مطعم ماكي .. Maki

,

مطعم ماكي : مطعم يقدم الاكل االياباني ..


من مميزات المطعم مكانه راهي وقعداته الي بره تفتح النفس ..

من أكبر السلبيات الي تعبتني نفسيا انه المنيو مافيه عربي ..

خاصة اذا كان مطعم ياباني ونوعيه الاكل مختلفه عن الأمريكي لأنه الأمريكي حفظناه من كثر ماروح بس الياباني شترقع فيه ..

بس الجرسون ماقصر قلناله الأطباق الي مشتهينها وشرحلنا السالفه كلها ..

المهم رحتله انا وصاحبي بوقت الجوع والشدائد عبدالله الأنصاري وطلبنا الآتي :

هاذي سلطة قبقب مع الخس والأفوقادو ,, لا أحد يقولي ابي أسماء الاطباق لأنها اذا بحفظها راح انسى إسمي 🙂

فا الي يبي يروح المطعم يدخل مدونة ابوفلان ( قدس الله سره ) ويوريهم الصور منها يسويلي دعايه ويجرب الاطباق الي بحطها ..

طعمها لاباس فيه لاني ظنيت انه الصلصه الي معاه راح تعطيه طعم غير بس كانت عاديه مافيها شي مميز ..

السلطة الثانيه ما ادري شنو مكوناتها بس طعمها خيالي وبالعافيه على عبدالله لأنه هو الي طلبها وماخلاني آكل إهئ إهئ ..

وهاذي لقطة من الهليكوبتر

وهذا رول اللحم العجيييييييب مينون هالطبق اهو طعم اهو طراوة اهو صلصة <<< ينصح به خبراء الاكل الياباني

وهذا طبق دياي بالسمسم كمان حلو بس صلصته حاره يعني الي فيه قرحه لا ياكل ديروا بالكم .. وطعمه حلو الصراحه اختيار موفق من الاخ عبدالله

وبعدين عاد الاطباق الرئيسية

هم نفس الطبقين بس الي عندي فيه ربيان والي عند صاحبي بدون ربيان

أظن يسمونه ترياكي

ويحطونلك معاه ثلاث صلصات حلوه ماشاء الله ..

عاد مايهم غير بعد يعني حركه حلوه حاطينلك اياه ببطل يذكرني بالقوطي مال كور التنس الأرضي ما ادري ليش !!


التقـــــــييم

الخدمة 9 / 10

جودة الاكل 9 / 10

المكان 10 / 10

السعر 9 / 10

وبالعافيه على عيونكم ..

,

,

تحـــــديث :

رحتله مره ثانيه وطلبتلي بعض الاطباق الموفقه

بس والله الأسماء صعبه ياجماعه

هذا ربيان

وهذا يسمونه ماكي بالربيان والقبقب

وهذا تبنياكي لحم وربيان

,

15 تعليق

  1. امممممممممممممممممم

    عليكم بالف عاافيه ياا رب ,..:)

  2. بالعافيه

    ولا مره جربته ولا افكر اجربه لاني ما احب الاكل الياباني

    اعجبتني لقطة الهيلكوبتر :q

    شكرا 🙂

    • الله يعافيج

      حلو انه الانسان يجرب لانه مقبلات الاكل الياباني الذ من غيرها حسب تجاربي

      والهليكوبتر هاذي حق الطواري

  3. شوقتني له ، يلا المرة الياية تعزمني عليه ان شا الله : ) .

  4. احم احم العفو والله
    وارتحت حق التقييم هههههه
    بس المفروض تذكر أحداث “ما بعد الأكل” شنو صار وياك خخخخخخخ

    بالعافية علينا
    واسم الطبق الرئيسي “تبنياكي” تذكر التبن وتتذكر الطبق هههههههه
    الترياكي هذا كباب تركي ههههههههههه

  5. اوللالا << منو يعرف هذي 🙂

    بالعافيه وكثّر الله خيرك

    رول اللحم والربيان شكلهم مو طبيعيين عاد ذوقك بالاكل ما شاء الله ما يحتاج

    اقول الجرسون يتكلم عربي 😐 و ليش ما تكتب اسعار المطاعم دايما

    • يا اهلا وسهلا

      الله يعافيك ويجزاك خير

      فعلا طعمهم موطبيعي

      والجرسون لبناني ونفسه حلوه مو نفس المصري اييك جنه بوكلك من فلوسه

      واقتراحك في محله من المواضيع اليايه راح أكتب الأسعار باذن الله

  6. رفيجتي من محبين مطعم ماكي

    وبالأخص السوشي

    كل ما قلته نروح مطعم قالت ماكي

    أقوله ما أروح

    علشان ما أحب السمج

    🙂

    عليكم بالعافيييييييييييييييية

  7. إذا هذا نفسه اللي بالبدع فاعتقد اني دخلته وما عجبتني المنيو لأن شكل الصور كلة يشبه السوشي يييع وشكله ني استغفر الله

    بس ما اعتقد انك تقصد هذا يمكن هذا يمه ههههههه

    اثق بذوقك فراح احاول اجرب

  8. وهذي المنيو بالانجليزي علي فكره في قرسون لبناني في كل فرع بالسالميه وبرج جاسم اللي يم مجمع الوزارات انا بصراحه اطقطق بالانجليزي بس من كثر الروحات حافظه طلباتي
    جربو عيسي ماكي والشيخ سالم وشرمب تمبوره بالبقصمات وبالشعريه قلوله كت وصلطة ماكي مارينا سلات والصور تنعرض علي التلفاز كل شي وتحته اسمه والمكان جيد جدا بس تري اشوي غالي المطعم يبيله مع نزلة المعاش مره بالشهر هههههه

  9. اااااااااااااااااااااااااخ رووووعه الاكل
    يا اخي ليش الاكل حلووووو خخخخ
    انا بين فتره والثانيه اروحله بس بنتي تموت عليه
    بصراحة الاكل حلو
    السلطات والربيان والعيش يبجي :((((

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *