أبل بيز .. AppleBee’s

.

أعتقد أن هذا المطعم أشهر مطعم بالكويت وبالخليج وبكل مكان

لكن لا يمنع أن أكتب هذا الموضوع من باب مشاركة الآخرين للتجربه ومشاركة أفضل الأطباق التي يقومون بطلبها

لذلك لن أكتب تقييم للمطعم لأن الكل مجربه تقريبا 🙂

.

المقبــــلات

.

شوربة بروكلي لذيذه بس ثقيله شوي

.

.

حلقات بصل هذا الطبق جميل جدا ولذيذ

.

.

دجاج بونليس أو دياي بدون عظم أحلى من أي مطعم ثاني

.

.

أصابع جبن عاديه بس أحلى من الي عند برجر كنج 🙂

.

.

سلطة سيزر بالدجاج

.

.

الأطبــاق الرئيسيــة

.

باستا مع دياي بالبقصمات والسبانخ

أم فلان عجبها الطبق اما ماذقته ولا أحب السبانخ

.

.

ستيك ريب آي كل مره صراحه يكون مضبوط بس المره كان طعمه كلش أعطيه 4 من 10

.

.

المشروبــات

.

مارجريتا بجوز الهند عجبني صراحه وحلو

.

.

وبس هذا السعر26 نص تقريبا

.

.

شارك بطبق تحبه أو تنصح فيه أجربه أو يجربه واحد غيرك 🙂

.


31 تعليقات

  1. هني وعافيه
    توي متغدي والحين جوعان حط تحذير قبل الموضوع المفروض تكتب ليس للقلوب الضعيفه
    الحلو أنك تروح المطاعم علي نزلت المعاشات (:

    • ههه لا والله هذا قبل المعاش بـ 3 أيام بس ترتيب البوستات وكنت متردد احطه أو لا 🙂

      والله يعافيك

  2. طلعت مثلي تحب الموزيريلا
    🙂

    اذا تحبها صج أنصحك تروح مطعم البيتزا اللي بالافنيوز اللي صوب أبل بيز صوب الالعاب نسيت أسمه والله

    روح اطلب الموزيريلا مالتهم وادعيلي
    🙂

    بالعافية

    • والله أحبها حتى فلان ولدي يحبها 🙂

      الي اعرفه ماكو مطعم بيتزا في جوني روكتس ورايس ومطعم صيني

      بس بروح أشوفه إن شاء الله

  3. عواااافي ..

    المطعم صج مشهووور ..

    بس أنا يعجبني عندهم حلو نسبت اسمه يمكن براون مادري شنو مع ايس كريم 🙂

  4. بالعافية إن شاء الله، بالنسبة لي فأفضل شي أجوفه عندهم هو Classic Burger!

    • الله يعافيك

      المطاعم هاذي ما أجرب فيها البرقر مع اني آكلها بس الظاهر لنا تجربة دام في ناس تنصح فيها

  5. بالعافية
    والمطعم هذا مصيبة اذا يجيب لك الأكل على المشتهى
    انا دائم اجرب الي بالمنشر ولا مرة خيب الظن
    احب ستيك ريب آي اذا ويل دون يم يم

    وبالعافية بو فلان والعائلة الكريمة

    • الله يعافيك

      الي بالمنشر تشيليز وهو يعتبر عندي أفضل من أبل بيز

      يبيلنا روحه بوناصر 🙂

      • ماكو فايدة 🙂 هم صايدني وانا كنت ناوي فعلا اقول تشيليز بس كتبت ابل بيز بسبب الموضوع
        ويزيدني شرف خوتك
        حبيب بوفلان

  6. هنئ انشاء الله

    اطباااق saso
    انصحك تجربه عن جدwo0ow

  7. ذكرتني بأبل بيز والله من زمان عنه
    مرة رحتله انا وواحد من الشباب
    وكنا ميتين من الجوع ما اتذكر ليش
    ونقوم نطلب المنيو كلها
    والمشكلة اكلنا تقريبا كل الصحون لووول
    والله ليلتها ما قدرت انام كلش :/
    مشكلة الشفاحة :>

