مطعم لانوتر .. Lenotre Restaurant

.

.

مطعم لانوتغ أو لانوتر لأنه فرنسي فتنطق الراء الأخيره غين 🙂

مطعم فرنسي ، تقدر تدخل ع البوفيه وتقدر تقعد تطلب

مكانه : الأفنيوز وهو الذي قمت بزيارته ، وشارع الخليج ومجمع 360 .

.

بداية الجلوس على الطاوله اييبونلك الخبز بأنواعه ( بالزيتون – العادي – بالعسل )

مع الزيتون المفروم وخلطة الريحان والنعناع والزبده .

.

.

بعدها تستلم المنيو وهو افضل منيو مر علي بكل المطاعم الي دخلتها

لأنه يضع صورة كل طبق وبالتالي تأخذ عنه فكره ويكتبون مكوناته بالعربي والإنجليزي .

المنيو فيه كل شيء ماشاء الله ومقسم كل قسم بروحه ( سلطات – مقبلات – أطباق جانبية – باستا – أطباق رئيسيه – السويت – الآيس كريم – ومنيو العصير بروحه )

.

.

.

المقبلات :

هذا أصابع جبن لذيذ مع صلصته

.

.

وهاذي سلطة سيزر دياي جميله جدا وأحلى بالنسبة لي من سلطة مطعم نينو

.

.

وهذا طبق مشروم مع جبنة فرنسية بيضه الطبق ماعجبني لكنه عجب أم فلان وتقول عنه ممتاز

.

.

وهذا الطبق ربيان بالبقصمات لذيذ جدا خاصة مع الصلصات الي معاه الليمون والمايونيز

.

.

الأطباق الرئيسية :

.

هذا طبق فيليه ستيك مع الكريمه والفطر

الستيك ناشف شوي لكن مع الصلصه يصير زين وطري جدا

.

.

وهذا شرايح الستيك مع صلصة الليمون هالطبق الي يحب الحموضه لا يطوفه

الخضار الموجوده مع الطبق مشوية ولذيذة أول مطعم أدخله وآكل الخضار الي مع الطبق الرئيسي خاصة القرع

.

.

وهاذي العصاير


ليمون مع سبرايت ومركز النعناع << هذا تم القضاء عليه

والثاني اسمه نتاليا نسيت شنو مكوناته بس طعمه كأنه حلاو ذايب 🙂 << ما انشرب

.

.

بعدها طلبنا الحلو

الأول اسمه بابا آيس كريم ( بسكوت خفيف + آيس كريم + ورد = لذيذ )

.

.

الحلو الثاني أحلى من الأول كيكة باري بريست لذيذه جدا وممتازه

.

.

المطعم بصراحه تمت إضافته للمفضلة الأكل كان جدا لذيذ واستمتعت بكل لقمة

.

التقـــــييم

المكان 8 / 10

الخدمة 9 / 10

جودة الأكل 9 / 10

السعر 7 / 10

المطعم غالي شوي لكنه يستاهل

.

.

51 تعليقات

  1. بلعافيه ابو فلان و ان شاء الله كله كم يوم و جيكم الكويت و بجرب المطعم

    و تقبل تحياتي

  2. الله يسامحك يابوفلان جان كتبت فوق
    هذا الموضوع لا يصلح لضعاف القلوب والجائعين

    لان شرائح الستيك مع الليمون دشت مزاجي ..

  3. أي والله
    الله يسامحك الساعه الحين 6.30 الصبح وانا قاعد أسعبل

  4. بالعاافيه يابو فلان

    سؤالي خارج الموضوع شويه

    وش نوع الكاميرا اللي تستخدمها لان التصوير رائع ؟

  5. شكله حلو وعجبني بالذات المينيو والاطباق المصوره

    بوفلان شلونهم مع الدياي .. ماشوف طلبت اطباق دياي

    • والله ماذقت اي طبق دياي

      بس الي بالسلطه كان ممتاز واتوقع الي يضبط اللحم أكيد بيضبط الدياي من باب أولى 🙁

  6. شكله خوش مطعم، وأظن أسعاره جيدة، انت نفسيا منصدم من الفاتورة لأنك دافعها من جيبك بروحك ههههه وما شالله عليك هالمرة مكثر اربع مقبلات وطالب طبقين حلو .. فاكيد السعر بيشلع
    عشان جذي اخذ نظرة سريعة على اسعار الاطباق منفصلة بتشوف الاسعار معقولة عشان تعطيهم سبعة ونص بدل السبعة هههههههه
    عليكم بالعافية

