الڤالودة PinkBerry VS

.

من ألذ الأيسكريمات 🙂 الي أتمتع بأكلها هي الفالودة أو الڤالودة .

وهي آيسكريم فارسي عبارة عن شعيرية مثلجه ولكن لها طريقتها الخاصه في الإعداد

.

عادة لما أروح سوق المباركية لازم أمر آخذلي فالودة من محل الكواكب

وهو محل متخصص بالحلويات والآيسكريم والبقصم والرهش 🙂

مكانه : مقابل بلوكات الخامات .

.

اليوم لما رحتله قلت أصورلكم الفالودة اللذيذة

وهي تأتي بنكهات ( الكيوي – الرمان – الزعفران – الليمون )

وتستطيع إضافة أي شي آخر مثل ماء الورد والزعفران وشراب الرمان والليمون إلى أي نوع تختاره

شخصيا أفضل الفالودة بالزعفران مع ماء الورد 🙂

.

.

.

وأبوفلان يقول : استريييييح يا pinkberry 🙂

.

37 تعليقات

  1. لووووووووول
    شرهتك على الي يعرف هذا او هذاك

    بس شكله مغري جدا

    بالعافية

  2. انا مقاطع المنتجات الإيرانيه وكل شي ايراني
    والله يعز مهلبيه الوالده ومن ناحية الايس كريم يسقط الفالدوة ويسقط بنك بيري ويعيش باسكن روبنز ولا يهون برد KDD

  3. ههههه كبير يابوفلان >>افترح إنه تسويلك صفحة بالفيس بوك
    الفالودة vs بينك بيري <<

  4. اخ بس لو كاتب هلموضوع قبل خمس دقايق

  5. bel3afya 🙂
    marra rfejty lazmat 3alay ajarbha.. w kna 3nd ma63am fa6ayer el.jawad… estaghfarallah ma zabeetha w ma gdart akamlha!

    • لا للأسف مو أي مكان يضبطونه

      يعني حتى مطعم شاطر عباس كليت منع مره مو ذاك الزود مو نفس هذا بو نكهات

      ويله خيرها بغيرها 🙂

  6. والله شكله شي ..

    يشهي .. خاصة بو زعفران ..

    يم يمي 🙂

  7. السلام عليكم و رحمة الله و بركاته

    ما قط جربته , ذكرني بالبلاليط بس على ميني بلاليط <– اهم شي التشبيه !!؟

    اول مره اسمع فيه , ماكو على البوظة العربية

    بالعافية بوفلان

  8. الناس اذواق والله .. وماجنه بررد جنه عيش محمر وعيش مشخول لوووول هني وعافيه بوفلان 🙂

  9. أنا شلي دخلني هنيه بعد صلاة الفجر 🙁

  10. والله انا احب المنتجات الايرانيه احس شغلهم نظيف

    خاصة بالمكسرات والقز والطعام

    لان احس عندهم ذمه لما يسوون الاكل

    وياحلو الشبزي بس لوووول

    وعليك بالعافيه

  11. جربت تحط فوقه برد يطلع موصج
    وبنفس القيمه اعتقد

  12. انا احبها ساده من غير اي اضااافة

    بالعافية

  13. يبيله
    بس هذا ماكو يمه مواقف وين تصفط :p

  14. هاهاهاها انشالله بعد رمضان .. واقولك شيصير 🙂

  15. “وأبوفلان يقول : استريييييح يا pinkberry”
    هههههههههه
    بالعافية إن شاء الله وماكو أحلى من الطبيعي. 🙂

  16. ذكرتني بالرهششششش

    عندهم رهش مو طبيعي يدوووخ

    وكانت الحلوى عندهم لذيذه بس من احترق المحل ورجع ما قاموا يضبطونها

    وبالعافيه

  17. كااااااااااااااااااااااااك اي والله يستريح البنك بيري عند الفالوده

    الله يسامحك ذكرتني فيها عاد قبل فتره كنا عندهم انا و اميمتي الغاليه

    عليك بالعافيه

  18. لا لا لا تقول تنباع بالكويت.. انا اكلتها مره بارض المعارض حسبالي بس بالمعرض الايراني لووووول
    الي اكلتها بيضه اعتقد بالزعفران

    يبيله اقول حق باسكن استريح .. بالعافيه يابو فلان الرمان حلو ؟

    • مو وايد محلات تبيعه بالكويت

      البيضه ساده بس تقدر يحطلك فوقها ماي الزعفران 🙂

      والله من ناحيتي احبها وأستطعمها اكثر من باسكن الي يغثك تالي الليل

      بس ماجربت الرمان الصراحه

  19. وين مكانه بالضبط بالمباركية يا أبو فلان ؟

    نبي وصف لواحد مو من سكان الكويت :p

    اللي اعرفه بالمباركية محلات القماش وسوق السلاح على قولتهم !

    • شوف طال عمرك لما تروح سوق المباركية بتمسك خط الملك فهد اعتقد تعرفه ؟

      سييييده لين تجيك الإشارة الي بعد الدوار الي فيه مسجد

      هاذي الإشارة تاخذها يمين وبعدين اشارة بعدها تاذخها يمين تمشي 200 متر تلقى المحل على شمالك 🙂

      واذا مادليت رقمي عندك دق علي 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.