    بس عموما مطعم جدا حلو واكلهم مميز
    انا احب الستيك عندهم اكثر شي

    قواك الله،، وعوافي

    • هاذي المشكلة لما تروحله مو متغدي خسايرك لا تقدر بثمن 🙂

      لازم تروحله وانت نص ونص

      وعوافي وان شاء الله نروحله واياك على يوم 🙂

  8. بالعافية ان شاءالله , لكنني لم و لن أقوم بتجربته بسبب كمية الدسم و الزيت الغير طبيعية اللتي تشتهر بها هذه السلسلة , هل تعلم بأن هارديز و برجر كنج كوجبات أخف من من طبق مقبللات واحد ؟؟؟!!!

    على كل حال , تسلح بالرياضة و بالعافية مرة ثانية

    • الله يعافيج

      نصيحة جميلة فعلا لكن مره بالشهر ماتضر 🙂

      مشكلتنا آخر مانفكر به الصحه والله المستعان

  9. بالعافية 🙂
    انا احب السيزر ،، اصابع الجبن ،، والبونلس جكن !
    عبالي فرايدي 🙂 نفس الاكل ونفس النظام!
    ماقد سمعت عن ابل بيز، ماشي عندنا فالعين طبعا 🙂 بشوف لو شي فدبي بجربه!

    مشكور يا بو فلان

    • يعافيج ربي

      هم تقريبا نفس الأسماء والماكولات بما أنها كلها مطاعم امريكية لكن لكل واحد طريقته في الطبخ والتتبيل وفراديز عندي أفضل من أبل بيز

      العفو أختي ليل

  10. شخباااااااااااري AppleBee’s
    رحتله أول ما افتحوه او كانت أول وأخر مره

    او شوقتنا بالأكل عواااافي

  11. اسمحلي المطعم هذه فاشل على كثر مايعدلون فيه الي يروح المطاعم وايد يعرف اشلون انه اكله مو بمستوى المطلوب

    • أحترم رايك والبعض قد يقع بتجربة سيئة وغيره يراه هو المطعم المثالي

      لايوجد شيء اتفقت عليه الناس

  12. اخوي بغيت أسئلك
    بالنسبة لشوربة البروكلي اللي فوقها هذا جبن والا ايش ؟

  13. اهلاً ابو فلان

    بالفتره الاخيره ابلبيز بدأ يضيف الزبده بكميات كبيره على اطباقه لكي يجعل الناس تحب وتمدح أكله .. كل طبق تقريباً فيه زبده
    حتى مره طلبنا ربيان مشوي وجدناه ناقع زبده! نادينا الجارسونه قلنا لها ليش نقعتوه زبده؟ ضحكت قالت اصبحنا نضيف الزبده الى اطباقنا

    اقترح يتغير اسم المطعم من ابل بيز الى زبده بيز

    • والله ما ادري ما لاحظت يمكن انت طبقك فيه زبده أو بعض الأطباق بس الزبده لها نكهه لكن ضررها خطير

  14. عليكم بالعافيه اخوي :>

    الصراحه انا افضل ابل بيز بين هالنوعيه من المطاعم
    عاده اطلب ستيك سكيليت و اونين رنغ
    عندهم تغميسه الخرشوف والسبانخ حلوة بعد
    عندهم طبق مقبلات اللي فيه ربيان ديناميت و برغر و رول كساديا هم حلو
    واذا كنا جماعه نطلب طبق انواع السيزر وانا اكل ربيان سيزر :>

    هذا اللي غالبا اكله عندهم :>

    • الله يعافيج

      اقتراحات جميله أشكرج عليها

      وايد اروح للمطعم لكن غالبا نفس الأطباق أطلب الظاهر المرات اليايه راح نجرب شي من الي ذكرتيه

  15. بالعافيه , يبيله ابل بييز
    شكل الباستا عجيييب 🙂
    يمكن رحتله مرتين ولا 3 مرات بس
    مادري ليش
    انا احب شيليز 3>

  16. Hey very nice blog!! Man .. Beautiful .. Amazing .. I will bookmark your blog and take the feeds
    also…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.