مدونة أبوفلان تقنية ، أخبار ، تجارب شخصية ، مطاعم ، سياحة
.
.
قمت أمس بطلب كامرة canon 60D مع عدسة canon 18-135 mm من موقع amazon بالإضافة الى فلاش من نوع canon 430 ex II
كلفتني الكامرة والعدسة 354 د.ك + التوصيل أعتقد سيكون 30 الى 50 دينار = في النهاية لنفترض أن سعرها الإجمالي سيكون 400 د.ك
والفلاش كلفني 74 د.ك + التوصيل 10 د.ك تقريبا = 84 د.ك
.
ذهبت اليوم الى يوريكا والكترونيات الغانم لأخذ فكرة عن أسعار ما اشتريته وانصدمت من الأسعار فعلا !!
الكامرة عند الغانم مع عدسة ماكرو 85-17 mm سعرها = 572 د.ك !!
يعني الفرق = 170 د.ك
.
.
القطعة الأخرى وهي الفلاش الي ذكرته في بداية الموضوع وجدته عند يوريكا
سعره عندهم = 120 د.ك
فالفرق بالسعر مع ما طلبته أصبح = 35 د.ك
.
.
الآن لنحسب الفرق في القطعتين الأولى 170 + الفلاش 35 = 205 د.ك !
قد يقولي البعض أن المحلات لديها التزامات وإيجارات وموظفين أقول له قارن اذا بين أسعار محلاتنا وأسعار المحلات في دبي وبينها وبين محلات السعوديه لتجد أن الفرق بيننا وبينهم شاسع في الطمع والجشع
سعر الكامرة في دبي نفس سعرها في أمازون وسعرها في السعوديه يزيد عنها ب 45 دينار فقط !
نصيحة لكل من لا يعرف الطلب من الخارج تعلم وابحث واترك عنك ” يامعود اهني اضمن ويعطونك كفاله “
هنا كتبت سابقا طريقة الطلب من الخارج وماتحتاجه بالفعل ( اضغط هنا )
.
بالعافيه عليك الكاميره والله يعطيك خيرها ويكفيك شرها ان شاء الله
الله يعينا يارب من الجشع اللي صاير بالشركات او بالمحلات ويوقلون (( لا غلاء للاسعار )) وانا اقولهم استريحوا احسن لكم
مشكور استاذ اوب فلان على التدوينه .. وان شاء الله اذا الله احيانا بجرب اطلب من برى 🙂
الله يعافيج
فعلا الشعارات بس كلام وبالواقع نهب ورفع اسعار
العفو طال عمرج
عليك بالعافيه
ولله انا مفكرة اشتري وحدة يا 500 او 550 d
ودام الفرق وايد بطلب من برا
بس شتنصح في اي موديل والقطع الضرورية لشخص مبتدأ
والله توني مبتدئ
بس حسب قرائتي أخيرا الكل يمدح الـ 550D
مبدئيا اخذيها مع نفس العدسة الي ذاكرها فوق أو فيه عدسه افضل واشمل بس غاليه CANON 24-70
أنا فعلا .. أحاول أن أتعلم وأبحث عن ذلك في هذه الأيام
فناهيك عن الأسعار المبالغ فيها .. كم من الوقت يستغرق المنتج ليكون متوفرا في الكويت ومتاحا للجميع!!
الوقت انت تتحكم فيه تقدر تدفع زيادة لتصلك خلال يومين وتقدر تخليها وتوصل بعد اسبوع
أقصد ..
الأيباد مثلا .. متى طرح للبيع في أمريكا وأصبح بإمكان أي شخص الحصول عليه؟
ومتى وصل للكويت ؟!!!
أنا مؤيده لكلامكم عن جشع التجار وطمعهم..
لأن حتى الكفالة .. مو كل الشركات كفالتهم أو تصليحهم أوكي ..
وماكو الحين جهاز ما يتصلح .. إذا ورشة الوكيل ما تصلح أو تبالغ بثمن التصليح .. في مليون ورشة ومحل يصلحون نفس الجهاز..
