البلاك بيري = الخمطة بربع

,

.

كلنا علم بخبر منع خدمات البلاك بيري في الإمارات والسعودية من قبل الحكومة

والكل يعرف ان البلاك بيري من دون خدمته = ( مايسوى بيزة )

فهل اذا تم المنع فعلا ولم تقم الشركات بتوفير البديل أو حل المشكلة سنرى أن البلاك بيري صار الخمطة بربع ؟

أنا من الحين أقولكم إذا امنعوه اول واحد رايح الإمارات وبكرف البلاك بيري بالكرافه مثل الربيان وأبيعه على ربعنا 🙂

واسوي عرض إشتر إثنين واخذ واحد مجاني 🙂

.

لما كنت أرد على بعض النجيبين لما يسوون مقارنة بين البلاك بيري والآيفون كنت أذكر لهم النقطة التالية :

*  أن البلاك بيري بدون النت مايسوى ليش ؟

لأن الجهاز شاشته ماتساعد للتصفح أصلا ولا لعرض الأفلام ولا هو الي يصلح تحط عليه ألعاب أو برامج قوية .

على خلاف الآيفون فلو تم شراءه بدون نت وليس بدون خدمة واحدة الي هي البي بي لا بدون نت مره وحده فهو يصلح أيبود للأفلام والصوتيات

وتستطيع في حال وجود وايرلس التصفح لأن شاشته تصلح , أيضا وجود الألعاب الكثيرة والبرامج المفيدة .

.

تصويت

في حال منع خدمات البلاك بيري في الكويت إلى أي جهاز ستتوجه وتختار ؟

.

[polldaddy poll=3568413]

23 تعليقات

  1. هههه
    يابوفلان عليك سوالف 🙂
    وفعلا البلاكبيري لولا الماسنجر الخاص فيه ماله داعي << وجهة نظري انا ايضا
    تم التصويت لحبيب الكل الآيفون
    اشكرك

  2. LoOooOooL :Pp
    Thnx Thnx !!
    oo ana a5tar ” bo leiT ”
    oo agool (( bo leit ‘3eirh ma l8eit
    XD 😀

  3. قديمك نديمك :>
    مالي الا النوكيا
    لوووول

  4. برد حق الحلو “سوني اريكسون” 🙂

  5. كلامك صحيح يابو فلان وعدل البلاك بيري من غير الخدمه حاله حال اي جهاز عادي بس هالميزه ربط المجموعات والتراسل الفوري السريع بالبلاك غير متوفره بالايفون لا تقول ويتس اب او بي ماسنجر ولا ومميزاته لو تقارنه مع الايفون صعبه جهاز بالبدايه موجهه للشركات وليس للافراد عكس الايفون موجه للكل
    وبخصوص التصويت ما اقدر لن انا استخدم الاثنين ايفون وبلاك بيري 🙂

    • صحيح أخوي جمال من ناحية التراسل افضل من الآيفون

      وهذا الي كنت بقوله ان عمل مقارنة بين البلاك بيري والآيفون مستحيلة لأن كل جهاز يستهدف طبقة مختلفه

      بس ربعنا حتى السياق عطوه بلاك بيري وصار حق اشاعات واخبار وفلبينية وفلبيني منحاشين 🙂

  6. البلاك بيري عملي مثل النوكيا ولكن لا يرقى لذكاء الايفون او الاندرويد ولكن ترفع فيه افلام وموسيقا مثل ايبود بس شاشته مصيبه مثل ماقلت

  7. وييي وييي ابركها من ساعه اذا منعوه يسون فينا خير الله يسمع منك
    واكيد الايفون على انه في اشياء تبط الجبد بس يضل اقوى تلفون استعملته ما يقايش البلاك بيري :O

  8. انا قلت رايي في تويتر : احلى مافي البلاك بيري توفر الكثير من الالوان للكيسات 🙂 مثل الصوره الي فوق

    وبالنسبه للتصويت ما صوت لان عندي اي فون ولاشي غير الاي فون واذا حدني الزمن لا سمح الله برد للسوني اريكسون

  9. كلامك صح

    انا جربت البلاك بيري وما شغلت الخدمة فيه ما يسوى بيزة وحدة والنوكيا القديم احلى منه بعد :/

    يا حلاة الآي فون والله ..

  10. كل منتج ياخذ حقه بالسوق

    بالاول
    أريكسون
    بعدين
    نوكيا
    بعدين بلاكبيري
    والحين أبل

    دورة الحياة جذي وراح تعود وموشرط بالترتيب

    🙂

    • صحيح وانا معاك وفي يوم من الأيام طحت بالسوني اريكسون

      لكن اعتقد ان ذاك الوقت كانت المنافسه خفيفة جدا لتشابه الأنظمة في اغلب الاجهزة وتميز في ذاك الوقت الأريسكون لان نظامه كان قوي ولم يستخدم السيمبيان

      أما الآن فالأنظمة تعددت والمنافسة اشتدت وبالتالي لم يعد لكل زمان هاتف

      بس انت اعتقد معاك الآيفون ماراح تغيره 🙂

  11. Mo gelna mn gabel el iPhone bs ma7ad sma3! khal yakloonha al7een rb3 el BB 😀

  12. مو قلنا أيفون وايد احسن …. بس ان شاء الله ما يمنعون Whatsapp

  13. كبير يا الآيفون .. يا جبل ما يهزك ريح

  14. الأيام دول .. والدول على الخريطة ..

    من يدري يمكن باجر شركةAl catel ينزلون جهاز يدمر Iphone .. 🙂

  15. ممممم ما يندرا عن ربعنا بيخلون الخدمه ولا بيقطعونها حالها حال باجي دول الخليج

    بس اذا قطعهوها احتمال كبير اروح على الايفون

    وتم التصويت :>

  16. أنا ما أغير عن سوني اريكسون و اذا غيرت اختار ايفون بس.
    لكن سوني ما افرط فيه :p

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.