الى فرع بيت التمويل لفتح حساب لولدي الثاني وسألت الموظف عن إمكانية اصدارها حاليا فقال لي مومشكله ماراح تطول خمس دقايق فقط

وفعلا قمت بتجديد ثلاث بطاقات وبقيت بطاقة الفيزا وبطاقة الخير لم تتوفر لدى الأفرع !

 

التكلفة

حاليا البطاقة الواحده سيكلفك اصدارها دينار فقط بينما بعد شهرين سيكلف اصدار البطاقة 5 دنانير !

 

مميزاتها

١. البطاقة شفافه .

٢. chip أصغر حجما .

٣. إماكتية تغيير الرقم السري << ماقهمت هالنقطه .

٤. ماتتزلغ ولا تنمسح الأرقام المطبوعه عليها .

 

الوقت

يتم استلام البطاقة بعد اسبوع من تاريخ تقدمك بالطلب واستلامها يكون من الفرع الي اصدرت منه البطاقة

 

 

21 تعليقات

  1. زين سويت وشكرا على المعلومات باجر عندهم 🙂

  2. حتى البطاقات القديمه تقدر تغير الرقم السري مال البطاقه عن طريق الآله !!
    بس شكلي بروح اطلع لي اليديده الزرقه تنصح ؟

  3. بالتوفيق يا بو فلان والله يزيدك من حيث لا تحتسب 🙂

  4. يعيب بيت التمويل الزحمه واجراءاتهم تطول وايد

    يعني تقدم طلب على بطاقه جديده لازم تنطر ساعه على ما يوصل رقمك
    وتوقع وتبصم وتقر وتحلف وترجع بعد اسبوع هم تنطر ساعه عشان تستلمها

  5. نروح نجرب !! البطاقة مالتي طار لونها هههه

  6. فواز الجوكر

    بالنسبة لإمكانية تغيير الرقم السري : البطاقة الذكية التي تحتوي على شريحة يمكنك من خلالها تغيير الرقم السري بمجرد ادخالك البطاقة في جهاز السحب الآللي وأختيار خدمات أخرى ثم تختار تغيير الرقم السري وبعدها سوف يتغير رقم حسابك السري.

  7. حسابي مع بيت التمويل مصنف مميز ، و قمت بزيارة فرع الشعب والتحدث مع الموظف المسؤول ن الحساب ( موظف خاص بحساب المميز) الا ان الموظف رفض البدء بالاجراءات وقال لي لا استطيع اصدار بطاقة جديدة قبل اول مايو !!!!!!!!!!!!!!!!!!!!!!!!

    • افا ! هذا وانت مميز اللهم بارك

      والله انا طلعهم لي ب باقي الفيز قال توصل يوم الأحد

  8. ابو فلان اقول ترا المفروض البنك يطلع البطاقة فري حق الكل مو دينار الحين وبعد شهرين ٥ هو الحين مستفيد من العملاء الموجودين عنده اقول انا بجيييهم بعد خمس شهور وراح اطلعها بلاش كلماوحده تقولها يخقون ابي براءة ذمة يعطونك روحم هني

    • يحبون الفلوس وانا أخوك شنسوي

      بس يمكن في حال انتهت القديمة يطلعونها لك ببلاش والله اعلم

  9. شكرًا. ابوووو فلان دوم سباق بهل سوالف
    غراسياس
    غراتسي
    ميقسي

  10. لاياجماعه البطاقه القديمه مايصير تغير الرقم السري

  11. انا طلعت بطاقة اليوم مجانا

  12. بوفلان تنصح ببيت التمويل انا حسابي عالوطني بس توه طالع اسمي بالديوان للوظيفه وايد ناس يقولون لي حول عالتمويل كونه اسلامي شرايك ؟ محتار والله يابوفلان شتنصح

    • والله يابويوسف بدون شك أنصحك بالتمويل بنك غير ربوي حتى لو ماتاخذ قرض وجودك عند الوطني مثل الدعم لهم

      انا اقول حول ع التمويل حتى لو مميزاته أقل لكن الأهم الدين وانت اشتبي فيهم الا معاشك وتسحبه

  13. ان شاء الله باجر بحول جزاك الله خير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.