للأسف شركات التوصيل من برة كل شوي تزيد أسعارها وتصير أبطأ
مهما كان تبقى الأسعار أفضل من الخارج وان تم زيادة سعر الشحن
لما تطلب من برا بدون كفاله انا جبرتها وتحسفت قلت مستحيل اشتري من برا الكويت بعد
اذا انت غشيم مشكلتك ورجاء لا ترد بأكثر من إسم عشان تنفر الناس وتربح التجار
اي بضاعه مضروبه يتم استرجاعها غصب طيب
انت تتعامل مع شركات عالميه مو نفس تجارنا الي اهني
من برا بدون كفاله تتوهق انا جربتها من قبل وحرمت اطلب شي من برا الكويت
انا افضل يوريكا لانها ارخص مكان بالكويت
انا طلب جهاز من برا الكويت وصلني خبربان اصلا
نظام التعليقات الي تحذر من الشراء من الخارج ” مصلع ” هههه حبيب قلبي انطر اشوي مو ورا بعض هههههه .. يبيلك دورة في فن التعليق لصالح جهة معينة 🙂
أنا رحت قبل فترة روائع جنيف شفت ساعة أعجبتني مسوي عليها خصم ٣٥٪ بعد الخصم ب١١٥ رحت عقبها للمحلات الحميضي بالسعودية وألقاها ب٧٠٠ ر.س عليها خصم ٥٠٪ انصدمت من النصب !!
نفس شغلي اخلي المحلات للرؤية الطبيعيه للمنتج فقط 🙂
الظاهر الي مسوي اكثر من حساب ويعلق اكثر من شخص شكله متعورة تجارته عشان جذي يسب الطلب من برى
ونفس الآي بي الله يعطيه العافيه والصحه
والله انا ما الوم التجار ولكن الوم الحكومة اللي أجازت إحتكار الوكالات علشان محد يقدر اييب السلع الا فئة قليلة ماكلين الخضر واليابس وطايحين صلخ بالعالم، مع العلم ان نظام الإحتكار هو نظام رجعي متخلف تمنعه دول الإتحاد الأوربي وامريكا وفوق هذا مخالف للدين.
ابشرك أن هناك قانون تم اصداره لمنع الإحتكار والى الآن مو قادر اي وزير يطبقه لانه يمس التجار
اول شي عليك بالعافية ياربي
وزين ما سويت الكل يطلب من بره لانة معروف سعر الكاميرات بالكويت غالية
وانا بعد بالطريج بطلب لي كاميرا من بره بس قاعدة اخذ فكرة شنو احسن .. مشكلتي ما احب الكاميرات الكبرات لاني ما اقدر على وزنها 🙁
الله يعافيج ان شاء الله
فعلا الأسعار نار طبعا ماكتبت سعر الوكيل الي يصلخ صلخ
اخذيلج canon g12 يمدحونها اذا تبين شي صغير
مع اني اشوف الصور بالمدونه ممتازه الريفيوز للمطاعم
انا كامرتي canon g10
حلوة وخفيفة ولبقة بس عيبها ما اقدر اشتري لها عدسات 🙁 وهذا البايخ فيها
لانة الزوم مو كوالتي 🙁
عاد كان عندي نفسها وتوني بايعها 🙂
عيل ماكو الا تاخذين الـ 550d أو تاخذين الي أخذتها 60d طبعا الثانيه اقوى وأغلى
معاك حق يا أبو فلان الغشيم هو إلي يشتري من التجار إلي عندنا أنا كل شغلي وخصوصا الإلكترونيات من الانترنت مستحيل إشتري من الكويت لأنه الأسعار ناااااار
لا وكفالتهم مثل ويههم
أول شي عليك بالعافية أخوي بو فلان الكاميرا
ثاني شي بس بغيتك تكتب لنا عن مميزاتها ولا عليك أمر من واقع تجربتك لها يعني جودة الصور أوسهولة استخدامها لأني قاعدة أفكر أشتري كاميرا بس مو عارفة شنو أختار
وبصراحة أول أمس في احتفال الألعاب النارية عند الأبراج تمنيت لو يكون عندي كاميرا سنعة ما تتأثر بالإضاءةالقوية