    • لو تقارن حجم الستيك وسعره تعرف ان السعر مرتفع نوعا ما حتى

      حتى لو كنا ثلاث أشخاص نطلب نفس الطلبات يظل السعر غالي يعني اعتقد بوتشر كان ارخص منه

      حتى طبق المشروم ب 5 دنانير وايد مقارنة مع المطاعم الثانيه

      والله يعافيك ويعافي قلبك

  7. هناك شخص محترم يسمى ابوفلان
    قال لي في احد البوستات انه ما يحب الاكل و المطاعم 🙂
    و شكله ابوفلان الاثلي جاب العيد فيه 🙂
    ههههههههههههههههه

    حيرتنا عاد
    تحبهم و لا ما تحبهم اعترف ياخي و ريح راسك 🙂
    عليك و على ام فلان بالعااااافية يارب
    بس والله غالي شوي فعلاً
    <<<< يفكر بمطعم بو 20 ولا 25 دينار ابرك !!

    تحيااااتي يا بعدهم

    • ههه يعني مانتغشمر 🙁

      لا بالعكس من عشاق المطاعم والله يعافيك ان شاء الله

      فيه بو عشرين هم حلو بس هندي

      ويا هلا ومرحبا يالغالي

  8. المطعم قديم جداا يا جماعه انا مستغرب من التعليقات وكانه جديد واول مره
    بعدين شدعوه السيرفس خمس دنانير

    • يمكن قديم بالنسبة لك يديد عند غيرك

      او اول تجربة لابوفلان حب ينقلها

      قول يعطيك العافيه على الاقل 🙂

      العتيبي سمعت انه مغيرينه وايد صاير احلى

    • يا هلا بالعتيبي فعلا المطعم قديم لكن أول تجربه لي حبيت أنقلها ويستفيد منها الي ماراحله

  9. عليك بالعافيه .. شوقتني وانا يوعانه .. من بعد ماشفت هالبوست .. ماني مشتهيه اكل البيت 🙂
    فعلا .. هالمطعم يعتبر المفضل عندي .. بس دايما اجربه ريوق
    راح اجربه غدا .. يعطيك العافيه

    • انا ماجربت ريوقه صراحة اشلونه !؟ ممتاز

      والله يعافيج ان شاء الله

      اكل البيت لايعلى عليه بس الواحد يمل

  10. يوعتنا الله اهداك لووووول 🙂
    عليييك بالعافية والله ماشاء الله عليك اخترت طبقات اتشووووووووووووووووق

  11. عليك بالعافيه بوفلان

    المطعم جربته مره بوفيه ماعجبني حيل

    بس شايف انه متغير المنيو ماكان جذي الظاهر مغيرين فيه

    لي زيارة قادمة للمطعم

    • انا كنت ناوي اجربه بس ماحصلت فرصه

      بسبب الزحمه بالاوقات الي كنت اروحله

      سمعت انه فعلا مغير اكله واطباقه لكن المطعم ممتاز فعلا

  12. اعتقد عالمطعم موجود بعد بسوق شرق
    عدل ولا انا مظيع؟

    • والله ما اتوقع لان موجود بشارع الخليج وبالتالي ماله داعي اعتقد يفتحونه بسوق شرق

  13. صحتين 🙂

    لانوتغ ولا مره كليت فيه!

