إذا خاس الموز شتسوي فيه ؟

,

,

أسهل طريقة لعمل آيسكريم من الموز اذا خاس وماودك تقطه 🙂

أول شي نقطع الموز

.

طبعا تكون قطع صغيره عشان تدخل بالخلاط

.

.

بعد التقطيع نحط القطع بالفريزر لمدة ساعه أو أكثر إلى أن تتجمد قطع الموز

بعد التجميد ناخذ القطع ونقطها بالخلاط

.

واخلط واخلط واخلط 🙂

.

.

بعد الخلط راح تلاحظ أن الخليط شوي محبّبّ وثقيل وراح تحتاج إنك تضيف بعض الحليب عشان يسهّل ويسرّع الخلط

.

.

بعد إضافة الحليب يصير هذا الشكل النهائي الي بالخلاط


وبعدين عاد تفرغه وتزينه بقطع ككاو

.

.

أعتقد إنها راح تكون شيرة شوي وسكرها زايد بس الشكل مبين إنه حلو وان شاء الله أجربها


بالعافيه

.

25 تعليقات

  1. ما اتوقع هذا ينقال له موز خايس .. موز مستوي << هذا اللي اعرفة لووول

    راح يطلع حييييييييييييييييل ثقيل .. ^_^

  2. شكله لذيييذ

    هههههههه تذكرت ابوي الله يذكره بالخير .. اذا صار الموز هاللون انا ما احبه يقولي اكليه مفيد البني عسل :d

    مشكووور 🙂

  3. هم تقدر تسوي لكم ماسك لبشرتك او شعرك 🙂

    ومشكور..

  4. عاد استغفرالله ماحب اكل الموز الاسود :p
    ماله داعي اسويه برد موز او حتى عصير موز
    اهلي بياكلونه looool :p

  5. شغل عدل وخوش موضوع، على فكرة تقدر بعد تخلط الموز مع الهمبة أو البطيخ وتطلع نكهات يديدة. 🙂

  6. شناوي عليه ادخلهم المستشفي بنصايف اليل

    • هذا انتوا يالكويتيين يبا شغل البيت أنظف شي بالكون

      ماكو الا العافيه بس اذا حسيتي بنغزه بقلبج بعدها روحي الطبيب 🙂

  7. حليب قليل الدسم ولا كامل الدسم؟ 😀

  8. لوووول يبيله والله بعد تحط معاه أوريو وتخلطه ويصير ماك فلوري شغل عدل

  9. أحس بيطلع في طعم حزوره

    إذا جربت قولنا شلون طعمه ؛)

  10. والله شكله لذيذ .. ومفيد
    يالله شد حيلك … رمضان ياي
    ههههههه 🙂

  11. شكله حلو حييييل

  12. بعد موز وخاس !! هم ناكله
    الجعاصة تاخذ حقها مرات لوووول طبعا مو لك بوفلان ،، للي اخترع هالطريقة ،، لا وبرد بعد مو عصير
    الحمدلله على النعمة والله لا يغير علينا

    • فعلا بعض الناس فيهم هالطبع مايحب يقط شي

      هو يشوفها من عدم الإسراف وانا شخصيا اشوفها مو جعاصه لكن صفة عبيطة

      خلاص الله منعم عليك الزايد او الي مايصلح تاكله بعد مايبرد قطه وشوفلك غيره يديد

      نعم ألف الحمد لله على نعمهته وفضله

      أشكرك

      • اول شي كلامكم موب مفهوم
        وش يعني الجعاصه ؟؟
        و ثاني شي اذا انت حفظت النعمه ربي يحفظك من الفقر بعدين
        شوف الصومال واللي حاشهم تدري وش كانو يسون قبل ؟؟
        يلعبون بالربرتقال كوره
        اذا انت موب حاب الموز خايس ع قولتك
        اشتري اللي يكفيك ولا يزيد ويخيس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.