أوكسجين ولا بلاتنيوم ؟

أبريل 12

 

 

أفكر بالاشتراك خلال هذه الايام في معهد صحي تزامنا مع اشتراكي مع لو فات لكنني محتار فعلا بين ناديين

بين أوكسجين أو بلاتنيوم !

مايهمني أولا هو اهتمام المدربين بالمشترك ثم تعدد الأجهزة وكثرتها هما أهم شيئين في النادي

سألت العديد من الأصدقاء كل شخص يمدح نادي ويذم الآخر

برأيكم أيهما أفضل بلاتنيوم أو أوكسجين ؟ 

 

 

Related Posts Plugin for WordPress, Blogger...



44 تعليقات

  1. عامر /

    انا مشترك ببلاتينيوم كيفان والله خوش نادي
    بس من العصر لي ٨ تقريبا النادي زحمه شوي

    المدربين زينين بس مايجابلونك عدل
    فاذا تبي المدرب يجابلك لازم تدفع له فلوس غير الاشتراك

    واللي سامعه عن اوكسجين انه احسن نادي حق حديد

    Thumb up 1 Thumb down 0

    • أبوفلان /

      هذي مشهوره للأسف عن بلاتنيوم ان المدرب لازم تدفعله عشان يهتم فيك

      ما ادري ليش دافع اشتراك

      يعطيك العافيه عامر

  2. عبدالعزيز /

    بسم الله الرحمن الرحيم
    اولا بنسبة لناديين اثنينهم فيهمم ميزات وعيوب وعكس بعض يعني من ناحية اهتماام المدربين عندك اوكسجين اما بلاتينيوم فوق الاشتراك قرقش مخباتك للمدربين …. من ناحية عدد اجهزه الاثنين ممتازين بس الافضل بلاتينيوم طبعا شامل كل شي حلو ومرتب … ميزة بلاتينيوم انه اهون من اوكسجين بالمصافط اهون وليس افضل … مشكلة بلاتينيوم انه ماكدونلز قرريب جدااا من النادي اذا ناوي تضعف وميزة للي يبي يضخم

    Thumb up 3 Thumb down 3

    • أبوفلان /

      الزحمه نتحملها بس الاهمال ما اقدر

      الظاهر اكسجين افضل من ناحية المدربين

  3. Q8_compact /

    اذا بتشترك بنادي نصيحة لاتشترك سنة من البداية 
    جرب شهر اذا ماعجبك غيّر النادي
    وساعات يختلف من فرع للثاني
    في فروع زحمة وفي لأ
    اخوي اشترك بلاتينيوم يروح المهبولة وايد مرتاح هناك
    لان اللي بالسالمية زحمة
    ومدربينهم ممتازين على كلامه

    Thumb up 5 Thumb down 0

    • أبوفلان /

      لا بس شهر للتجربة فقط

      عندنا اكسجين في فحيحيل ولو انه شوي بعيد بس انه وسيع جدا وفيه اكبر صالة حديد في الكويت

  4. ابوفلان كل النوادي حلوه

    اكسجين العيدليه حلو واجهزته واجد وكبير
    اما مدربينه مادري عنهم

    بلاتنيوم كيفان حلو واجهزته واجد وكبير
    ومدربينه معاك على طول وفي اكثر من ٨ مدربين
    ويفتح ٢٤ ساعه

    Thumb up 1 Thumb down 0

    • أبوفلان /

      الميزة الحلوة في بلاتنيوم انه 24 ساعه لكن الكل مايمدح مدربينهم للأسف

  5. اذا اول مره بحياتك تدش نادي انصحك تروح نادي عادي
    و تشترك باقل مده و تجرب نفسك و قدره تحملك و بما انك
    الحين مشترك بشركه للدايت انصحك انك تكتفي بالمشي مبدئيا
    و بعد ما يخلص الاشتراك شوف وضعك وقتها ولا تندفع حيل
    عشان لا تمل بسرعه و ترد عليك الامور عكسيه لكن اذا سبق
    و اشتركت وتعرف النظام و جسمك فيه لياقه توكل على الله
    وموفق :)

    Thumb up 5 Thumb down 2

    • أبوفلان /

      هي تجربة لمدة شهر ان ضبطت كان بها ان شفت فيها تعب بمارس رياضة الكتابة على الكبيورد :)

  6. khaleel /

    الغالي
    لا هذا
    ولا ذاك

    اخذ سيارتك وامش لي اقرب نادي يم بيتكم….يم بيتكم
    لان النادي يملل واذا كان بعيد يملل زوود

    اقرب نادي يمك اهو الحل لو اي شي بس تروح
    والتمارين كلها الله يخلي اليوتيوب وربعه
    وانصحك بموقع http://www.bodybuilding.com/

    Thumb up 4 Thumb down 0

    • أبوفلان /

      تسلم ياخليل

      المشكلة فيه نوادي قريبه بس بعمارات وسرداب يغمت النفس عندك

      خوش موقع تسلملي

  7. طارق /

    أنصحك وبقوة باوكسجين الي بفحيحيل اذا انت بالمناطق الي هناك كبير وصالاته كبيره جدا

