أفضل إشتراك انترنت للنقال .. مقارنة بين الشركات الثلاث
أغسطس 21
.
في هذا الموضوع راح أسوي مقارنة بين الشركات الثلاث عن اشتراك النت للنقال الفواتير :
* ZAIN
* WATANIYA
* VIVA
المقارنة بين الشركات ستكون على حسب :
* السعر
* قوة شبكة الـ 3G فقط .
لأن الثري جي هو الأسرع والأفضل والناس وصلت لشبكات الـ 4G .
.
ملاحظة : لن أقوم بعمل مقارنة بين قوة الداونلود أو سرعة التصفح عند الإستخدام .. ليش ؟
* لأن الإنترنت عن طريق التلفون يعتمد على قرب الأبراج وبعدها , ويعتمد على الضغط على الشبكة وعدد المشتركين .
فقد تشترك ويكون الإشتراك طيارة في منطقة العقيلة لصغر المنطقه وماجاورها , ويكون ضعييف جدا في القرين ويكون نفس الإشتراك .
.
( المقارنة الاولى من ناحية قوة شبكة الـ 3G )
.
.* ZAIN : الشبكة ضعيفة جدا من خلال استخدامي الشخصي تفصل وايد خاصة بالخط السريع والكثير من الأماكن في الكويت .
ويرجع السبب من وجهة نظري إلى أن الشركة من سنة إنطلق واحد وهي موجودة وبالتالي فالأبراج قديمة والكثير منها 2G ولم تقوي الشركة أبراجها .
* WATANIYA : من خلال سؤالي للشباب فالشبكة قوية وأفضل بكثير من زين والثري جي مايفصل معاك إلا نادرا .
* VIVA : أيضا من خلال استخدامي الشخصي شبكتها قوية جدا والثري جي مايفصل الا نادرا ومشتريكها أقل أيضا .
.
( المقارنة الثانيه من ناحية السعر )
.
قمت بعمل جدول خاص لكل شركة
والمعلومات فيها انا ماخذها منهم من خلال الإتصال بخدمة العملاء لكل شركة
.
المقصود من الإستخدام الإضافي : يعني اذا تجاوزت الحد المسموح به هل يحسب عليك فلوس أو يقطع الخدمة كل شي بتلقاه بالجدول .
أيضا شركة فيفا عندها ميزة وهي انخفاض السعر عند الإشتراك عن طريق عقد لمدة سنة كاملة .
.
.
.
.
شكر خاص لزميلي المدوّن السابق 
عبدالله isoulq8 على اقتراحه الجميل بعمل جداول .
.
هاذي صورة أيضا إهداء من صديقي الصدوق عبدالله للمدونة لمن أحب نشرها بالمنتديات أو نقلها لموقعه
فيها مختصر جميل للموضوع
.
.
.
اشكرك على المقارنة
وإذا الله اراد وتم تفعيل قانون نقل الخطوط بين الشركات بنشوف اسعار وعروض خيالية علشان كل شركة تبي تجذب الزباين لها
العفو بوناصر
فعلا قبل لا أكتب الموضوع قلت هاي الأسعار بعد شهرين أو 3 بتتغير اذا افتحوا باب النقل
لكن قلنا العبض مايدري عنها لي الحين أو يشترك ويندبس بسنة
شكرا للتوضيح
عساك على القوه
ويعطيك الف عافيه
موضوع حلو
وبالاخير اثبتت فيفا انها الافضل بكل شي ^_^
وتسلم ايدك
الله يقويك أخوي عبدالله
ويعافيك ربي يالغالي
فيفا تقدر
السلام عليكم
..
صراحة مقارنة جيدة وكنت من المنتظرين لها ، بحكم أنني أبحث عن اشتراك جيّد ..
الآن انا مستخدم لاشتراك (مشترك
) الوطنية ذو ال12 د.ك ، سابقا كان 14 ومن ثم 13 بحكم التنافس اصبح 12 !
الآن ان شاء الله سأجرب الفيفا ذو ال22 د.ك لانني كثير التحميل بحكم انه اتصالي الاساسي بالانترنت ، وهو الوحيد (غير محدود الاستخدام) ّ!
