متى تشتري العدو ومتى تشتري الصديق ؟

قريت مره من المرامير كتاب ما أذكر اسمه بالضبط ولكن كانت فكرته انك اشلون تصير غني او فقير ؟؟

وكان المؤلف يقسم الأشياء الى صديق وعدو الأشياء الي نشتريها في حياتنا

وكان يقصد بالصديق : هو الأشياء الي نشتريها وتجلب معها المال ، يعني واحد شرا لابتوب واشتغل ع التصميم وقام اللابتوب يدخلِّه فلوس يعني مثل ماهو دفع ع اللابتوب ، اللابتوب صار صديق وبدأ يردله الجميل

وعلى العكس العدو : هو الشي الي بس ياخذ منك فلوس وتقط عليه وماتحصل من وراه شي من فلوس ..
اقرب مثال هو السياره تاخذ بانزين وسفايف وسيرفس وماتعطيك فلوس بس توديك وتجيبك ..

بس اذا تبي تخليها صديق ركِّب عبريه 🙂

والفكره انه الانسان في حياته يحرص على شراء الصديق والتقليل من العدو

فكره عجبتني ومره وحده قلنا نجرب التدوين من برنامج wordpress من الآيفون ..

2 تعليقات

  1. شكرا على المعلومة الحلوة 🙂

  2. فعلا موضوع ممتاز وفيه تشبيه رائع منك بوضع الأمثلة
    وشيء طيب منك التدوين في وقت الفراغ بواسطة الآيفون
    تحياتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.