موقع sheeel.com يا تشيل يا ماتشيل

.

.

ظهر مؤخرا على الساحه الكويتية موقع sheeel.com وشعارهم sheeel .. Deal EveryDay

شيل كل يوم ديل وكل يوم عروض

.

فكرة الموقع ؟

الموقع باختصار يقوم بعمل عرض كل يوم الساعه 12 ليلا ويقوم بعرض منتج لايمكن ان تجد نفس سعره في السوق الى انتهاء الكمية أو الى انتهاء الوقت يعني ياتشيل يا ما تشيل وياتلحق و يا ما تلحق

.

بعض العروض ؟

العرض الأقوى الي مالحقت عليه كان على جهاز Mac Mini 1.42 GHz  القديم نوعا ما ولكن السعر فعلا يستحق حتى لو تجعله هاردسك خارجي 🙂

سعره بالعرض كان 10 د.ك فقط لاغير

.

pic via Fereej

.

العرض الآخر والذي قمت بشراءه هو Ipod shuffle 4 الجديد بحجم 2 غيغا وبسعر أيضا 10 د.ك الأرخص حتى من موقع أمازون وأرخص من أي مكان في الكويت

.



.

طريقة الطلب والخدمة ؟

الطلب بعد ان تقوم بالتسجيل بالموقع تستطيع الشراء منهم عن طريق الكي نت أو الفيزا والتوصيل خلال يوم بالنسبة للكويت وخدمتهم أيضا تشمل دول الخليج

بالنسبة لي قمت بشراء الآيبود الساعه 11 صباحا يوم الأحد وتم توصيله لي اليوم الثلاثاء الساعه 9 صباحا وبعض الشباب ممن طلبه بنفس الوقت تم توصيله لهم بالأمس يوم الإثنين وهذا شيء لا أعتبره سيء أبدا

أيضا يقومون بارسال رساله لك قبل التوصيل , والتوصيل يكون عن طريق خدمة Taw9elورسوم التوصيل 1 د.ك

يعني الآيبود طلع علي 11 د.ك مع التوصيل

.

رأيي بالموقع ؟

بالنسبة لي الموقع فعلا يستحق المتابعه وانت المستفيد من العروض أولا وأخيرا

ماكنت بكتب عن الموضوع عشان ماتصير زحمه ومانلحق نشتري شي 🙂 لكن الموقع أثبت وبجداره استحقاقه للدعم وفكرته جديده ومتميزه

.

وصلت الطلبية ومعها هدية جميلة وبسيطة من موقع sheeel.com وهي أقلام وميداليات وملصقات عليها شعار الموقع فشكرا لكم على هذه الهديه

.

.

59 تعليقات

  1. للأمانه بوفلان الموقع يستحق المتابعه، امس مانمت الا لما شفت عروضهم الساعه ١٢ ، طبعا تحسفت اني نطرت ولاكن ادري راح اتحسف لو يطوفني شي بعد.. من اليوم ورايح بضبط المنبه علساعه ١٢ بليل يومياً.

    • غيرك أكيد يبي طابعات مو كل شيء يعجب الكل ونفس حالتك كل يوم الساعه 12 فاتح الموقع وريفرش 🙂

  2. عبدالرحمن العثمان

    جميللللل 😀

    طيب ليش لماذا ؟؟

  3. ابوفلان …. الموقع تابع لجريدة الوطن (;

  4. نبي عروض كل ١٢ ساعه “:(
    متى بنشوف ايفون بـ ١٠ دنانير ؟؟ “:(

  5. للعلم فقط
    الفكرة متميزة لأنها تبيع بالكويتي و لدول الخليج لكن ماهي فكرة جديدة

    موقع شيل عبارة عن نسخة من موقع ثاني اسمه
    woot.com
    و شكرا

  6. خوووش شي والله وقواك الله بوفلان شرح جميل

  7. صراحة الموقع عجييييب وصارلي اسبوع اتابعه

    بالنسبة للاي بود الي شريته ابد ماكان عرض حلو وسعره عادي وامس بالمعرض شفته عند آي ستايل ب ١٢ دينار >> الي بوصله مو دايما العروض حلوة حتى عرض اليوم برنت عادي سعره ٢٥ احس ان سعره غالي مقارة باسعار الطابعات الحالية من ماركات معروفه ومشهورة الي اصبحت في الفترة الاخيرة جدا منخفضة

