Samsung Galaxy S unboxing

.

نظرة فابتسامة فسلام فكلام فموعد فلقاء 🙂

هذا الي صار معاي بالضبط مع جهاز الجلاكسي ونظام الأندرويد

فبعد التجربة البسيطة للنظام والجهاز لا أخفيكم أنه أسر فؤادي <<< قيس وليلى

.

هالموضوع راح أوريكم فقط الجهاز والأغراض الموجودة معاه بالكرتون وبعد الاستخدام والتعبث راح أسوي موضوع مقارنة بينه وبين الآيفون 4 أتمنى أن اكون فيها منصف بينهم

.

.

.

الموجود بالعلبة :

السيديات الخاصه ببرنامج kies للتعامل مع الجهاز

الجهاز نفسه والبطارية وسماعات الإذن

والشاحن لكنه للأسف راسين مو ثلاثه , بالإضافة الى كيبل أو وصلة الكمبيوتر

مع كتالوج عربي وانجليزي

تنبيه : الذاكرة مدمجة مع الهاتف ولذلك لن تحصل على sd card من ضمن الأغراض وراح يكون مكانها فاضي بالجهاز وتقدر تحط تحط الى 32 غيغا .

.

58 تعليق

  1. يعطيك خيره ويكفيك شره
    فعلا اختيار مميز من شخص مميز
    ننتظر مقارنتك

    • الله يعافيك يامخرب الآيفونيين 🙂

      ان شاء الله تحتاج مقارنة طويلة واستخدما من كل النواحي

  2. السلام عليكم

    مبروك يا بوفلان
    كلمتي حق اي واحد يشتري شي جديد ؛-) تكسره بالعفية

    جرب كل شي لكن مردك لللايفون لانه نظام ثابت افضل من غيره و هذا رايي

    • وعليكم السلام ورحمة الله

      والله يبارك فيك وان شاء الله ما انكسره بس نسويله روت ونلعب فيه لعب

  3. فهد المطيري

    تكسرة بالعافية
    ممكن نعرف شنو مميزاته عن الايفون وطريقة نظام الاندرويد
    معقدة بالنسبة لمستخدمين الايفون ولا لا
    شكرًا

    • الله يعافيك

      راح أوسي مقارنة باذن الله

      لكل نظام مميزاته النظام مو معقد لكن الآيفون أبسط منه

  4. تكسره بالعافيه

    ونآطرين المقآرنه اللي بتنصف بو تفآحه الكبير ..
    تسلم على الصور وخصوصآ الاولى شكلها دمآآر

    • الله يعافيك

      مبدئيا بتنصفه من قلب 🙂

      الله يسلمك حاضرين ترا مصور بس خاش هوايتي

  5. الف مبروك

    والله يعينك على اللاق!

    على فكرة قالولي اخواني ان حتى الايفون يعمل لاق.. ولاق محترم بعد ومو بس الجالاكسي اس اللي يهنق!

    يعني كلهم بالهوا سوا..

    بس قول لنا شلون الخط العربي بالمتصفح بالجالاكسي اس؟
    أنا سألت نفس السؤال لفرانكوم وعطاني طاف!! ما رد

    جرب تنزل المتصفح الفايرفوكس فيه وجربه
    وشكراً

    • الله يبارك فيك

      اي والله التلفون اذا استخدمته استاندر مايقارن بالآيفون لازم تعدل عليه يالله يضبط

  6. الف مبروك وعليك بالعافيه
    بس ابي منك طلب
    لا تسوي المقارنه الا بعد ماتركب الروم الي فروس مركبه
    هني سو المقارنه وبتشوف اذا يهنق السامسونج ولالا
    نياهاهاهاها بس اربط حزام الامان قبل لا تركب الروم لانك بتطيير

    • ركبته وماحعجبني رديت ع الديفولت مع لاق فكس وكيرنل وما ادري شنو 🙂

      وأشكرج على الاقتراح 🙂

  7. عليك بالعافيه
    نظام اندرويد نظام قوي جداً
    بس يربطني بالايفون ارتباط عاطفي اكثر منه ارتباط ارقام ومواصفات
    “:]
    وانا متاكد ان سبب شرائك للاندرويد هو فقط للتجربه واشباع رغبتك بتجربه شي جديد

    • الله يعافيك فعلا انا حاب اجرب فقط

      وتعدد المعارفه والثقافه في الانظمة شي جميل

  8. مبررروك أخي الكريم وأعتقد أن لا غني عن نظام iOS

  9. عالبركة يا بو فلان وأنا أهنيك على هالخطوة وبانتظار تقييمك والمقارنة بينه وبين iPhone.

  10. مبروووك 🙂
    وعقبال ما تتحرر بالكامل 😛

    • الله يبارك فيك

      فعلا الجهاز مريح بالاستخدام ونقل البرماج له بعيدا عن الآيتونز وغثاه

  11. مبروك الجهاز
    بكم ومن وين؟

  12. الف مبروك
    واذا تبي تبيعه انا شراي هههه
    تكسره بالعافية وإن شاء الله يكون مثل ما تتمنى وأكثر

  13. عالبركه..
    ومنها الى Flan OS 🙂
    انا استعمل الاندرويد من نزل 1.6 بصراحة برمجه قويه .. تخيلو برمجه جديده تقدر تتحدى برامج قديمه وتغلبت على الكثير منها مثل السمبيان للنوكيا 🙂

  14. مبروك تكسره بالعافية انشالله
    عاد نبي تقرير عنه ومقارنة حلوة
    انا صارلي فترة اتهدد عليه بس خايف اتوهق فيه 🙂

    • الله يعافيك

      اذا عندك الآيفون اخذه من باب التجربه

      بس اذا ماعندك الآيفون اخذ الآيفون أول

  15. مبرووك الف مبرووك وتكسره بالعافيه شفت اعلاناته وايد بس ما تشجعت اخذه …

  16. الله يعطيك خيره ويكفيك شره ياخووووي

    كم بكسلز الكاميرا مالته 🙂

    واهم شي فالريفيو الانترنت 😉 ….

