مدونة أبوفلان تقنية ، أخبار ، تجارب شخصية ، مطاعم ، سياحة
.
قبل دوام الطلبة بيوم واحد وأثناء وجودي في المكتبة لأشتري أقلام سبورة
حاولت تنظيف نظارتي بالفوطه المخصصه لها لكنني تفاجأت بتحطم الإطار 🙁
نظارتي من محلات نظاراتي حسن الفاشل لمدة ثمان سنوات كنت دائما ما أشتري نظارتي من محلات العالمية على غلاء سعرها الا أنها ذات جودة وأداء طويل
على خلاف محلات نظاراتي حسن فالعدسة متقشرة ولأول مرة أشوف عدسة تتقشر كأنها بطاطه 🙁 , والآن الإطار تحطم !!
المهم أني لبست عدساتي الإحتياطية والحين أكتب هذه التدوينة وعيوني تزغلل بسبب عدم صلاحية العدسات مع شاشات الكمبيوتر
.
.
أفاا أفاا .. عساها فيني ولافيك << أعرف أقول كلام حلو "^^
والله ياخوي أنا أشجع على الشراء من الماركات و الشغل المضبوط .. مو للمظهر و الكشخة، بس عشان الجودة
الأفنيو مليان محلات نظارات .. طب و تخير، كلها ماركات و شغلهم مضبوط و تكد معاك .. و أعانك الله
= )
اسم الله عليك 🙂
والله ماعمري جربت أشتري ماركة احسهم كلهم بوطقة بس للكشخه
لكن مافي مانع اجرب ولو لكانت غالية بس اهم شي تكد معاي
حصل خير
وتعلم من غلطك اهمل كل شيئ الى النظارات
انا حصل لي مثل الامر والمشكله ما كان معي عدسات
صرة زي العصفور الغرقان ههههه
اعملك وحده ثانيه للحالات المماثله
فعلا المفروض اسوي وحده ثانيه سبير
الحين بقزرها بالعدسات لين تطلع نظارتي مره ثانيه
تفاجأت بتحطم الإطار <<<
سبحان الله تفاجأت يعني ماكنت تنظفها بدفاشه < فوق زينه قوات عينه 🙂
شكو الدينارين وربع المقطوطين اذا ما تبيهم وعافيهم غيرك يبيهم < بلشنا طراره
اهمه صج دينارين وربع ؟ عموما الي اهو اذا ماتبيهم اعطيك رقم حسابي انا اوصل حق فقاره < واضح
عموما نرد لموضوعها
بخصوص النظارات الحمد لله .. الله فكني من النظارات الطبية اتوقع نظري 6/6 وترا نظارات الحسن خوش نظارات والله العالم انا ماجربت الطبية
وبخصوص النظارة والعدسات بو فلان شحقه ما تسوي عملية ليزك ؟
اكثر من شخص بالاهل سووها ونححت اولهم الوالد
لا تقول عائلة فيها فقر نظر بس اللهم الي يسافرون امريكا ويدرسون برا مادري شيصير فيهم 🙁
احس حاطيت بكتبهم ماده اول ما تتبطل الصفحه تتبخر وادش بالعيون وتتحكم بأبعادها اطول وتقصر على كيفها بالنظر < ومازال الخيال مستمر
شكرا على البوست والله يعوضك خير ان شاء الله
وانكسر الشر < عيوز عمرها 100 سنه
معوض خير ان شاء الله <<
جزاك الله خير يالمنصوري
هههههه تعيش و تاكل غيرها
دايما لما تروح محل النظارات يحلفلك انها كد و مد
واها ما تتم يومين روح فصل نظارتين وحده سبير وحده
تستخدمها
شكرا على الضحك علي 🙁
وشكرا على الإقتراح 🙂
انا عندي نظارتين شريتهم من نظارات كيفان
نظاره خاصه بالكمبيوتر “تحمي من الاشعاعات”
ونظاره شمسيه
كان لازم تكون عندك نظاره “ام طقه” اي رخيصه لزوم اذا انكسرت نظارتك الاصليه او ضاعت او انباقت ..
ذكرتني
العام قبل لا نسافر بيوم انكسرت نظارتي “بالغلط قعدن عليها :'(
و انا ماحب العدسات و نظارتي السبير ماحب البسها لوول :p
* انصحك بنظارات كيفان
وايد زينين !
انا اروح فرع النزهه
كيفان فصلت عندهم مره وماعجبوني بسرعه اخترب الاطار وكل يوم والثاني البرغي فالت 🙂
السلام عليكم بوفلان
ابشرك
نظارتي مثل نظارتك
روح حق حسن يبدلون الجزء المكسور بالكامل
وترجعلك نظارتك سليمه بدون ولا فلس
صارت معاي قبل ٣ شهور نفس السالفة طال عمرك
صلحوها قلتلهم بشم قالةلي سلامة عمرك هذي تيتانيوم المفروض ما تنكسر واعتقد كفالتها ١٠ سنين
روح واذا ضبطوك ضبطنا لا تخلينا عاد
ايه فعلا يابوعمر
انا يوم شريتها قالولي كفالتها عشر سنوات
ومثل ماقلت الله يطول بعمرك على طاعته التبديل ببلاش
وبدلت العدسات مره وحده
افا طلعت عميان ؟ <<< يعني ما ادري
معوض خير يابو فلان ، في الحديد ولا فيك !! شكو هههه
شوف نصايح الأخوة والأخوات واستفيد منهم
نظارتي لابسها عشان اشوف الدنيا ثري دي يعني مو نقص نظر p-:
نضارتي انكسرت وانا بمكان بعيد حيل عن محل النضارات وش اسوي !!
ساعدوني ابي مساعدات لان ما اقدر اروح اعدلها او اشتري غيرها