مدونة أبوفلان تقنية ، أخبار ، تجارب شخصية ، مطاعم ، سياحة
,
يعني صاحب هالإعلان ما أدري الصراحه شسالفته !!
الجهاز إسمه iphone4 من وين يبت الـ G !!
طيب وبعدين كاتبلي تحت عربي أصلي ؟؟ يعني ديرو بالكم فيه نعيمي وفيه إيراني وفيه استرالي !! بس الي عندنا عربي أصلي أمه وأبوه من قريش
.
أكثر الأسئلة الي تقهرني لما أشوف إعلان بيع آيفون بموقع وأشوف الردود :
اخوي فيه عربي ؟ اذا فيه عربي اسومه 250 🙂
والسؤال الثاني أخوي فيه بلوتوث ؟ اذا فيه بلوتوث وشغال اسومه 270 ولاتطمع ترا يبيعونه بره ب 180 🙂
.
مجرد فضفضة 🙂
.
.
شكرا هورنت على الصورة الي رفعت ضغطي 🙂
.
مادري ليمتى
يعني الناس اتابع اخبار الايفون قبل الاعلان الرسمي والمسميات اللي اطلقوها عليه … وتنسى الاعلان الرسمي.
كنت اتصفح الجريدة وفعلا تفاجأت بالاعلان .
المشكلة محل !!
يمكن لو تروحلهم تسأل عن شي يقولك انطر خبير الآيفون 🙂 وهم مو عارفين اسمه 🙂
هذا مال تدق عليه تستهبل قوله بجم التعريب؟ 😀
قوله عندي ايفون ابي اخليه عربي اصلي 🙂
بداية العفو
وانت ماقصرت 🙂 عطيت الاعلان حقه وزيادة !! مازيد على الي قلته
كنت صاحب محلات هواتف واعرف هالسوالف عدل ( دعاية ) لا اكثر !
والله شكله بتروحله بيقولك ماعندنا خالص فيه ثري جي اس نفس سوالف يوريكا والغانم 🙂
ما جزي يا وليدي يا علاوي .. تسوي دعاية للفور جي ..
….
أحلى شي خدمة توصيل .. يحسسني محل فطاير ..
زين ما كتب .. حصرياُ .. وقبل طرحه بالأسواق الأأمريكية ..
…..
أنا أتصلت عليه ,, قالي عندنا واحد تشوفه بس .. وإذا تبي تحجز ويوصل في أقرب وقت ..هههههه
عاش الأصلي 🙂
بيه طلبيه وتنطر وماتدري يضربون فلوسك ولا لا ؟
تصدق لو فاتح الطلب عن طريقي جان الحين مطلع شي وشيات 🙂
انا طلبته من لندن وافتكيت من النصابين اهني
بس ترى فعلاً اسمه صح
اسمه iphone 4G = 4th generation
بس في ناس تختصر وتقول iphone 4
ع البركه ويوصل بالسلامه
اسمه الرسمي من الشركه آيفون ٤
الناس تسميه 4G على اساس 3G يعني تسمية الشبكه مو الجيل الرابع هاذي المشكله 🙂
ابي خروف!