مطعم توتالي فيش .. Totally Fish Restaurant

 

 

مطعم توتالي فيش : مطعم بحري حتى النخاع يقدم لك الأكل على عدة طرق أمريكيه أو عربية أو أوروبية وآسيوي

مكانهم : في الأفنيوز بجانب محل هاقن داز مقابل النافوره يعني تطلع من الباب تلقاه على يمينك

 

ديكورات المطعم

الديكورات جدا جميله وتعيش معاها بالأجواء البحرية فعلا بس باقي يحطونلك صوت موج وأنت تاكل 🙂

 

 

هذا المنيو وفيه أصناف عديدة للأطباق البحريه من سمك وربيان وقباقب وخثاق او كالاماري وأم الربيان

 

 

وأول ماتقعد اييبولك هالخبز مع الفول بالثوم وزيت الزيتون

حلوه جدا الخلطه بس عيبها الثوم وايد

 

 

المقبــــــلات

 

شوربة بحرية بالكريمه

قمة في الطعم وبدون زفر كغيرها من بعض المطاعم وفيها قطع ربيان كبيرة وقطع كالاماري

 

 

هذا قبقب محشي بلحم القبقب والمشروم والجبنه

طبق لذيذ جدا جدا

 

 

هذا الطبق اسمه ربيان بالفخار مع زيت الزيتون والثوم المطحون والليمون والصبار

من أجمل الأطباق البحرية الي تذوقتها أنصح فيه وبشده

 

 

الطبق التالي هو كوكتيل ربيان كلاسيكي لأنه عندهم نوع ثاني لاتيني

الطبق كان عادي جدا وطعمه مقبول لا شيء مميز فيه

 

 

الأطبــاق الـرئيسيـة

 

طبق اسمه سلة مشكله من المأكولات البحريه ( ربيان مقلي + خثاق ) المفروض يكون معاها سمك بزري بس لغيته

الطبق حلو ومعاه صلصه بيضه طعهما جميل والكالماري الي فيها ماهو عرد مثل بعض المطاعم الي تاكله كأنك تاكل مطاط ولا تاير 🙂

 

 

الطبق الثاني ربيان مشوي مع صلصة نسيت اسمها

لكن حجم الربيان من النوع الجامبو وهالطق صار فرض عين أطلبه اذا رحت للمطعم في الزيارات القادمة باذن الله

 

 

المشروبات

 

عصير ليمون – سفن آب – زنجبيل

 

 

التقــــــييم

المكان 10/9

كبير وراهي وشرح وفيه قعده بره

الخدمه 10/8

جودة الأكل 10/9

السعر 10/8

ممتاز السعر مناسب جدا بالنسبة للأكل البحري

 

 

 

29 تعليق

  1. جزاك الله خير الصور تشوق، فعلا رحت له لذييييييييذ يبيله نروح مرة ثانية ذكرتنا فيه 🙂

  2. أخييييييه شوقتني أروح له

  3. المطعم عجيييب.. والله يبيله روحه 🙂

    وانا عجبني بعد المحلول الكيميائي (عصير ليمون – سفن آب – زنجبيل).. قوووووي.. ناس تشتغل صح.

    • من صجك أنت شي شي هالمشروب وعموما الزنجبيل والغازات والليمون تركيبه محظوره دوليا لأنها ادمان

  4. يعله مداخيل العافية ….

    يبيله …

  5. يا عله ما يحدر … إلا بالعافية إن شاء الله 🙂
    مازال مطعم الجمعية المفضل لي هههه

  6. موصج بس النوخذه واقطع هههه تحتاج البوفيه بالسي فوود ضروري

  7. بالعافيه اخوي
    بس عندي طلب ياليت لو تبلغني بالمطاعم اللي فيها كباين لاني اعاني اذا كنت ابي اطلع مع الاهل لحد ما احصل مطعم فيه كباين او حتي مطعم فيه خصوصيه شوي
    حتي لو ترسل لي علي الايميل
    شكرا ابو فلان

    • ياخي كبينه ليش وترى ماكو مطاعم زينه بالكويت فيها كباين خلاص اندثرت واذا زوجتك منقبه خل تاكل من تحت النقاب عادي اكثر الناس يسوون جذيه واذا ماتقدر اخذ لك تيك اوي عن الخاطر 

  8. بالعافية مليون ومو غريبة عليك الإختيارات الصعبة يا صعب. 🙂
    أنا كان غداي صبور مشوي.

  9. بالعافيه بوفلان شكله عجيييييب حده يبيله روحه

  10. شكله يشهي بالعاااافيه

  11. اللهم لاتفتنا 🙂

    بالعافيه بوفلان والله البحري شي عنيف

  12. مسويه ريجيم واليوم كل ما اجوع أدخل صفحه وأشوف والله داشتها اليوم خمس مرات 🙁

    بالعااافيه أبوفلان

    • رهام ضحكتيني والله مشكلة هالرجيم خربيها وابدي مرة ثانية يوم السبت …
      لا تخلين شي بخاطرج روحي واكلي ما تشتهين وإذا رديتي البيت شربي شاي اخضر وزنجبيل فرش وكمون راح ينهضم الاكل ..

    • تعوذي من الشيطان الرجيم

      وربي يعافيج

  13. عاد صارلي فترة ادور مطعم بحري نفسه

    يبيله اروحله

    تشكر يا باشا

  14. قمت اسعبل -_-
    عليك بألف عافيه

  15. علييييك بالعافية يابوغلان .. اعتبره من مطاعمي المفضلة .. لان سعره مقارنة بمطاعم السي فود اعتبره معقول وجيد جدا

    بالعافية ان شاء الله

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *