بعض عطوراتي العربية المفضلة في فصل الشتاء

 

 

فصل الشتاء من أجمل الفصول التي استخدم فيها العطورات العربية من دهن عود وبخور وورد وخلطات العود والمسك والعنبر

اشتريت بالأمس عطرين من محلات الدر المنثور في المباركية عطر ثراء من افضل عطوراتي للاستخدام مع البخور او العطر الجديد مخلط ذهب فهو عبارة عن خلطة تتكون من نوعين من انواع العود مع الورد رائعة وقوية

ثراء سعرها 15 د.ك ومخلط ذهب سعره 20 د،ك

اذا كانت لديك بعض الاقتراحات لعطورات او خلطات عربية من محلات معينة أتمنى مشاركتي بها بالتعليقات

 

 

21 تعليقات

  1. انا اقترح عليك تجرب ريحه اسمها فقط للرجال من الرصاصي

  2. والله وايد في عطورات بس جرب القرشي
    دهن عود معتق العلبه فيها عطر بخاخ وشويه بخور

  3. العطورات كل وقت حلوه إذا لك جيه للرياض قريبه ممكن أدلك على محلات تبيع المخلطات بشكل جنوني ورهيب

  4. دهن العود المعتق >> اجمل

    عطر فاطمة >> امل الكويت

    • أجمل عيبه مايطول شريته قبل سنه يطير بسرعه

      أمل الكويت ذكرتني فيه مامريته

      شكرا لك

  5. ابوفلان ،، جربت عطورات الماجد ؟؟

    عندهم عطورات شتويه ررووووعه انصحك فيهم (:

  6. بالنسبة للعطورات العربية في انواع وايدة استخدمها وكل من يمدح فيها وما شاء الله العطورات تثبت عالملابس:

    1) دار الطيب اشتري منهم : ماء الذهب ب 25 دينار بس حجمه 250 مل ينفع رجالي ونسائي. وعندهم عود المساء حوالي 80 مل ب 65 دينار.

    2) عطورات الجزيرة : بلاك عود و دمسكس عود و روز اكسيلير.

    3) عطورات نعمه : عطر نوف والمجموعة الجديدة عندهم مكونة من 4 عطور تلقاهم بسيفورا.

    3) عطورات سجى : عود فلور + مزيان + سلفر + عود + نوف + افغانو.

    4) جنيد : عود جنيد

    وهذا اللي اتذكره حاليا 🙂

    • أشكرج أختي Marawei

      عطورات سجى وين مكانها لان اكثر من شخص في تويتر مدحها

    • لسلام عليكم

      العفو اخوي بوفلان ما سويت شي.. عطورات سجى بمجمع امنية بالسالمية مقابل ليلى غاليري “نفس مجمع فندق ايبس” بالدور الارضي.

      اذا تبي شي حصري بهارفي نيكلز في ماركة اسمها كيليان عطوراتها عجيبة عندهم المجموعة العربية اسمها ارابيان نايت فيها 3 انواع عطور بيور عود و روز عود و عود انتينس عجيبين شوي عليهم كنت اشتريهم من امريكا وسعرهم غالي فوق 400 دولار لل 50 مل بس ما استخسر بنفسي شي لان اول وتالي شاريته لنفسي مو لأحد ثاني وبالكويت سمت واحد منهم روز عود ب 117 دينار ينباع 🙂

  7. Black Oud from Al-Jazeera Perfumes is my ultimate favorite in the winter and also Tom Ford’s Oud Wood its not the normal type of western perfumes.

    • توم فورد عندي لكن العود من الجزيرة ما جربته جربت غيره ماعجبني وبعض عطوراتهم مبالغ بسعرها

      لكن ذوقك لازم اجربه وان شاء الله بيعجبني

      أشكرك

  8. ونعم الاختيار الدر المنثور بخورهم نظيف بس غاالي شوي

    أمل الكويت بهالسوالف يعجبك روحله وجرب كذا شغله عندهم ممتازه

  9. لا أدري الكثير في ذلك لكن أحب التنويع بين 5 الى عشر عطور رخيصة

  10. مبروك عليك العطور ، في مجموعة من ديور رايقه تحصلها في هارفي نيكلز
    انا شريت منهم عود اصفهان يطووول ع الثوب ثلاث ايام وبرضو ع الجسم
    ريحته روعه وبارده وقويه وثباته قوي زي ماقلت ، انا شريته من لندن تقريبا ٧٠٠ ريال

  11. نسيت اقولك يالحبيب عطورات بولغري اللي ذكرتهم فيها شذى الشرق خف علينا يالمثقف

    وحصري بدنبهامز شوبارد عود
    سعره ٨٠
    ماهوخساره
    تستاهل الطيب يالطيب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.