أفضل مكان لتركيب حماية أمامية للسيارة ؟

 

بعد اربع سنوات من الكد والمد لسيارتي اليوكن ، الحمد لله استطعت شراء سيارة جديدة وسأستلمها بعد أيام باذن الله

أفكر حاليا بتركيب حماية أمامية للسيارة فور خروجها من الوكالة لكنني محتار بسبب كثرة الأماكن للتي تقوم بتركيب هذه الحماية

وكل محل يزعم أن حمايته الأفضل والأضمن وبعض الشركات يستغل الاسم فقط لرفع السعر للأسف

أتمنى ممن لديه خبرة أو تجربة سابقة أن يفيدني عن مكان ممتاز للتركيب وهل تغير معه لون الحماية بعد مدة أو عند ازالة الحماية هل تأثر صبغ السيارة ؟

 

 

44 تعليقات

  1. برو شيب اللي بالري ورا الافنيوز عن تجربة ؛)

  2. all have the same product 3m for protection its different then tint

  3. اشوف اخوي مركبها ابد ما بينت حتى يوم قربت توقعتها شكل بس نفس لون السيارة
    مركبها في السعودية عند جيوشيلد
    مركبعا مع تضليل حراري للنوافذ

    ما جربت تشوف النت ممكن ارخص واحسن

  4. برو شيب عن تجربة سيارتين. والحمدلله. من فضل الله صارلي سنه والسياره لونها ابيض وتوقف بالشمس .
    ..فلازم يتغير اللون وخصووصاً الابيض. بس الصراحه. بدرجه بسيطه. مع التدقيق يالله يبين مكان الحمايه

  5. الي نركب عنده زين لا تحاتي

    والله يبارك لك الموتر الجديد

  6. بالري اسمه برتش سنتر ،

    ممتاز ،

    والله يعطيك خيرها ويكفيك شرها ،

  7. أبو عبد الرحمن

    أنا غيرت الصدام والاسطبات وركبت تجاري .. وحطيت القطع الأصلية في المستودع عندي .. وأرخص من الحماية الي يعملونها

    • هذي مشكلة صراحة الواحد ماودك يشتري سيارة ومايتمتع فيها
      يمكن فكرة الحماية جيدة لكن استبدال القطع بقطع تجارية صعبه شوي

    • ما تقولي شلفايدة تشيل القطع الاصلية ؟
      السيارة تعتق والقطع جديده !!
      بعدين تردهم تركب يديد على عتيج

  8. س -هل تغير معه لون الحماية بعد مدة أو عند ازالة الحماية
    ج – نعم اي نوع من الحماية يتغير
    س – هل تأثر صبغ السيارة
    ج – نعم
    …………..
    الحل الافضل كل سنتين تغير الحماية 🙂

  9. عذراً ،

    بالنسبه للصبغ ،

    بديهياً يتغير لان جونا ما يرحم المكان الي ما فيه حمايه ،

    خصوصاً راح تكون الصبغه ناشفه حتى لو تصفطها بمظله من الحر ،

    بس إن شاء الله يكون الفرق بسيط وغير ملاحظ ،

  10. انا شهر ٦ مطلع x6 2013. ركبت لو مار عطوني كفاله ١٠ سنوات وسعره ١٤٠ عليً ما اتذكر

  11. السلام عليكم

    مبروك السياره والله يعطيك من خيرها ويكفيك شرها

    انا شريت سياره قبل سنه وركبت حمايه وعازل حراري من جيوشيلد الي بالري

    وانا اداوم في شمال الكويت والغبار شبه يومي في المناطق الصحراويه بس للاامانه استفدت حييل من هالحمايه

    واجهة السياره مشالله لا تتاثر والحمدالله وعطوني كفالة مدا الحياه علئ العازل والحمايه

    اما العازل الحراريه اعتقد اسمه النانو سراميك والله مااستفدت منه كلش السياره حاره وتحسفة اني ركبته بس الحماية ممتاز جدا

    وكان سعر الحماية ١٦٠ دينار

  12. زيبارت وانا مغمض !
    صحيح أغلى شوي من باقي المحلات لكن شغل متعوب عليه !
    يركب حماية زيادة عن الصورة اللي انت حاطها بالبوس بالأماكن التالية:
    1- فوق جامة السيارة ستيكر طويل بالعرض.
    2- ستيكرات جانبية بين الجامة الكبيرة للسيارة وبين المناظر الجانبية.
    3- أطراف البيبان علشان لا تتزلق مع الاحتكاك بالطوف أو بالسيارات.
    4- وراء التواير علشان الرمل والماي لا يتلف صبغ السيارة.
    5- حوالين غطاء تعبئة البانزين.

    وكفالته عشر سنين وخدمتهم حلوه ونفسية راعي الوكالة الحلوة اهي اللي خلتني التزم معاه بكل سياراتي على عكس “البعض” اللي نفسيتهم بخشومهم !
    السعر من سنتين لليوكن كان 160 دك للحماية.
    وموفق خير يا بو فلان والله يبارك لك بالموتر الجديد 🙂

  13. ن حلو والله راح استفيد من هل موضوع ومن خبرتكم بتوفيق بو فلان

  14. اهم شي انحاش من لومار

  15. انا عن نفسي حطيت عند (LLumar) خدمتهم حلوة وشغلهم فوق الممتاز .. من ٣ سنين كان سعر الحماية للجيب ١٩٠ والتظليل الحراري بـ ٢٤٠

  16. جرب Foil Art

    foilartkw.com

    سيارتي صارلها سنه ونص والحمايه ما صارلها شي

  17. محمد الهاجري

    مبروك السياره والله يعطيك من خيرها ويكفيك شرها
    عندنا في الرياض ارخص من الكويت بكثير واللي يبي يروح شارع الغرابي في الرياض فيه كل اللي تحتاجه السيارات

  18. بالبدايه مبروك اخوي بوفلان على السياره

    حيث ملاحظتي ان الحمايه الاماميه الي يستخدمونها محلات التغييم الحراري بشارع الزينه ،،، عيبها ان تمسك الغبار و ابسرعا اتغبر.