    بس شوقني صحن الستيك بس ناقصه العيش والمعبوج والدقوس 🙂

    • الله يرزقك الصحه والعافيه

      هههه كويتيين مايشبعهم الا العيش والمجابيس 🙂

      شخبار الرجيم !؟

  14. عليك بالف مليون عافية … 🙂

  15. عواااافي إنت والمدام 🙂

  16. امم المطعم اشوف اسعاره زينه بالنسبه لباجي المطاعم الغاليه

    بس يمكن شوي مكثرين بالطلبات وافضل العصاير والمشروبات البارده عنده

    بالعافيه

    • والله مقارنة بنينو واتالوز وبوتشر هذا اغلى منهم

      المشكله الوقت وقت امراض ما اخترنا عصايرنا فل اوبشن ولا عصايرهم وايد وفيها المثلج والعادي

  17. بالغافية .. شوقتنا
    خلاص
    لازم اجربه اذا رحت الكويت

  18. عليك بالعافيه فعلا هالمطعم اكله وسعره فيه يستاهل

  19. لونوتغ عجيييب
    ريوقه بعد حلو “البوفيه” و حتى المنيو بعد حلو
    بس روح اللي عالبحر اشرح و اقعد يم الدريشه :p

    انا اشوف سعره زين لانه مطعم فرنسي و معروف الفرنسي غالي
    مو مثل الامريكي و الايطالي

    باستاتهم عجيبه !!
    و السندويشات و السمج بعد حلو مره طلبت هامور
    اخر مره رحتله طلبت شي لذيذ بس نسيت شنو حتى اذكر خذا وقت طويل امي طلبت عقبي و كلت و خلصت و بتحلي و انا ماوصل طلبي لوول :\

    • الله يعافيج أختي رورو

      مطعمهم الي ع البحر يبيله غدا

      للأسف مره حجزت فيه حق العيد ومارحت لكن شكلي بمره على يوم واذا فيه قعده بره بيكون افضل وأفضل

      الباستا شكلها ممتاز جدا لكن انا مو صديق الباستا ولا البيتزا

      أشكرج على الاقتراحات

  20. هتي وعافيه يا بوفلان 🙂 ما خذيت فلان وياك ؟؟ ولا شغل بس انت وام افلان ؟. :)))

    سعره حلو بس ليش الخدمه 4 دنانير ؟ .. لي هالدرجة يخدمون بذمه .. وانت تاكل يدلكون الريول مثلا؟ :))

    هني وعافيه مره ثانيه .. واقرب فرصه بمره اشوفه 🙂 +

    • الله يعافيك وفلان كان قبلنا قاعد ع الطاولة 🙂

      الخدمة في كل المطاعم ثابته تكون 10% ولان الطلب 43 صارت العشرة بالمية 4 دنانير 🙂

  21. بالعافية خيو,
    كنت اسبوعيا اروحله
    الاكل لا يعلى عليه
    واكثر شئ ريحني بالمكان
    الهدوء ومافيه يهال مزعجين

    • الله يعافيك

      فعلا مكانه هادي جدا بس كان معاي ولدي سبب ازعاج 🙂

      اشوا انك ماكنت هناك

  22. تسجيل حضور متأخر، أول شي بالعافية، ثانية التقرير جدا جدا جميل وأهنيك على الإختيارات “الصعبة”. 🙂

    • الله يعافي قلبك

      حاضرين للغالين وان شاء الله في اصعب منه في المستقبل القريب 🙂

  23. واااااااااااااااااااااي مطعمي المفضل

    ووخوش طلبات

    عليك بالعافية

  24. بصراحة ذوق عليك بالعافية ..
    روعة شويه عليه هالمطعم والمنيو يشوق بالذات السلطات والمقبلات ..
    المرة الياية بجرب الربيان ..

  25. طارق الخالدي

    اقولك بو فلان…. شخبارك طيب

    وين مكان المطعم ( بالزبط ) بالافنيوز

    مالي خلق اقعد افرفر …

    وانا اتوقع انك اوروبي ، ما تاكل الا من مطاعم
    شكلها ام فلان ماتعرف تطبخ p:

  26. طارق الخالدي

    والله اني دايخ بكتب بموضوعك الثاني لانوتغ ،،

    كتبت اهني بموضوعك قديم

    امسح امسح خل نروح هناك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.