Pixie coffee machine From Nespresso

 

 

الأخ الكريم حسين الصفار من عشاق قهوة السبيرسو أرسلي هذا التقرير عن مكينة pixie الجميلة لصنع هذه القهوة خلال 20 ثانيه

تباع هذه المكينة في الكويت بسعر 90 دينار ووكيلها في مجمع 360c

لكن الأخ حسين شراها من اسبانيا كان عليها عرض ب 45 د.ك ومعاها ستاند وككاو دارك وككاو بالحليب

طريقة عمل المكينة هي أنك تشتري كبسولات قهوة تباع لدى الوكيل بسعر دينارين تقريبا للـ 10 كبسولات وفي منها أنواع قهوة خفيفة وثقيلة وبكافيين وبدون كافيين

وفي حال نفاد الكمية تستطيع الطلب من الوكيل وهو يقوم بالتوصيل مجانا للبيت

 

 

هنا فيديو من بوعلي لطريقة عمل المكينة

 

httpv://www.youtube.com/watch?v=Y9ZZHV3S0-E

 

Link

 

شكرا لك بوعلي على الصور والفيديو

المكينة جميلة لمن يحب القهوة أما من يعاني من تقرحات في المعده أو مشاكل أخرى فأنصحه بالإبتعاد عن الكافيين قدر المستطاع

 

 

18 تعليقات

  1. ابوفلان تنسحه؟؟ شنو يقرب لك مهمود هيدر ؟؟ (:
    لا مكرم يا بوفلان عنه بس المكينة موجنها غالية في ارخص منها انواع كثيره وبعدين سالفة الكبسولات هذي ماتريح حلات المكينة تحط فيها براحتك مو لازم منتجات معينة من الشركة

    • شنو تنسحه وين قاريها يبيلك نظارة p;

      والله مابحث في فرق الأسعار لكن اعتقد الأسعار بتكون متقاربة في حال كانت الجودة واحدة

  2. أتمنى أحط وحدة مثل جذي بالديوانية . لكن سعرها غير مقنع بصراحة
    اتصلت مرة على شركة نسكافيه قلت أبي ماكينة من عندكم للديوانية
    قالوا احنا نعطي للشركات بس على الاقل اشتراك شهري 30 دينار
    والمكينة لهم متى ما وقفت الاشتراك ياخذونها
    وظللت حزينا على صبي الديوانية مرة يضبطني بقهوة ومرة يلوع جبدي 🙂

    • ههههههههه ماعليه الله يعينك ويعينا زين ثلاثين مع المكونات هم يعبونها كل ماتخلص؟ ولا انت تعبيها من عندك اذا عليهم صراحة اشوف انها ممتازة بس اذا عليك لا خلك على الصبي احسن

      • حسين الصفار

        ابورضا
        لا اهم يعطونك اول شي ١٢ كبسوله هديه
        بعدين انت تشتري النوع اللي يعجبك
        كل ١٠ كبسولات من دينار ونص لي دينارين على حسب النوع

    • ترا الصبي بس يبيله يتعلم من صبي ثاني من الي يشتغلون بدوامات الوزارات ترا يضبطونها أحسن من المكاين 🙂

  3. انا من مدمنين الاسبرسو شريت مكينه KRUPS من الغانم بسعر ٤٥ دينار وتؤدي الغرض المطلوب.. ولاكن مكينه اسبرسو شامله تسويلك Latte – Cappuccino … اي شي مع الاسبرسو وفيها اداة البخار الي تسخن فيه الحليب وماي حار .. الي تكلمت عنها هذي K-cups ماتنفع الا للي متعلقين بنوع قهوه واحد.

  4. يصراحه شغل عدل

  5. انا بصراحة ما احب النسكافية بس هل الفيديو يشوق

    • جرب غير النسكافيه انواع ثانية كثيرة يمكن تعجبك

      بس دير بالك تدمن عليها

  6. احنا عندنا وحده بالبيت بس مو نفس هذي نوع ثاني بس من نفس المحل و تسوي كابتشينو و اسبريسو ..

  7. والله يا بوفلان انا غرامي شي اسمه قهوه

    تسلم ايدك على هالبوست

    في نوع ثاني بعد احلا من هاذي حدي كنت مشتهيه اييبها وياي من امريكا بس الوالد الله يسامحه ): قالي لالالالالا وين انحطها وين انشيلها لويه بالمطار

    انكسر خاطري والله

    لوووووووول

    بحاول اقص عليه المرا الثانيه او اني اشتريها من النت بس احاتي انواع القهوه اخاف اتوهق بالكويت

  8. طبعا الوكيل جنه مايدري عطاها دبل لوووول

    هذا اهو بعد شاري المكاين بسعر الجمله يعنى عااااادي طالعه عليه الوحده ٣٠ دينار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.