    والحمايه الي يركبها لومار ،، ممتازه و ما يمسك فيها الغبار

    وشكراا

  19. وهذي نوعيه الي يستخدمها محلات التغييم الحراري بشارع الزينه

    ventureshield

    http://www.stickercity.com/VentureShield-Clear-Bra-Paint-Protection-Roll-60.html

  20. مبروك ما شريت

    بس ماذكرت شريت ؟

  21. مبروك اخوي ويعطيك خيرها ويكفيك شرها
    صراحة انا نفسك توني شاري مرسيدس وقاعد ادور على المكان المناسب بس لقيت في الغانم بسرداب مسوين عرض 175 حراري وحماييه خارجية بس نوع مخوفني شوي مو 3m لا نوع امريكي ناسي اسمه والله ونفسك انا محتار فاذا لقيت المكان المناسب بلغني الله لا يهينك

  22. ابو فلان اللي اعرفه ان اسعار السعودية افضل بمراحل

    اللي بنصح فيه بعد تركيب الحماية انك تنظف الطبقة كل ٦ اشهر عند محلات متخصصه بالكويت والسعر مال التنظيف رمزي وبسيط

    بالتوفيق

  23. والله مشكله وكيف حلها ياجماعه

  24. وايش صار معك يابو فلان ؟؟؟؟
    ركبت حمايه

  25. انا عندي حمايه من الوكاله والحمد لله ماشكيت منه ويعني له ٩ سنوات ماسار له شي وقبل كم شهر غسلت السياره وشفته مافيه اي اصفرار قول للوكاله تركي

  26. شركة اوتوراب تقدم افضل منتجات الحماية والعازل الحرارى بالكويت
    الحماية الاعلى جودة في الكويت 3M
    العازل الحرارى الاعلى جودة في الكويت 3M Crystal Line
    مع اسعار وعروض مميزة وعمالة فليبينيه منظمة تحت ادارة ممتازة
    للاستفسار او الحجز الاتصال على رقم : 51515207

  27. شركة نانو شيلد الدمام
    أفضل شركة للحماية جودة عالية
    عندهم التظليل باستخدام تقنيه النانو سيراميك شفت مقاطع يوتيوب عنها و تجارب للناس قلت اجربها وانقل تجربتي للكل يمكن احد يستفيد منها كانت النتائج مبهره
    شركة نانوشيلد تستخدم تقنيه النانو سيراميك صديقه البيئة يعني المواد المصنعه منها هذه الافلام غير ضارة وطبيعية ولا تنتج منها غازات سامة لما تتفاعل مع الشمس عكس الافلام التقليدية والقديمة.

  28. شركة التلميع الذكي
    هي متخصصة بالتلميع بس عندهم تضليل وحماية وتغيير الوان وتنجيد
    انا سويت عندهم تنجيد وحماية وتضليل
    الحماية عندهم ممتازة 3m امريكية وعليها ضمان 5 سنين والتضليل سيراميك نانو عزل 99 بالمية عليه 5 سنين ضمان
    اسعارهم ممتازة وكل 6 شهور يلمعو الحماية مجانا
    هي من افضل الشركات بنظري

  29. ابو فلان … موضوعك قديم ابي من خبرتك انت انا يوم الاثنين اطالع سياره من الوكاله … وخايف ع صبغ البدي والخدوش وش تنصحني فيه

  30. اسأل عن رول حماية نوع اسمه نانو جارد هذا اعتقد يستخدمونه بوكالة البورش سمكه ٨ ملي وفيه نانو سيراميك ومايتخدش ولا يصوفر وعليه كفالة من الوكيل 10 سنوات
    انا مركبة عند شركة فور سيزون بالري والى الان ٣ سنوات والامور طيبه دايت عليه كل ربعي ويشكرونه وعنده خدمة يأخذ سيارتك بونش من بابا بيتك ويردها واسعاره طيبه
    هذا رقم تلفونه 98088881
    الله يبارك لك بحلالك

  31. كثرت انواع حماية السيارات لكن بواقع خبرتي لاني اعمل بشركة سيارات ونحتاج دائم نركب لها حماية
    حاول تختار 8ملي ومافوق بالنسبة لسمك الحماية وأسأل عن ضمان الرول واذا فيه سيريال نمبر وموقع الشركة الام التي تورد الحماية >>>
    تسألها اقل شي اذا المواصفات مطابقة للي بتركبة او لاء
    الحماية حاليا فيها نانو سيراميك وتعالج نفسها وضد التشققات اهم شي تعتني بها ولاتستخدم الفيري او الفوطة السيئة عامل سيارتك وكأنك مومركب عليها حماية عشان تحافظ على لمعة الحماية مدة اطول .
    تعاملت مع كثير شركات وكلها مميزة وحمايتها جيدة ولكن مقارنة بالسعر والشغل الطيب اعتقد شركة فور سيزون الي بالري مقابل المحطه الدوليه افضلهم من ناحية السعر اما الحماية هي نفسها نفس الحماية الي بتركبها برى ونفس الضمان صاحب الشركة ابو طلال
    وشركة الماسة في اسواق القرين صاحب الشركة ابوراشد..
    لي معهم حوالي 5 سنوات وماشفت منهم غير كل خير الله يبارك للجميع برزقتهم
    واكيد فيه غيرهم وشركات جديدة فتحت لكن احذر من الشركات الصغيرة لأنها ممكن تقفل بأي وقت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.