مدونة أبوفلان تقنية ، أخبار ، تجارب شخصية ، مطاعم ، سياحة
.
الكويت بلد المطاعم بلا منازع حيث تتصدر دول العالم بواقع تردد 93 في المئة من مواطنيها على المطاعم وبمعدل انفاق يومي يتجاوز 1.25 مليون دينار اي ما يزيد عن 450 مليون دينار سنويا يدفعها الكويتيون على الوجبات السريعة .
.
أدعوكم لزيارة قسم المطاعم في المدونة حتى الواحد يعرف هل الإحصائيه صحيحه ولا لأ 🙂
.
هههههه
المشروع الوحيد الي مايخسر بالكويت هو .. المطعم
—-
قسم المطاعم بمدونتك سبب رئيسي للسمنه بالكويت وسبب هلأدمان
اي والله بس الحين صج تعددت المطاعم اذا ماتطلع بشي خاص فيك ولا تخسر
أحس الكلام عني أنا !!!!
تهقه ؟
خل أحسبها
أنا باليوم أقط 10 دنانير يعني بالشهر 300 دينار يعني بالسنة 3600 .. زيد عليهم 500 دينار مني مناك حق العزايم يعني 4100 دينار ! ظيد عليهم الجمعية 3000 دينار بالسنة يعني 7100 دينار !! نثريات هنا وهناك 2900 دينار هذي 10000 دينار بالتمام والكمال !!!
شوي مو ؟
الله يقطع ابليسك
والله تبي الصراحه المطاعم مخاسير من قلب
بس اذا انت راعي مطاعم فماله داعي اغراض جمعيه ابدا
انا تقريبا بالسنة 1700 دينار ع المطاعم 🙁
اكبر مشروع بالكويت المطاعم وبعدين الصالونات رجاليه ونسايه وبعدين محلات الهواتف وبعدين مصبغة الملابس وبعدين مغسلة السيارات وبعدين مقاهي وبعدين فرفره وجز بشوارع ههههههههههههههههههههههه ماخليتو شي للاطفال اهم شي اليوم وين تروح ماتفكر حق بكره اهههههههههههههههههههههالله المستعان
شكلك راعي مشاريع صغيره 🙂
أكيييييييييييييييييد
الكويتي ياراعي مطاعم ياسياسي 🙂
أنا مو ضد أن الواحد يرفه عن نفسه وخاصة أي إمرأه والمرأه بطبيعتها تحب الترفيه والخروج لكن صدقا هناك مبالغات من بعض الناس سواء رجال او نساء في ارتياد المطاعم او الطلب منها وفوق كل هذا مخزن البيت والثلاجات المنزليه مليئه بالاطعمه ثم نأتي بالشكوى والتذمر من عدم البركه في الراتب وانه لايسد الحاجه الا بالديون ..
صدقتي اختي
البعض خلاص يعتمد ع المطاعم في كل حياته وهاذي مصيبه بحد ذاتها فيها اسراف كبير وايضا صحيا لا يتبشر بخير
بوفلان ترا انت مو من ضمنهم 🙂
انت يبيلك نسبة بروحك
ترا ما أحب المطاعم 🙂
لو اني مو مسوي رجيم جان ارتفعت النسبه شوي :\
افضل مشروع بالكويت لو تفتح مطعم خبز وجبن لكل الكويت تدري انه في مطعم يديد فاتح وكلهم بجربونه
اي والله وانت الصاج ..
انا لما اكون بره اشد حيلي بالرجيم شهر شهرين بس ارجع الكويت باسبوع ارد كل الي نزلته :@