الكاميرا اللي عندي Nikon
والله بس توصل ان شاء الله بسوي عنها تقرير
الكاميرا قويه والكل يمدحها باليوتيوب بس التجربه خير برهان
حاليا ما أقدر أنصحج بشي صراحه توني مبتدئ بالتصوير مو ذيج الخبره
الي الامام ابو فلان ثورة ثورة ثورة
دقة ساعة الكاميرا دقة ساعة العمل 🙂
أنا لي سابق تجربه مع امازون في ٢٠٠٦ تقريبا طلبت كاميرا كانون أظن اسمها s5 ويفرق سعرها عن الساير ٧٠ دك وبعتها في الكويت وربحت فيها وشريت بعدها الجي ٧
والآن أنا طالب من الابستور البريطاني اكسسوارات للأيفون
اذا الفرق فوق ال٢٠ دك اطلب من بره احسن
مشكور يابو فلان وعلى البركه الكاميرا
زين تسوي بس كأنك بتخربني تخليني ابيع الكامره أول ماتوصل 🙂
بوفلان جم حصلت اسعار 60d لاني ابي وحده استوك بالكرتون واي احسن موقع اطلب منه ؟؟؟؟
الموجوده بدون عدسه بأمازون ب 260 دينار
والي عند يوريكا بس بدي بدون عدسة بـ 420
افضل موقع عندك ebay او amazon
يهب يا الكامرة 🙂
عليك بالعافية من قلبي
ولا تنسانا لي بغيت صور لمعاملة بمرك الدوانية تصورني على السريع 🙂
يالله ننتظر ريفيو الكامرة ونصيحتك بشرائها من عدمه
ولو اني شفت ريفيو عنها والكل يمدحها ماشاء الله
نعم انا مع الشراء من الخارج وبشدة
تحياتي
ههه الله يعافيك بوناصر
انا ما اصور الا حق اقاماات 🙂
الكامرة الكثير امدحوها وطلبتها بعد لأنها يديده
على البركة وتوصلك بالسلامة من غير تكسير وخدوش هههه
تصدق صارلي كم يوم مفكر أخذ كاميرا لسفرة الصيف ومتردد بين 550d و sx230 hs
يعني بين الاحترافية والكومباكت ولحد الحين ما رسيت على بر.
سؤالي ليش ما أخذت 550d
وبالنسبة للطلب من الخارج فلي تجربة سيئة بالآيفون والسبب أعتقد من الشحن.
ففكرت أروح الساير آخذ منه الكاميرا.
الشور؟
هاذي موديلها صاير بين المبتدئ فئة xxd وبين الإحترافي من فئة XD وبالتالي صايرخ مكس بين المواصافات ماخذه من بستان زهره
الكل يمدح بالي أخذتها باليوتيوب والشحن عادة يكون ممتاز بكل تجاربي خاصه من أمازون
بس أنصحك اذا بتاخذ اخذ الكانون G12 تصوير HD والبكسل 12
سعرها تلقاه هني ومواصفاتها
http://www.amazon.com/Canon-G12-Digital-Stabilized-Vari-Angle/dp/B0041RSPRS/ref=sr_1_1?s=electronics&ie=UTF8&qid=1298844938&sr=1-1
وقبل كل شي خذلك لفه باليوتيوب عنها
من كم يوم وصلتني بالسلامة ال nikon d3100
وفرت ٥٥ دينار كويتي ،، علما بأن سعر الكاميرا رخيص نسبيا
اشتريت كفر للايفون بجودة عالية ب دينار و نص فقط
كفر للماك بوك برو ١٣ ب ٧ دنانير تقريبا
مستحيييل اشتري من التجار في الكويت ،، لا اسعارهم مقبولة ،، و لا كفالتهم نافعة
عادي الطلب من بره حلو والبضاعه مافيها مشاكل
الاهم انك تطلب من موقع عالمي معروف وتبعد عن المواقع الغير مروفه عشان ماتتعرض للنصب
وخلال اسبوع انت موفر مبلغ ممكن تستفيد منه ابرك ماتعطيه للتجار
وصدقني غالبا مانحتاج الكفالة
do you use RMX??
اي نعم استخدم ارامكس
يابو فلان كأنك اياي فريت عاليوريكا والغانم فصعقت بالاسعار حتى اني استفسرت من مركز الحارثي بالرياض فوجدته اقل ثمنا من معارضنا
الا ان لدي سؤالين
الاول : ان كانون ٦٠ دي الموجودة بيوريكا والغانم بها برمجة عربية ، هل هذا متوافر بالكاميرا لو طلبتها من امازون ؟
الثاني : هل يستحق فارق السعر ان اضحي بالكفالة المحلية ؟
ارجو منك الافادة
السستم واحد يعني السوفتوير دائما يكون نفسه في جميع الأجهزه فالعربي بيكون موجود
مثل ما انت شايف الفرق 200 دينار ولا اعتقد اننا نشتري قطعة سكراب من من شركة صينيه فنحتاج الكفاله لدرجة كبيره
غالبا الجودة تكون عاليه ويذهب الزمن ولا نحتاج للكفاله وتنتهي في النهايه دون استخدامها
جزاك الله خير
والله للتو خرجت من معرض الغانم وانا مصمم على شراءها من النت لان فرق السعر صدمة بالنسبة لي
وعلى فكرة ايجادي لموضوعك كان محض صدفة ( قدرا ) فاكتشفت ان النت ارخص بكثير
فبإذن الله سأذهب غدا لارامكس لفتح صندوق حتى استطيع الطلب
لكن كم يستغرق من الوقت لوصول المنتج ؟
تقريبا اسبوع من يوم الطلب
اخوي بو فلان شكرا على عرض تجربتك
بس انا عندي استفسار بطلب من امازون نفس الكاميرا
http://www.amazon.com/Canon-Digital-55-250mm-Telephoto-Accessory/dp/B0046DDG9O/ref=sr_1_5?ie=UTF8&qid=1299417718&sr=8-5
هل تكون مضمونه مع كل اغراض الي عارضينها ؟
بوفلان بشر وصلتلك الكاميرا؟
لاني الى الان لم اطلبها
فعلاً فرق وهذا شي مفروغ منه 🙂
بس عفوًا انت طلبت عدسة 18-135 وشفت سعر عدسة ماكرو ليش؟ اهما مو نفس الشي
اخى الموضوع به لبّس بارك الله فيك .. اولا دبي لديها منظومة مُتكامله بشأن البيع والشراء وخاصة أصحاب التوكيلات والمُوزعين لان لديهم لجنة خاصه مُتخصصه فى هذا الشأن بذات وهو ان التاجر عندما يكون وكيل أو موزع لأي سلعه يُحسب له كم شرى وبـ كم سوف يبيع ولها شروط خاصه بشأن الاسعار بل صارمة, الموضوع يطول بإختصار الكويت ليس لديها هذه المنظومة أو تلك اللجنة المُتخصصه لتلك الامور! وإن وجددت الله يخلى الواسطات!
فلذالك الامر ليس له شأن فى التاجر, التاجر الطماع يريد الربح ولكن أين الرقابه والمتابعه والاهم التحديد فى البيع والشراء كـ وكيل فى الكويت او موزع.
يعني بالمنطق… بره أرخص ب٢٠٠ دينار!!!(@@”^٪#}>$€ عساني ما شريت مع الكفاله و يقولون ليش الناس تطلب من بره
إحنا نطلب من بره لسببين:
– أرخص
-غير متوفر
وليس لكسر حلال و سوق التاجر
وشكرا ترا انا معصب
صحيح كلامك اخي الكريم الطلب من الخارج ارخص بكثير
لكن حبيت انوه عن شغله
انا طلبت نفس القطع الي انت طالبها وعندي ايضا فكره عن الاسعار
العدسه الي انت طلبتها ارخص من العدسه الي قارنت معاها بالكويت
١٨-٧٥ وايد غاليه انا طلبتها من بره
اما ١٨-١٣٥ رخيصه حتى بالكويت
العدسات بحر بالانواع والاسعار السر كله فيهم
فاتوقع اذا بتقارن الي انت طلبته مع الكويت بنفس القطع
يمكن يطلع الفرق ٥٠ او ١٠٠