جُزيت خيرا من الله تعالى على جهدك هذا
شكرا !
عبدالله ..
وعليكم السلام ورحمة الله
هلا فيك أخوي بوعابد
الكل يمدح بالوطنية وفيفا بس نصيحة قبل لاتشترك شوفلك واحد عنده اشتراك فيفا وجربه بالأماكن الي تقعد فيها وايد وتسوي داونلود عشان تبين معاك قوة النت
واياك ان شاء الله
بالمناسبة ، هل هذه الاسعار تشمل خطوط الدفع المسبق (المخصصة للانترنت) ؟ او فقط خطوط الداتا (الفواتير) ؟
هاذي اسعار الاشتراكات اذا كان عندك خط فواتير وتبي تضيف له الخدمة
يعطيك العافية مستر أبل بـ أبل
بيني وبينك … انا استخدم فيفا .. وحيييل ممتازة
ويمكن يفيدك هذا الموضوع الي كتبته اليوم ..
http://www.q8ping.com/4028.html
يعطيك العافيه أخوي كويت بنق
ايه اطلعت على الموضوع وكنت من المصوتني لـ فيفا
أشكر إضافتك
thanks
يعطيك العافيه يابو فلان وبما اني جربت زين وفيفا اوافقك في كل كلمة قلتها حاليا فيفا الافضل والسرعه عندي ما تنزل عن ون ميقا ابلود وداون لود الا نادرا جدا جدا
ومثل ماقالوا الاخوان الحسابات كلها راح تتغير اول ما تنزل خدمة تحويل الخطوط بين الشركات
الله يعافيك
فيفا مايميزها أنها حديثة ومشتركيها قليل
ووقت التحويل بيصير الي ماصار
بصراحة عروض فيفا جدا مغرية ورائعة، كوني مشترك في الوطنية أتمنى أشوف خدمة ممتازة وتنافسية مع خدمة التحويل لأن أسعارها هي الأغلى بين الشركات لكن خدمتها جيدة، لكن لو ما تغير شي ما عندي مانع أحول لفيفا لأن خدمتهم أفضل وأسعارهم كذلك.
وأسعار العقود السنوية مغرية جدا، لكن ينخاف منها، ما تضمن شنو يصير بالخدمة بعد فترة.. مثل ما صار باشتراكات النت، كانت ممتازة لكن مع كثرة المشتركين والضغط صارت السرعة تعيسة.
فعلا مثل ما انا مخطط اذا بقت الأسعار على ماهي عليه
فاشتراك فيفا السوني ممتاز ومغري
خصاة أنني صارلي سنتنين معاهم مع بعض التحفظ
زين عندهم اشتراك ١٣.٥ يعطي تقريبا ٨٠٠ kbps مع استخدام ٥ جيجا
والله ماذكرلي اياها وأكدت عليه قلتله ماكو اشتراكات ثانيه
لكن مرات يخشون عنك الشركة عادي عشان تاخذ الأغلى والأقل وزين عادي متعودين طال عمرك
مشكور يا بو فلان على المعلومات
مع اني سائل زين قبل مرة عن اشتراك البو 14 دينار
قال لي موظفهم ان حجم البيانات اللي تقدر تحملهم 10 جيجا بالشهر و لما تتجاوز العشرة جيجا تنخفض السرعة لين يبتدي أول الشهر مرة ثانية و ترد عادي ….
الواحد بيحتار
لكن عجبتني الوطنية ما عندهم مزح ابد واحد يعني واحد اثنين يعني اثنين تخلص من هني تقطع من هني ..
هههههههههه
تحياتي يا بو فلان
و شكرا على المعلومات
العفو يالحبيب
والله تبي الصراحه بس كتبت الموضوع كل واحد قام يطلع معلومه من عنده والمشكلة اني انا متصل بنفسي بكل شركة بس انت هين في واد قالي اسعارك مع فيفا مو مضبوطه ههههه وراح حط اسعار من مخباته وغير السرعات وانا مكلمهم وماخذ البروشور منهم بعد
الوطنية حركتهم شوي خايسة يا اخي لاتحرم الشخص بس خفف السرعه أعتقد انها سلبية بحقهم
العفو أخوي كمبيوترجي وكل الشكر لك
تسلم ايدك يا عمده
وايدك أخوي منور
يعطيك العافية وتسلم ايدك يا ابو فلان
لكن فيه خطأ في الجداول ..