    • الله يعافيج

      الكامرة 5 ميغا بكسل

      والفيديو اتش دي

      ان شاء الله نضبط الريفيو

  17. عليك بالعافيه

    بانتظار تقييمك له

    انا بخاطري اخذ السامسونج تاب 🙂

    • الله يعافيج أختي رورو

      السامسونج تاب حلو لكن يظل حجمه صغير اشوف انه غير مناسب للقراءة

  18. الله يهنيك فيه
    في انتظار المقارنة
    نبي نشوف شنو هل الاتدرويد

  19. مبروك عليك الجهاز بوفلان،، و بإنتظار المقارنة الحاسمة

  20. ألف مبروك الجهاز يابو فلان
    وانشاءيعطيك خيره ويكافيك شره
    وصج تشجعت اخذ واحد.

  21. مبروك الجهاز ولو اني افضل htc desire hd عن الجلاكسي بس المهم انهم يشتغلون بنضام الاندريود يعني ربع (:
    راح اتحس بانه الايفون جهاز غبي مع مرور الوقت وانصحك تنزل برنامج applanet على الجلاكسي , البرنامج هذا نفس الانستولس لل اندرويد يعني تنزل برامج ببلاش واي استفسار انا حاضر لاني خبره بالاندريود

    • التلفونين ممتازين لكن اتوقع الديزاير يتفوق لأن سامسونج معدلين ع الجهاز ويدعم عربي عشان جذي صار لاق بالنظام ولا النظام بدون تعبث ممتاز

      شكرا ع البرنامج 🙂

  22. تستخدمه بالعافية D:

  23. مبروك الجهاز وتكسره بالعافية …

    الله يهداك يا بوفلان شيشتني على الآيفون والحين غيرته ..
    انا بنطر المقارنة مالتك وراح اتم على النوكيا شريك حياتي وحبيب قلبي …

    • الله يبارك فيك

      الآيفون لابد منه أولا ثم اذا تبي تجرب نظام ثاني جرب الأندرويد

      لكن كلاهما له ميزات تميزه عن الآخر

  24. مو قالك كميل + تجربة فاشلة والجالكسي ما يسوى
    وتعب و أذية هههههههه احباط مو ؟؟
    عسى الله يعطيك خيره و يكفيك شره
    و تغير لنا الفكرة اللي عطانا إياها كميل + عن الجهاز

    • ونعم والله بكميل وتقريره فعلا جميل

      لكن حبيت اجرب فعلا نظام الأندرويد والعيب من الجهاز نفسه بسبب تعديل شركة سامسونج على النظام ليتوافق مع جهازهم

  25. الف مبروك .. وهالجهـآآز روعـآ صرآآحـه ومحد استخدمه الا ومادحه لي

    اما الآيفون والله كل من يستخدمه قام يسبه ..

    • الله يبارك فيك

      فعلا الجهاز حلو واستخدماه جميل لكن لا غنى عن الآيفون

  26. الله يعطيييك خيره ويفيييك شره
    وازيدك من الشعر بيييت جلاكسي 2 يبي ينزل خلال شهر 6 يعني
    يبي يضرب الايفون فور ضربه قويه
    جلاكسي 1 فيه مميزات عن ايفون 4 كيف عاد جلاكسي 2
    باي باي ايفون انا جربت الايفون
    جهاز جهاز لاكن علي حسب تقيمي العيوب التاليه
    1:لاتبدل البطاريه
    2:قابل للخدوش حتي البسيطه
    3:ضعيف ارساله بمجرد ماتغطيه بجراب او تمسك الجهاز
    بيدك تظعف الابراج برجين فقط كافيه بانها تخلي الجهاز خارج التغطيه
    4:اغلب برامجه فلووووس يعني مني يعني قرنقش
    5:قطعه غاليه ولاتوجد وصيانته قليله
    انكسرت علي الغطا الي وراء غيرته ب100 ريال
    6:لايدعم مشغل الفلاشاات
    7:ذاكره داخليه فقط
    8:وزنه ثقيل تقول شايل بلكه ماهو جوال
    اما جلاكسي

    1:البطاريه اتبدل
    2: ذاكره داخليه وخارجيه الداخليه 8-16-32 والخارجيه الي تبي
    3:الارسال ماشالله علي لو اتركب علي 100 جراب الابراج ماتنزل
    4:ثلاثه ارباع برامجه مجانيه ويدعم موقع سامسنج اكثر من 200 الف تطبيق
    5:قطعه رخيصه وتوفره وصيانته سهله
    6:يدعم مشغل الفلاشات وجميع البرامج
    7:واما وزنه ريييشه ولا كنك شايل جولا ولا شي

    الميزه الي في ايفون 4 وماهي في جلاكسي هو الفلاش الكيمره
    وعلي ما اعتقد هذا مايضر نهائيا
    ولكم كل احترامي وودي
    اخوكم
    اخو ابو فلان

  27. بس ممكن اعرف كم سعر السامسونج1

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *