مدونة أبوفلان تقنية ، أخبار ، تجارب شخصية ، مطاعم ، سياحة
في ثاالث أيام العيد ذهبت أنا والمدام وفلان إلى مطعم ( تمبل ويد ) الموجود بجانب فندق ( الموفنبيك) الي قبل دوار البدع ..
المطعم يقدم الاكل الامريكي والمكسيكي على ما أظن ..
أفضل وقت للذهاب :
* مايميز المطعم إنك ما تلقى عنده زحمه على العكس تماما مع المطاعم الي تقدم نفس القائمة من الماكولات مثل ( شيليز ) و ( فرايديز ) و ( أبل بيز ) في ايام العيد الناس فوق بعضها من الزحمه .
شخصيا هذا المطعم عندي أحلى مطعم من المطاعم المذكورة أعلاه لأسباب سأذكرها .
المــــكـــان :
* هادئ جدا يوجد طابقين في المطعم الأرضي لغير المدخنين والأول للمدخنين ,, والي اهله متغطين يقدر يروح لأنه المطعم طاولاته كلها صاده يعني مايصير أحد بويهك ويضايقك .. وهذه احد الأسباب .
السعر :
* أسعار المطعم ارخص بكثير من أبل بيز وشيليز ومقارب لفرايديز ..
جودة الأكل :
* الاكل ممتاز جدا جدا من حيث الطعم والسرعه في التحضير إلى جانب الكثره يعني مو نفس بعض المطاعم السلطه بدينارين ماتكفي حق قطو !!
الخـــــدمه :
* ممتازه ودائما المطعم الي مافيه زحمه الخدمه تكون سريعه .
بعض الصور الملتقطه من البلعه
هذه المقبلات :
بطاط مشوي مع البيكون البقري والكريمه ترا يووووعااااااااااااااان قاعد اكتب وانا مو متغدي
وهاذي سلطة السيزر :
وهذا الطبق الرئيسي :
ستيك ريب آي مع السويت بوتيتو <<< اهم شي اللغه
القطعه طرية جدا وطعمها خيالي
وهذا طبق رئيسي ثاني روبيان أو فرايد شرمب 8 قطع طعمه مقبول يعني مافي شي يميزه بطعمه
وبالهنا والشفا لي وللكل 🙂
يمي يمي يوعتني و خصوصا اني لين الحين ما تغديت
ابو فلان شكلك تخصص بلعه خخخخخخخ
🙂
مو تخصص إلا دكتوراه
أولا: حتى انا مو متغدي فالله يسامحك… مشينا روبي؟ 😀
ثانيا: بصراحة ما هقيتها .. تكتب عن تمبل ويد وتخلي روبي .. انا وروبي زعلانين عليك 😀
ثالثا: في صفحة التعريف قايل ما بتقول اسم ولد السوري .. والحين بطيت الجربه ههههههه
بالعافية عليكم ومطرح ما يسري يمري 🙂
لانه مو كل واحد بيدخل راح يشوف هالموضوع
على الأقل عندي عيال <<< شفيه حسن
اولا بالعافية
ثانيا ، مشكور على نصيحة المطعم
ثالثا يعطيك العافية وكثر من هالسوالف اللذيذة 🙂
مشكور
ربي يعافيك بوناصر
حاضرين للطيبين
وان شاء الله ترقب المزيد
وجزاك الله خير على اقتراح المدونه الصراحه لولا الله ثم انت ماسويت هالمدونه المتواضعه
الصراحه ابدعت اخوي وشوقتنا على المطاعم الحين بسوي قرعه وبوف اي مطعم يطلع لي علشان اروح اتغدى اليوم هههههه
مشكور ويعطيك العافيه ويخلي لك فلان يارب
كثر من هالمواضيع الزينه
حاضرين للطيبين وأبشر بالخير بجيك إن شاء الله
والله يعطيك العافيه على الدعاء
السلام عليكم و رحمة الله
بالعافية عليكم
حبيب قلبي أبو فلان …
شلون أراسلك ؟
امبيه وانا اشوف الصور مت من اليوع.. شكلي بحاول اروح له هاليومين
مشكور اخوي
وخوش مدونه :>
يااااااااااي قاعده من الساعه 1 الفجر وللحين ماكليت شي ناوية اروح لمطعم ريوق واكل بضمير .. بس صج جوعتني بطني قام يوصوص شوي وعيوني ادمع ههههههههههههههههههههههه
بس جد يعطيك العافيه على هالتقارير صج تخصصك مطاعم درجة اولى انا لابغيت اغير اروح مطعم ادخل مدونتك اليوم كنت بروح فيش ماركت بس شفت تقريرك لمطعم روبي قلت لاااااااااااااا لروبي مشيناااا
يعطييييييييييييييييك الف عافيه
طيب واللي مو بالكويت برمضان ويوعان شيسوي ؟ اجرمت واستأثمت فيني باابو فلان لوول عموماا اتمنى لك التوفيق والاستمرار وان شاء الله تكبر المدونه وتعم السعوديه وخصوصا الرياض علشان لمن تحط مطعم مايصير بخاطري لوول … عموماعوافي عليكم ويتزحلق بـ العافيه..