السرعات بالكيلو بت مو بالميجا
الا ال7.2
—————————————————–
افضلهم الوطنية .. وبعدها زين .. والاسوأ فيفا
تم التعديل أخوي يوسف
بالنسبة لي أولهم فيفا وبعدها الوطنية وبعدين زين
يمكن ليش الأماكن تختلف بيني وبينك
يعطيك العافية على الموضوع
بس عندي ملاحظة اتمنى تتقبلها برحابة صدر .. مقارنة قوة شبكة (الثري-جي) غير موضوعية كون ان المعلومة عن شبكة شركة زين وابراجها قدمتها بناءا على وجهة نظرك وقد تكون غير صحيحة المعلومة ، وعن شركة الوطنية للاتصالات بناءا على تجربة اصدقائك ، وتجربتك الشخصية مع فيفا ، وجه المقارنة غير موحدة فنيا وهذا ما يميز الـ ( ريفيو ) الصحيح
شكرا ًً لك
الله يعافيك أخوي
بالنسبة لشبكة زين انا من مشتريكها من 7 سنوات ومشترك فيها بالإنترنت من سنتين وكنت اعاني كما يعاني غيري من انقطاع الشكبة والتحويل الى الـ 2g
وهذا شيء ملاحظ ولو كان كلامي غير موضوعي لما اتفق الكل على سوء شبكة زين
موضوعي ماكتبته الا بعد تجربة الكل سواء انا او زميل لي كل يوم اشوفه والكلام الي كاتبه ماكتبته الا بعد التجارب الشخصية الا مع الوطنية والكل ايضا يتفق على قوتها
بالعكس أشكرك على الرد بس لو تكتب لنا تجربتك لو كنت مشترك بخدمة النت للتلفون عشان الكل يستفيد أكون شاكرلك
رمضان كريم
مبارك عليكم الشهر
وكل عام وانتم بخير
تو الناس
الله يبارك فيج ويعود عليج بكل خير ونعمه
خوش مقارنه بس زين صج حراميه كلش مومقتنعه فيهم بس مع اني من مستخدمي زين بس عن قريب ان شاء الله افتك من بوقهم ..انهبونا بالشهر ادفع 60 و انا ما اتكلم كلش لما اسئلهم اقولون اشتراك البلاك بيري :@ ..و ريلي بالثلاث تشهر يدفع 50 و اشتراكه وطنيه
زين حرامية باجماع اهل الكويت
يله ان شاء الله شهر عشرة الواحد يقدر يتنفس
انا ناطره التحويل وحد الدوسه بحول على فيفا .. زين تعبوا نفسيتي والله ادفع 140 دينار الشهر اللي بعده 120 !! واي وانا ما اتكلم والله كله قاطه تلفوني ما اعرفه الا بالطلعه .. وتسلم ايدك بوفلان ماتقصر
الله يسلمج
ماكو أحسن من فيفا بالنسبة للأسعار والخدمة
يعطيكم العافيه شباب
طبعا سرعه شركه زين الي حاطينها هذي خدمه تلفون الانقال الاجهزه الذكيه واشتراك ١٤ دينار سرعته ١٤.٦ ميقابت مو ٧.٢
وشكرا
بو فلان يبيلك تحدث هالموضوع اللي أعتبره مرجع
شوف آخر أسعار الوطنية
http://10.wataniya.com/personal/mobilebroadband/wnetmobile/default_en_gb.aspx
وتقدر تضيف اسعار زين مسبقة الدفع الجديدة
موفق
شاكرلك يالغالي
باذن الله سيتم التحديث
الصراحة الوطنية ولا بفلس أنا شغالة عل وأي فاي من اشتركت كل ما فتحتها نو سغنل راح اقطع بس شنو الوعد عند حماية المستهلك مشى الحال والا قضية