تصليح شاشتك المتعطله

.

تكلمت في موضوع سابق عن شرائي لشاشة جديدة بعد تعطل القديمه

لكنني ما أهملت القديمه قلت بشوف يمكن تتصلح

وبدال لا اروح الوكيل وخلها يومين وندق عليك والتصليح بيطلع بمبلغ وقدره !

قلت خل اروح فرع تصليح الشاشات لأن كثرة العبث والتجارب تأتي بالخبره وان كان العامل بنغالي لايملك شهادة 🙂

المهم اني توجهت للمحل

.

.

سألت الشاب النجيب محمد اقبال عن امكانية تصليح الشاشه قالي اوكي انا يصلح مع هزة راااس علمت بعدها انه فعلا متمكن من التصليح 🙂

وطلع بس المحول الي يوصل الكهربا للشاشه مخترب والتصليح كلفني 6 د.ك .

.

.

الشغله الي ابي اوصلها أن الواحد مايعتمد في كل شي على تصليح الوكيل لأن بعض الأعطال تكلفك أكثر من نصف سعر ماتملكه في السوق

يعني الشاشه بتاعتي سعرها جديده 48 تقريبا واذا رحت للوكيل اقل شي بيقولك 20 فالسالفه ماتسوى .

.

خطة جديده !!

.

.

الآن بما أني أمتلك شاشتين فهناك أمرين أريد مشاورتكم بها :

1– أقوم بشراء MAC mini وتوصيله بالشاشه الجديده والي راح يكلفني تقريبا 290 د.ك ؟ واجعل الديسكتوب مع القديمه .

2– أو هال 290 دينار أحط فوقهم 240 ألف وأشتريلي بيت 🙂 ؟

.