فنادق مكة – الإيجابيات والسلبيات

,

من خلال تجربتي الشخصية لأفضل ثلاث فنادق راح أبين في هالبوست كل فندق وإيجابياته وسلبياته :

.

( هلتون مكة )

.

.

الإيجابيات :

1– سرعة الخدمة لما تطلب ثلج أو مطارة ماي حار او قهوة .

2- يوجد سوق متكامل تحت الفندق .

3- النظافة وطبعا لأنه خمس نجوم لكن الأثاث أيضا نظيف وتم تجديده قبل عام تقريبا .

.

السلبيات :

1– قلة المصاعد لايوجد الا اربع مصاعد للنزلاء فقط لاغير .

2- السوق مسبب زحمة عند الدخول والخروج من الفندق لكثرة الناس .

.

( دار التوحيد )

.

.

الإيجابيات :

1– المصاعد تقريبا 24 مصعد 🙂 .

2- كل شي تماتيك وباللمس وانت قاعد بمكانك .

3- الخدمة سريعة أيضا .

4- لايوجد زحمة عند دخول الفندق والخروج منه .

.

السلبيات :

1– الأثاث لونه كحلي ممايسبب ضيقة صدر 🙂 في بعض الغرف .

2- صغر حجم الغرف .

3- لايوجد مركز تسوق للمواد الغذائية فتضطر تروح الهلتون تشتري أغراضك .

4- الطرارين وايد عند هالفندق ما ادري ليش ؟

.

( برج زمزم )

.

.

الإيجابيات :

1- غرف راهية ووسيعة  بالإضافة إلى ركن تجهيزات للشاي .

2- جديد ونظيف جدا .

.

السلبيات :

1- خدمة تعيسة تطلب شي اييك بعد ساعه بدون مبالغة .

2- طريقة النزول للحرم ( تنزل بالمصعد إلى الاستقبال ثم تركب مصعد ثاني وتنزل للسوق ثم من السوق تمشي الى الحرم ) .

3- أبعدهم عن الحرم .


,

23 تعليق

  1. انا بما اني جربت الثلاثة
    فأقولك افضلهم بلا منازع دار التوحيد
    🙂

    • انا الصراحه ما حطيت رايي لأني ادري بيصير خلاف

      انا الوحيد بالعايله يعجبني هلتون يمكن لأني لما اروح اكون مسؤول عن 5 حريم اقل شي والشغل كله تحت الفندق فما اتعب وايد

      بس هم بالنسبة لهم التوحيد افضل

  2. قواك الله ..

    الله يكتب لنا العمرة هالسنة ..

  3. مشكور عالرفيو انا بقول رايي بالفنادق اللي جربتهم ,,

    1- دار التوحيد – اعطيه خمس نجوم افضل فندق في مكه
    احلى شي اصنصيراتهم ما تنطر وايد , ريوقهم حلو , فيه مصلى عندهم اذا مالحقت عالصلاة تصلي بالمصلى احنا اذا اخر يوم مايمدي نروح الحرم حق صلاة العصر فنصلي بالمصلى اسرع لنا 🙂

    2- الهيلتون – من زمان مو قاعده فيه
    فندق كئيب , اصنصيراته ايبون اليهد كله زحمه , شهر 4 كنا رايحين العمره خالتي قاعده فيه كنت زايرتها قبل المغرب فكنت بتوضى للصلاة عندها ولا ماكو ماي بارد بس حار يجوي لول جان انزل بسرعه و اروح فندقنا اتيدد و اشوا لحقت عالصلاة بالمسيد 🙂

    3- انا ماجربت زمزم
    بس جربت واحد من الابراج اللي يمه
    رحنا له مع جمعيتنا
    اسمه رويال اوركيد الصفوه
    نفس ستايل زمزم تنزل اصنصيرين واحد لي اللوبي و الثاني لي تحت السوق و عقب اكو دري يوديك لي الحرم
    مشوااااار يلوع الجبد , بس الزين اللي فيه غرفه كبار حيل 🙂

    ابراج البيت (زمزم , هاجر , الصفوه) بعد جم سنه راح يصيرون اقرب الفنادق حق الحرم و بنقعد فيهم :p
    و التوحيد و الهيلتون بشيلونهم 🙂 مثل ما شالوا سوفتيل و اجياد و زهرة مكه و كندا ,,

    • أشكرج على ابداء الرأي والإضافة على الموضوع

      فعلا التوحيد راح يشيلونه بعد فتره مع الأبراج اما الهلتون ماراح ينشال

      قاعد يسوون مشروع جبل عمر ضخم واذا بتروح العمره بيصير كانك رايح دبي الله المستعان

      أسواق وفنادق ومحلات تجارية

  4. جزاك الله خير أفدتنا ونورتنا.

  5. ما قصرت

    والله يكتب لنا عمره قريبه :>

  6. يعطيك العافية
    الله يكتب لي عمرة هالسنة ان شاءالله صج ودي أروح ، صار لي 4 سنين يمكن مو رايحة 🙁

  7. اهلي جربوا زمزم مثل مااحب سالفة النزله واحس عباله واخوي جرب التوحيد ويمدحه..

    التوحيد وايد يمه طرارين يمكن لانه افخمهم ..

    خاطري اروح العمره الله يرزقنا قريب يارب..

    جزاك الله خير..

  8. دار التوحيد هادي وحلو .. أنا الحين أكتب هالتعليق وأنا على أحد اسرة هذا الفندق .. 🙂

    والهيلتون مثل ما قلت أنت ڤري ڤري زحمة ..

    أما زمزم فما جربته .. 🙁

    ومشروع جبل عمر شي خيالي .. وين الجبال كلا بااااااح .. وأهم شي اسمه جبل عمر .. عشان بعض الناس ما يسكنون وسووين زحمة .. 🙂 فهمتها .

  9. بما أني ما جربت ولا واحد فيهم.. أقدر أقول ان فندق كتوعه بلازا احسن واحد هههههههههههه
    ..
    لكن موضوعك ناقصة تزيد عليه السعر وتقارن بينهم من ناحية الأسعار.
    بالإضافة إلى (سلبيات دار التوحيد) رقم ١ شي يرجع للذوق ورقم٤ ادارة الفندق ما تقدر تتحكم فيها

    وشكرا على المواضيع الطيبة..
    يلا شد حيلك ان شالله برمضان نشوف حملة مندكار مسوين عندك اعلان ههههههههههههههههههه

    • الاسعار متقدر تقارن بينها لأنها تتغير من موسم الى موسم

      وقت الاختبارات غير , في الصيف غير , في رجب غير , في رمضان غير

      ما اعتقد له دخل بالذوق لأن كل الي شافوها قالوه اشفيها تغمت القلب

      كحلي من كل جانب والإضاءة تعتمد على الأباجورات 🙁 يعني خافته وخفيفه

  10. من جد رووعه >>تصدق بحيااتي ما رحت لهالفناادق
    لاني اوووول ما اوصل ارووح لمكه وبعدهااا اطلع لجده
    >>> واسكن هنااكـــ

    والله يكتب لي العمره مره ثاانيه
    تشكرااات يا ابووو فلان006006

  11. السلام عليكم

    فعلا كلامك عدل

    مشكووووور

  12. فندق المروة روتانا حلو كمان الظاهر انه يم زمزم نفس الدور الي فيه اللوبي فيه مستوصف كبير و عندهم غرفة كأنها غرفة عناية مركزة مرة نظيفة و التمريض و الدكاترة طوارئ كويسين.
    أعرف الملاحظة غريبة بس لأن العام تعبت جدتي مرة و كانوا مرة كويسين ما قصروا و طلبولنا اسعاف و نزلنا جدة الحمدلله.
     الله يديم علينا و عليكم الصحة و العافية  

  13. انا كل يوم بيزداد اعجابى بهذا الموقع مشكوووور جدا

  14. ما شاء الله بصراحة مقالك أخي أبو فلان رائع جدا جدا جدا ومفيد وبأستأذنك أن آنقله إلى مدونتي مع كتابة عبارة منقول عن موقع أبو فلان .
    أنا كنت كتبت في مدونتي عن تجربة ذكية من إحدى الأخوات السعوديات هي وزوجها في أحد فنادق الوقف وكيف استطاعت أن تدفع 600 ريال لليلة والناس في الوقت اللي الناس في الفندق كلها دفعت 800 ريال ولأن المقال طويل قليلا فأشير إليه بالرابط
    http://bookingmalaysiahotels.blogspot.com/2015/05/makkah-hotels.html

    أو الضغط على حجز فنادق مكة في الأعلى والذهاب إلى قسم النصائح

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *