موظف في فندق آرمني يسرق الضيوف !

.

.

اعترف نادل جنوب أفريقي في فندق أرماني بسرقة نزلاء الفندق أمام المحكمة الابتدائية في دبي وأقر بسرقة ساعة رولكس قيمتها 53 ألف درهم من رجل أعمال كويتي و 1500 ريال من رجل أعمال سعودي وفقا لصحيفة ناشونال

وصرحت الشرطة أنه بتفتيش منزل المتهم تم العثور على ما تصل قيمته إلى 300 ألف درهم من نقود وممتلكات مسروقة وكان قد أخرج لدى القبض عليه حوالي 12 ألف درهم من محفظته

وقعت السرقة عندما غادر الضيف الكويتي غرفته لمدة ساعة، ولدى عودته اكتشف اختفاء النقود فقام بتقديم شكوى للفندق وتم تبليغ شرطة دبي السياحية

وقامت شرطة دبي بمراجعة سجل استخدام بطاقات الدخول للغرفة لمعرفة من اقتحم الغرفة في غياب النزيل مما قادها للمتهم ك. م. وسيصدر القاضي فهمي منير فهمي حكمه في القضية في 8 ديسمبر

.

هاذي فايدة السيفتي بوكس

الظاهر حاطين أغراضهم ع السرير ولا الكوميدين فلوسهم زايده 🙂

.

13 تعليق

  1. لا سفتي بكس و لا ما يحزنون هذا عنده مفاتيح يدخل فيها عشان يقالك روم سيرفس و يلطش الي موجود قدامه و يمكن حتى ما في احد بالغرفه … لا الله يعافيك الي عنده اشياء ثمينه لا يسافر فيها يكشخ الله يعافيه.. حتى الأجهزه الألكترونيه بعضها تسير ثمينه مو بس بقيمتها بالمعلوما الي فيها… يا يخليها بمكان مضمون و لا ببنك و لا احسن ياخذها معه وين ما يروح …. معليش تحمست على الموضوع .. لأني أنا وحده أكلت تبن من ضياع أشيائي … يا رب تحفظنا . 🙁

    • والله الناس مشكلتها لما تنظر الى حجم الفندق وسمعته لا تتوقع هذا الشيء

      لكن لو نظروا الى حال الموظفين فهم من افقر الناس وبالتالي الاغراءات اماهم كثيرة والنفس ضعيفه والشيطان أشطر

      فتمد اليد على ما ينعش حالتها الإجتماعيه

  2. احنا لما كنا بدبي بفندق “صن اند ساندس” ولما بقينا نغادر سوينا شك اوت.. وقال لنا موظف اللوبي عليكم مكالمات دوليه!!
    قلت شنو! احنا ما اتصلنا دولي؟ نقالاتنا ويانا ومشغلين التجوال..

    قال لا اتصلتو على الكويت من غرفتكم اكثر م مره!

    طلع عامل التنظيف الاسيوي كان يدري ان احنا كويتيين وكان يدش الغرفه لما نطلع ويكلم ربعه بالكويت!

    ومن يومها كل ما نسكن بفندق بدبي نشترط على الفندق انهم يقطعون عن الغرفه الخط الدولي!!

  3. على أبو آرماني .. عايش على آفا الزبائن العامل ..

    والناس ( النزلاء ) الي قبل الكويتي .. شكلهم نظام عيب تبلغ على ١٠ الاف و٢٠ الف .. أنا ساكن ب آرماني .. 🙁

    خل يقطعون ايده عشان يتأدب !!

  4. أأمن طريقة لحمل النقود في السفر هو من خلال البطاقات البنكية. إذا انسرق الكاش، راج. أما إذا انسرقت البطاقة، كنسلها.

    • فعلا هي الأأمن حتى وقت السرقة لكن تلحق على عمرك وتقطعها قبل لا يمشي ويشتري الي يبيه

  5. الموظفين بلفندق يقدرون يفتحون السيفتي بوكس بوفلان .. يعني من زبون لي زبون لازم يفتحونه ويغيرون الرقم السري ويمكن هذا متمرس حاطله كاميرا صغيره قدام السيفتي بوكس ماتنشاف ويصيد ارقامهم الله العالم شنو طريقته

    • هم هذا شي ثاني بعد الفندق مامنه امان أبدا الا تغش أغراضك بنفسك أو تدهن سير العامل ماتخليه يبوق

  6. كويتية وعزومي قوية

    آنا السيفتي عندي وما يكلف إلا تحريك اللسان

    (( اللهم إني أمنتك أغراضي فاحفظهم ))

    وطبعا ما أخليهم جدام عيونهم وأروح إلا بعد ما أخشهم

    ——
    ترى إللي يشتغلون فقاره أي شي تعطيهم يفرحون فيه

    واعتبرها صدقه ….

    ——-

    الهوامير أصلا حريصين على أغراضهم أكثر منا وتلقاهم

    خاشينهم، بس شوف اشلون طلعهم وباقهم …

    إذا كلوا بالمطعم يفصفصون الفاتوره ويشوفون شنو ماخذين

    عليهم زود…. تذكرت ستاربكس بالأفنيوز لماشفنا

    الفاتوره وإلا فيها زود…. وردوا فلوسنا ترى وايد يسوونها وشوف كم حصلوا على ظهورنا وندفع واحنا نضحك

    أثاري اهما إللي ضحكوا علينا…

    فمن الهوامير نستفيد ….

    أدري شطيت وايد بالموضوع … تحملوا

  7. اخوي بو فلان حتى السيفتي بوكس ماينفع انا بتايلند بوكيت ضيعت الرقم السري للسيفتي بوكس ودقيت على الرسبشن دزولي عامل تنظيف معاه مفتاح حط رقمه السري وحط مفتاحه بالسيفتي بوكس فتح علطول وقالي الحين بغيرلك الرقم واحفظه 🙂 يعني المسأله مطبوخه العامل يعرف كل شي

    الله الحافظ شكرا على الموضوع

  8. اي والله وانت الصاج فلوسهم وااايد عشان جذي ما همهم المسروقات

    هذي الشرطة ولا بلاش اطلع السارق ولو تحت الارض

    هنيا لهم بشرطة دبي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *