مطعم كاتس .. Cuts

,

مطعم كاتس : مطعم يقدم الأكل البرازيلي .. يعني مطعم برازيلي

رحتله مع الأخ الكريم بن الكريم حفيد الصحابي الجليل رافع بن خديج ” حسن الأنصاري “

مكانهم : في فندق الموفنبيك بالمنطقة الحره .

الأخ حسن كان رايحله أيام الملجه فكان حاب يعيد الذكريات معاااي ههههههههههه ما أدري ليش هههههههههه

طريقة المطعم في الأكل : المطعم مافيه منيو , النفر 12.500 دينار وعلى قولتهم الأكل حتى الإشباع .. يعني بوفيه مفتوح

بالنسبة للمقبلات تكون بوفيه مفتوح .

وراح أبدا بالمقبلات

هذا بوفيه المقبلات تاخذ لين تشبع ..

أطباق البوفيه مو واايد الصراحه ( فطر – خس – وخس أمريكي – وثوم محشي – وسلطة شمندر – وفول – سلطة تونه – ناتشوز  …. إلخ )

يعني أطباق بوفيه المقبلات مو الكل يحبها يمكن كل واحد مزاجه بنوعين أو ثلاث ..

وهذا صحن المقبلات بتاعي

بعد ماتاخذ المقبلات وتخلص وتاكل

اييبولك الأطباق الجانبيه للأطباق الرئيسية ( بطاط مقلي – حلقات بصل – بطاط ودجز – مشروم )

بالإضافة إلى الصلصات

وبعدين إييلك الجرسون ويقولك أنواع الأطباق الرئيسية الي راح اييبلك اياها وهي خمس أنواع الواضحه في الصورة

لا أحد يدقق بالصورة لأنه صورتي عاكسه ع الزجاج << يعني شوفوني عن طريق غير مباشر

المهم هاذي الأطباق إييبلك اياها الجرسون لي الطاولة ويقصلك اياها ع الطاولة

أول شي إييبلك الستيك ( بقري – عجل – غنم ) ثلاث أنواع من الستيك

وكان أحلاهم الغنم وبعدين البقري , والعجل ماعجبني كللش مللش لا أنا ولا صاحبي ..

وهذا الجرسون يايب الستيك

وهذا هو في الصحن

طبعا هو ثلاث مرات يخلص ونييبه مره ثانيه يعني حللنا فلوسنا 🙂  لأنه تاكل لين تشبع بلاحدود

وبعدين اييبلك ( الهوت دوق ) ماصورتها ..

وبعدين شاورما الدياي اييب الصيخ بكبره ويقطعلك اياها بالصحن .

السعر أيضا يشمل الحلا وعطونا كيكة أناناس مع كريمه

مايميز المطعم جلسته الرومانسية إلى أبعد الحدود والهدوء

الإضاءة كلها بالشموع

والجلسات عجيبه

ومافي زحمه

وهاذي صورة للمكان

التقــــــييم

المكان 10/9

جودة الاكل 10/7

الخدمه 10/9

السعر 10/7

شوي غالي لانه الكولا أصغر قوطي بـ 1.200 وعصير البرتقال بـ 2.000 دينارين والماي بـ 1.900

وشكرا ..

,

16 تعليقات

  1. نشكرك كل الشكر على هذه التدوينة الفلّة ، بس ما حطيت صورة الشيف ليش ؟
    وكذلك ما تكلمت عن شغلة يديدة بمطاعمنا وهي من الساعة 8 تبدا الأغاني لايف مباشرة من المنصة ، من ريال ومرة جيتار وناي عود هههه ، جيفا جيفو .. ما قلت سالفتها هههه ، تبي صورة البنت اللي ادق على عود
    ونسيت تذكر أنهم آخر شي اييبون لك حلو سويت ، وكذلك عندهم طبق بحري كبير .
    بالنسبة للتقييم انا اعطي المكان 9.5 ، والخدمة المشكلة ما تقدر تحكم عليها تمام لأن لما رحنا ما كان زحمة لذلك من تجربتي اعطيهم 8.5 ، وجودة الاكل 7.5 ، والسعر بالضبط مثل ما قلت 7 .

    • يا اهلا وسهلا برفيق الكرش

      الصورة مو واضحه

      وأظن انه ن عيوب المطعم الأشياء الي ذكرتها يقعد هالريال الي صوته يبط الراس يسولف بالبرازيلي على راسك صداااااااع بس الي معااااه بس تعزف ..

