أدوية الحكومة بس وجبة العائلة

.


.

العائلة الكريمة كلها مريضة وبالتالي المستوصف جعل الأدوية مثل الوجبة العائلية نفس الصنف بكميات كثيرة !

الهدف من الموضوع مو كسر خاطر 🙂

الهدف أن أدوية الحكومة من ربي خلقنا ماتغير فيها شي

من أضعف الأدوية وأقلها تأثيرا على الجسم ومع ذلك لم تتغير ولازال الناس يأخذونها

واحد يقولي اذا انت ليش رايح ؟ لأني مافيني حيل اروح الخاص وادفع حق ٣ أشخاص ولا فيني حيل الدرب

دكتور او ديكور المستوصف الحكومي من يشوف خشمك أحمر يصرفلك أدول واذا بطنك يعورك يصرفلك باسكو بان واذا فيك حراره مضاد حيوي !

وبس خلاص مافيك شي

إن شاء الله ما ايي اليوم الي يصير فيه المستوصف للطبيات والخدم فقط

.

آآآآآآتشوووو يرحمني الله 🙂

.

24 تعليقات

  1. ” إن شاء الله ما ايي اليوم الي يصير فيه المستوصف للطبيات والخدم فقط ”

    أخاااااااف بس ما يا هاليوم :d

  2. سلامات وماتشوف شر بوفلان

    ادوية الحكومه بس اسمها ادويه بدون مفعول

    الله يعين اليهال بهالوقت الامراض منتشره والوقايه خرطي 

    • الله يسلمج والشر ما اييج

      اي والله الجو مليان فايروسات ان شاء الله ايينا مطر يغسل الجو

  3. مافيهم شي ادوية الحكومه زينيين و يطيبون الواحد 🙂
    و معروفه الانفلونزا تقعد اسبوع او اكثر يالله تروح 😉

  4. سلامات واجر وعافية وماتشوف شر

    ولا تدوّن هاليومين علشان لا تعدي العالم

  5. الله يهداك يا ابو فلان
    هذا تراث
    الوزاره مشدده ومحرصة على هالتراث عيب شقاعد تقول انت

    انا بس الي يقتلني اني اشوف واحد يدش المستوصف يروح الطبيب يشخص الحالة ويستلم بعدها يصرف الادوية ويطلع يقطهم عند وانتوا بكرامه زبالة المستوصف !!!

    بعرف ليش شالحكمه ؟ (: شوف عيني وااافد

    • اي والله للاسف

      هذا تلقاه ماخذ طبيه ومن البلاهه انه عباله لازم ياخذ الادوية

      الله يهديه

      والبعض ياخذهم دبل ويدزهم ديرته

  6. يرحمك الله
    ———-

    سلامات سلامات ماتشوفون شر .. اجر اجر انشالله وتخفيف ذنوب

    • يهديكم الله ويصلح بالكم 🙁

      الله يسلمك ويعافيك

      دبي اني مسني الضر وانت ارحم الراحمين

  7. ما شاء الله عندكم ادول مثلنا خخخخ متفقين دول الخليج على هذا الدواء

    • الأدول ماركه مسجله كل دول المنطقه تتعامل معاه

      الظاهر صاحب الشركه معارفه قويه 🙁

  8. أجر وعافيه إنت وأم فلان وفلان

    ننطر متى يخصصوم وزارة الصحه

    هشان تسنع

    • الله يعافيك ويبارك فيك

      تتوقع اذا خصصوها بتتطور ولا بيصير الوضع نفس ماهو بس الحكومة تصرف اكثر ؟

  9. سلامات، ماتشوفون شر ..

    الحمدلله على سلامتكم جميعاً ..

  10. سلامات إن شاء الله وما تجوفون شر، ما أوصيك الإنتظام بأكل الأدوية والإبتعاد عن المشروبات الباردة. 🙂

    • الشر ما اييك والله يسلمك ويحفظك

      اي والله حتى المنبه أحطه حق الدوا قبل صلاة الفجر

      الله يجعلها تكفير ذنوب

  11. اجر وعافيه 🙂
    في حلقه من برنامج الشيخ محمد العوضي تم تصويرها بالصومال
    وكان بمستشفى تخصصي للعيون كانوا المرضى طوابير واذا حل الظلام يسكر المستشفى والي ما جاه الدور يجي باجر

    الحمد لله حنا بنعمة مو موجوده عند غيرنا
    ولا بو فلان تبي جك بم ولا عزم حصان :p
    لازم يطول معاك المرض ,, واذا مستعجل الله لا يهينك اطلب من الدكتور يوصف لك علاج خارجي من الصيدليات

    والخاص والحكومي متوفر اختار الي يريحك بأسرع وقت :$

    • الله يعافيك ولا يحرمك الأجر

      وهل نقارن دولة نفطيه بالصومال 🙁

      المقارنات تكون بين الأشياء المتماثله مو الأضداد !

      طبعا الحمد لله على كل حال

      بس اذا كل واحد بيبرر التقصير الحكومي بكلمة احمد ربك أعتقد لن نتطور أبدا

  12. أتوقع من اليوم طالع يفصلون بين المستوصفات وغيرها
    فيحطون لنا مثل كشك صغير عند المستوصف (بو دكتور ع الماشي) يصرف لنا الطبيات
    طبعا هالفكرة من باب الترتيب والتنظيم، وعدم إهدار أوقات الناس، وكذلك عشان الناس المرضى فعلا ما يموتون وهم ينطرون دور 😀

    سالفتك مع الطبية هذي بروحها يبيلها بوست لووول

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.