    • أمس شايفه بالغانم ب 19 والمعرض مايدوم

      وهم بعد أرخص من المعرض وواصلك البيت

  8. لازم اعرف سر هذا الموقع
    وبالمبارك الآيبود

  9. يعطيك العافيه بو فلان

  10. صراحة انا من اول مافتح وانا متابع شينزلون
    وعروضهم حلوة صج انه الماك ميني قديم بس صج 80 جيجا وماك وتقدر تستعمله باللي تبيه وحتى لو كلش كلش انتيكه وثانيا الطابعه ترا بامازون اب 899$ دولار غير الشحن !! وايد زين اب 25 دينار !!
    انا اليوم رابع قطعه او ثالثة قطعه اطلبها منهم ويزاهم الله خير كل يوم عروض احلى من الي قبلها

  11. مشكوور ابو فلان على هل الموقع
    بس انا زعلان
    لاني انا كنت اعرف هل الموقع وكنت اقدر الحق على اشياء
    الحين لا الحين ((زحمه يا دنيا زحمه))
    بس همن عليهم بالعافيه
    اي وشعليك حطو اسمك قاعد يشكرونك 😀

  12. يعطيك العافيه يا بوفلان وما قصرت

  13. ليش جذي ابوفلان يوم سحبت كل شي بحسابي البنك حطيت الموقع من زمان نفسي بكاميرا واليوم حاطينها وخوش سعر ويوصلون بعد

    ع العمووم يعطيك الف عااافيه (F)

  14. شكرا أبو فلان .. موقع جميل ولكن أستغرب عدم وجود صفحة باللغة العربية !!!

    🙂

  15. شنو السر يا فريج ؟!

  16. الصراحه خوش موقع بس شمعنى الساعه 12

  17. يعطيك العافية اخوي
    بصراحة الموقع عجيب
    ^_^

  18. للاسفً أني شفت في موضوعك اليوم ان سعر الإيبود١٠دنانير و ادري ان موضوعك بتاريخ قديم دشيت اليوم ولقيت سعره ٣٥ دينار ؟؟؟؟؟؟؟ تقدرون تفسرون فيلبس الزياده ٣٥٠٪ عن السعر القديم؟؟؟؟؟

  19. حلوووووووووووووووووووووووو

  20. الحين ناس يقولون التاريخ القديم سعر الآيبود 10 وناس يقولون الحين 35 فسرولي الأمر علشان ابي اشتري

  21. ياناااااااااااس جاوبوني

    ابي اشتري لعيالي بسرعة بكرة عيد ميلادهم

  22. السلام عليكم

    الله يعافيكم عندي استفسار بالنسبة لموق شييل

    انا عندي بضاعه وحابة اعرضعا عالموقع شلون الطريقة

    وشكرا ,,,,

  23. ام كيف طريقة الاشتراك في الموقع لحظة والموقع شسمة مادري اسمع سوالفكم بس مدري من وين اشترك

  24. السلام عليكم ياشباب ابي اعرف اشلون ادش واشتري من الموقع

  25. عجبني المنتدى شيل و اذا اقدر احجز كان حجزت

  26. ودي اعرف من وين احجز

  27. ابي العدسة اللي تتركب في جهاز الايفون اللي موجود فيها عين السمكة والتكبير والزوم

  28. آلسـَلآم عليـڪـَـَم وَرَحْمــَـہ آللًـہْ

  29. ممكن توصلولي تلطلب انا بدي اي بود 4 الرجاء توصلولي

  30. حلو العرض والقران

  31. شكله عروضه حلوه…انا توي شيفاه

  32. عدسه ايفون٤معا التوصيل وابيها توصلي بع١٠ايام اذا ممكن

  33. السلام عليكم العروضات وااااااايد عجبتني

  34. السلام عليكم العروضات حلوة بالنسبة لي واهديكم الشكر و التقدير

  35. اذا بطلب في رقم اتصل عليه

  36. ممكن شرح لطريقة الموقع

  37. الموقع جيد نوعا ما اما الأسعار عاااااادية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.