      وبالنسبة للحلو أضفناه لعيونك

      والتقييم انت اخبر لأنك مجرب الأطباق الثانيه ورايحله مرتين

  2. ما شالله.. شكله مكان حلو والله
    بس اقولك وين تقول السعر “شوي” غالي .. الا حده نصب
    عيل بيبسي صغير بدينار وميتين << مالي خلق اكتب ارقام هههه

    بس صورة أنواع الستيكات الخمسة عجيبة
    لانهم صاروا ستة وياك هههههه

    تسلم حبيبي على التقديم الطيب

    • اهو مو نصب بس شفط مافي الجيب

      يامعود الله يخلي واسابي انت بعد مالك امل اروح معاك مطعم مافيه ريفيل للمشروبات

      لو انت معانا جان يمكن رضعتك ماخلصت الا بعد رابع قلاس يطلع حسابك انت بس 5 دنانير البيبسي هههههه

      وحاضرين للطيبين ومره ثانيه لما تنام لاتسحبها عشان تيي معانا

  3. الله يعين ،،

    قريت الموضوع وانا حدي جوعان ، وبعد الرد راح اتصل على المطعم الي بالفرع ( هندي ) وبطلب جباتي !!

    ماشاء الله موضوع فيه دسم

    وبالعافية بو عزيز + بو علي

    • ههههههه

      والله يابوناصر انت كل ما احط موضوع مطاعم وكشخه تعطيني يا مطعم هندي يافلافل بوجاسم هههههه ياحلوم !!

      طبعا أنا اتوقع اني بصكر المدونة برمضان عشان ما أستأثم بالناس 🙂

  4. عجيييييييب !

    !!!!!

    اولا بالعافيه !

    لكن مافي حياديه بالتقييم ! بتقولي ليش ! انا اقولك

    شلون جودة الاكل 7 وانت ما شاء الله لا اله الا الله ! مقحص بالصحن ومو مخلي فيه شي ! المفروض الجوده توصل 200 من 10 ! مو 7 من 10 ! ههههههههه

    لاكن انا ما احبذ سالفه البوفيه لان الواحد رايح راد واقف وقاعد كل 10 دقايق مو شي فما يتلذذ بالاكل كثر ماهو قاعد !

    واهنيك على صبرك ! لان انا واحد على الاكل ساعات انسى اني موجود وابدي قصف قبل الجميع ! وانت بالمقابل تصور الاكل ورايق على الاخر !

    وبالعافيه مره اخرى وننتظر الضحيه القادمه اقصد المطعم القادم !

    تشااااااااااااااااااااااااااؤو

    • هلا بعجب العجب عجييييييييب

      أول شي ماكو بدليات أكيد 🙂 !!

      بعدين انا ترا والله الاطباق الرئيسية لو مصورك الصحن ماكليت لا الهوت دوق ولا الشاورما بس كليت ثلاث قطع ستيك

      واقزرت على البطاط وحلقات البصل ..

      وبعدين الواحد لازم يكون فيه صبر لو تشوفني قبل لا أفتح المدونة جااان حمدت ربك ع العافيه ههههههههههه

      المدونة علمتني الصبر عشان تطلع معاي أحلى صورة للطبق وبعدين أبدي بالأكل

      يا هلا ومرحبا

      تشاااااااااااااااوؤ 🙂

  5. السلام ..

    بالعافيه يارب..

    اهو البوفيه بس للسلطات؟؟

    ومشكور..

    • هلا أختي رورو

      وعليكم السلام ورحمة الله

      البوفيه بس للسلطات ايه نعم

      والباجي الي هو ستيك اييبولج لين تقولين بسسسسسس

      والعفو

  6. مساء الخير

    بالعافييييييييييييييييييية عليكم

    نا أهم شي عندي السلطات

    يعني هالمطعم كل ما يناسبني

    🙂

    يسلموووووو علي هالمدونه الحلوه:)

    • مساء النور

      الله يعافيج

      بس مو كل الأنواع فيه من السلطات يعني مافي فتوش او سلطة كامله الي كان موجود خس عادي وخس امريكي وصلصات وسلطة تونه وفطر وناتشوز وفول وثوم محشي بس لاباس فيها انا عجبتني المقبلات مع قلتها بس حلوه

      وحياج الله بالمدونة

  7. يا علها عافيه والله

    هالمطعم اللي ذكرته سمعت عنه

    وشكرا لك لتوضيحك بالصور

    وحطيته بلسته المطاعم

    الله يسامحك بتخسرناااااا

  8. لولوه ماركيز

    مشكوووورين افدتوني صراحه 

  9. احمد خالد محمد

    بسم الله ماشاء الله انا الشيف احمد من مصر _ الاسكندرية الصور بالجمال دا ما بالك الحقيقة مزيد يارب من التقدم لكم ولكل ادارة المطعم يارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.