لايوجد أجمل من افتتاح صباحك بالبخور

.

أنا من عشاق البخور خاصة في فصل الشتاء

وافتتاح يومك برائحة البخور يعطيك احساس جميل جدا خاصه انك ستستقبل أمامك مايقارب ٨٠ طالب يجب أن تكون قدوة من ناحية الأخلاق والمظهر والرائحة الجميلة

لذلك وضعت في مكتبي كل ما أحتاجه من أجل استنشاق البخور الجميل .

.

.


18 تعليقات

  1. طيب الله اعمالك

  2. الطيب لأهل الطيب

  3. هالبخور والشغل الزين من قطية القسم 🙂 بعدين وين بخوري؟ هههه
    زعلان عليك لانك تبخرت بروحك اليوم 🙁

    • بخورك الي من شجرة بيتكم خلص

      لازم اذا شبيته تتذكر بيت الشعر تحس انك شاب حطب 🙂

  4. يالطيب ممكن نعرف محل يبيع بخور طيب..
    ذبحنا البخور المغشوش كل ما اشتري بخور يطلع خرطي 🙁

    • انا اتعامل مع واحد يبيع طحت عليه بالنت والرابط ورقمه موجود بالموضوع

      لكن لو بغيت من محلات اشتري انا من محلات الدر المنثور بالمباركيه الموظفين فيهم امانه عجيبه ومايعطيك ولا كسره مو زينه

      بس سعره شوي غالي بس شرط انه بخوره مايغشك لا بالكسر ولا بالسعر

      لان بعض المحلات اذا شافك ماتعرف عطاك بو طقه ورفع السعر هالمحل سعره محدود للفاهم والغشيم سعر واحد

  5. الله يطيب أيامك يالطيب
    وإن شالله دوم قدوه طيبه

  6. ما شاء الله
    خوش شغل

    بس سبحان الله انا ما احب البخور واتحسس منه
    انا ذوقي صعب
    يمكن 10% من انواع البخور احبها
    مو اي شئ
    وبعدين اهو يأثر على الجهاز التنفسي

    انا ما احطه ابدا اللهم في المناسبات الرسمية المحلية بحتة غير جذي ما ايي صوبه كلش

    زين والله منك

    • لما تتبخر لاتستنشق البخور وخله يهف عليك هف خفيف وخره عنك

      اعرف البعض أيضا يتأذى من البخور اذا شمه أو تبخر

      وكثرة البخور ضارة اذا كنت تستنشقه فعلا

  7. شوف انا من عشاق شي اسمه بخوووور وهالشي الله يخلي الوالده ويطول بعمرها علمتني شلون اعرف انقيه

    وانا اتعامل مع امل الكويت خاصة السوبر كمبودي اللي عندهم مو طبيعي

    واللي مايحب البخور يسمحلي ماعنده ذوق

    في ناس للاسف يحبون المعمول يتبخرون فيه واهو مضرته اكثر لانه زيوت عطريه مع خشب تحترق

    ويعطيك الف عافيه وياريت تحط رقم الرجال اللي تتعامل معاه اذا كان بخوره يسوى 

    • (واللي مايحب البخور يسمحلي ماعنده ذوق)
      الله يسامحك والله يختنق من الدخان بكل أنواعه شذنبه

      انا احب امل الكويت
      وقلت لك ذوقي صعب وبكل حال من الاحوال انا اختنق من البخور وكل الدخان ظار

    • البخور لا يقارن بالمعمول

      مره شريت معمول من عطورات الروقي حسبي الله على ابليسه صكتني حساسية بعيني وقطيته بالزباله

      البخور مع كثرة الشراء راح تكون عندك خبره فيه وطبعا الغش موجود والمل ينخدع فيه حتى الي عنده بره كبيرة بالبخور

      امل الكويت يمدحونه لكنني أفضل الدر المنثور

      رقم الأخ موجود بالرابط المرفق مع الموضوع اضغط على كلمة بخور راح يفتحلك موضوع قديم فيه رقم الريال

  8. صباحي دائما يبتدئ بكسرة بخور كمبودي

    خصوصا اذا كنت بالمكتب
    ودائما بخوري يعلن عن وصولي الدوام

    تبلش التليفونات تهل “الزين دزي لنا كسره من بخورج”
    🙂

    البخور له مفعول السحر
    يروق المزاج
    ويطفي الغضب
    ويعطي مسحة عبق ما تلقاها بأي عطر

    صباحك بخور يالشيخ
    وبلغني سؤالك عني
    مشكور وما تقصر
    وعساك ما تفقد عزيز

  9. ماشاء الله ،،، شغلك مظبوط
    والطيب لأهل الطيب يابوفلان

  10. اكيد البخور عشان تستقبل الطلبة يالحبيب ولا عشان تنافس الاطياب والعطورات الاخرى بالقسم 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.