إماراتي يشتري ” زلزال ” بـ 200 ألف درهم !

.

اشترى إماراتي في مدينة العين خروفاً نجدياً بلغت قيمته 200 ألف درهم وذلك في ملتقى الأغنام النجدية الذي أقيم في المدينة وسط حضور لافت من أبناء المنطقة ودول الخليج .

ونقلت صحيفة “الخليج” الإماراتية عن عبد الله الناصري أن الخروف الذي اشتراه واسمه “زلزال” من السلالات النادرة المنتجة في الدولة وسيضمه إلى بقية الأغنام التي يحرص على تربيتها في مزرعته الخاصة بالعين .

المصدر

.

اللهم ارزقني زلزالا 🙂

.



23 تعليقات

  1. اللهم إرزقنا جميييييييعا زلاااااااازل كاااك xP

  2. هههههههههههههههههههه

    العيال للي بالصوره ما يجون ربع قيمه الخاروف 🙂

    …..

    المسكين لا اسم ولا شكل …

  3. فاطمه الكندري

    شنو هالزلزال , اسم على مسمى اذا ركض في الحديقه يهز الارض هز ماشاءالله وكل خطوه فيها استصلاح للتربه@@
    والله اول ما شفته علبالي نسر كبير يستهبل لابس كعب او نعامه مربربه( :

    ماشاءالله تبارك الرحمن, سبحان الخالق, زلزال ولا اروع, لاحظ وقفته ماشاءالله هيبه ورزه عيال زلازل
    أسأل الله العظيم أن يرزقك زلزالاً ماركة آبل ( :

    قواك الله وبارك الله فيك

  4. باجر يبيع من وراه اضعاف سعره
    والسبب !! اختفظ فيه لنفسي 🙂

    الحمد لله والشكر

  5. أتوقع هالخروف أغلى من العيال الي صافين معاه :p

  6. الصراحة كل مالنا ونأسف على حال الامة العربية !!
    مسابقات جمال للحيوانات وما الى ذلك فعلا هذا مايحصل عندما نرى المال يذهب الى غير محله

    شكرا اخي بو فلان على هذه التدوينة

  7. الناس كلها ما عجبها اللي سواه , المشكلة كل اللي حوله يصفقون له ويشجعونه .-.

    اللي يقول الله رازقه وهو حر بفلوسه,
    واللي يقول بيبيعه بسعر أغلى وبيكسب , هذه تجارة ,

    وكل واحد يشوف له عذر ,,

    الله يخلف بس, لو علم عياله وصرف هال200 ألف عليهم كان أبرك له ..

    مشكور بو فلان عالموضوع 🙂

    • أشوف إنه عادي اذا كان يقصد منها التجارة بحيث يبيع الإنتاج بسعر ممتاز

  8. بدال مايقط هالفلوس على خروف
    خله يروح يشتري حق عياله نعل
    حفاي كسرو خاطري.
    ؛)

  9. والله زين راح تخرب على راعين النياالنياق
    هههههههههههههههههههههههه

    • لا اهل النياق ملك أمل أحد يصك عليهم عيل بعير بوبراطم ينباع بملايين الريالات 🙁 هزلت

  10. كل واحد حر في ماله
    قولوا الله يرزقه. ويرزقنا

  11. انزين لو الخروف مات شيبي يصيير فيه بعد ما دفع 200 ألف درهم ؟؟

  12. قسمن بالله للعرب تفكير متخلف غير عن كل العالم !!
    دايما نظرتهم سلبيه بالله مات بالله مرض بالله مادري شنو شستفاد الحين !!
    يبا الريال ما شرا خروف ب200 ألف درهم عبط و لا فلوس زايده ؟ قسمن بالله إنه ذكي شوفو الحين تبارك الرحمن شنو النسل اللي بيطلعه من هالخروف قول بيقطه بين 100 نثيه و قول أقل شي 20 نثيه بتحمل و تييب واحد و إذا كل خروف يابه هذا ببيعه ب200 ألف يكون طلع 4 ملايين من 20 نثيه !
    ماقول إلا الله يهنيه و يرزقه و يبعد عنه العين و يا خلاف على حالة العرب و تفكيرهم السلبي اللي خلانا آخر الشعوب ما منا فايده 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.