    Thumb up 2 Thumb down 0

  8. نصيحة مجرب ترى الناديين زحمة لكن الزحمة تعتمد على الحزة اللي تروح فيها يعني من ٤ العصر لي ١٠ بليل لا تفكر تروح أي نادي منهم

    أما على المدربين بلاتنيوم مدربينهم يذلونك لو تناديه بالإسم ما يجيلك يسوي روحة أصمخ أما أكسجين شقردية بدون لا تناديه تلقاه فوق راسك متجهز

    و أكسجين العديلية في ميزة عجيبة صالة الحديد ما فيها ولا عامود يعني النادي تحسه شرح ماكو شي يحجب الرؤية أما بلاتينيوم السقف نازل و عواميد وايد تحس حكرة

    إذا كانت حزتك قبل الساعة ٤ ماراح تعاني من مشكلة الزحمة وايد بالإثنين.. لكن عن المدربين روح أكسجين بدون أي تفكير

    Thumb up 4 Thumb down 1

    • أبوفلان /

      اعتقد الكل مدح اكسجين لكن يبقى عامل الوقت فعلا انا وقتي يا بعد الدوام الساعه ١٢ ونص او الساعه ١٠ بالليل

      تسلم

  9. وله نادي منهم روح نادي عادي بس يكون نظيف
    ومرتب

    Thumb up 0 Thumb down 0

    • أبوفلان /

      العادي اجهزة متهالكة جربت في السابق مافيه اهتمام ولا نظافه للأسف

  10. البعض من النوادي يخليك المدرب تسوي كذا وكذا حتى ما تجي اليوم الثاني من التعب.

    والنادي اذا ما فيه اصدقاء يعاونونك على النادي يمرونك وتمرهم ويكون فيه حماس راح يصير يوم او يومين او ثلاثه تتركه تمل ، واذا تبي بروحك اسأل الشباب اللي في النادي شرايكم فيه اسجل ولا تنصحوني بغيره .

    والأمر الأخر لازم تمارس هوايه تحبها وتتقنها اما تمشي او تشتري دراجه هوائيه تمشي فيها بالليل او السباحه او الغوص أما اعتمادك على النادي فأعتقد انه ما يصلح

    بكره تتركه بعدها كما كنت.

    Thumb up 1 Thumb down 2

    • أبوفلان /

      انا شخصيا مجرب وعندي اثنين من الربع مشتركين لكن يبقى الوقت مايناسبنا جميع

      نفس الحال اذا صار الواحد لحاله يمشي في الشوارع بقاريه بيزهق :)

  11. انا افضل اوكسجين لعده اسباب تهمك و هي ان اوكسجين صالته اولمبيه ( اللي بالعديليه ) اولمبيه بالتصميم و الاجهزه اولمبيه ، كذلك انت مو ملزوم تدفع للمدرب عشان يهتم فيك بل العكس المدرب ملزوم فيك غصبن عنه اذا انت اخترت العمل معاه و ممنوع ممنووووع تدفع للمدرب فلوس و تقدر تعطيه بين فتره و فتره ( كصداقه ) تي شيرت او سمك يستانس منها حيل اي فلبيني

    Thumb up 0 Thumb down 0

    • أبوفلان /

      بالضبط هذا الي سمعته الي ياخذ فلوس من المدربين يحاسبونه على عكس بلاتنيوم للأسف

      اشكرك يانوح

  12. بوعيسي /

    هلا بالحبيب اذا كنت كسلان مثلي وماتحب الزحمه….
    قرقش اشويه واشتري راحتك وصحتك….
    اشترك بنادي Club Fit في برج البابطين ( سنابل).
    المدربين انجليز و برازيلين ، نظامهم حلو، المدرب يتابعك
    ساعه كامله بروحك!

    بس ها ترى غالي، ولاكن يسوا كل فلس.
    http://www.clubfit.me/index.htm

    Thumb up 0 Thumb down 0

    • أبوفلان /

      تسلم بوعيسى هذا بعيد للأسف وغالي

      انا ابي شي يطير الكرش وبس :)

  13. مختار كتالونيا /

    انا اشتركت من قبل في الناديين وللامانه اقولها
    اوكسجين اللي بالعديلية من احسن النوادي

    Thumb up 0 Thumb down 0

    • أبوفلان /

      العديلية بعيده

      بس اعتقد الي عندنا نفس المستوى موبعيد عنه

  14. abdullah /

    بلاتنيوم كيفان

    احسن نادي

    اوكسجين ما جربته

    بس بلاتنيوم انا صارلي فيه سنه

    حلو والتمرين روعه وحصص سويدي حلوه

    وجايبين اجهزه جديده

    Thumb up 0 Thumb down 0

    • أبوفلان /

      الله يعطيك العافيه

      بلاتنيوم في بوحليفه ايضا جديد لكن مشكلتهم مافي اهتمام وتوجيه والمصافط شي لا يوصف

  15. فهد العنزي /

    انا كنت ببلاتينيوم 6 شهور .. نادي سخيف وفاشل بالخدمات بس الشكل أوكي انا معاك .. بس عقب ماحولت اوكسجين أخيـه شفت العجبب .. نادي عجيبه حـده والكباتن اهما يتلزقون فيك يبون يساعدونك كل واحد يقول انا أدرب احسن .. أوكسجين جو حديد وكمال أجسام , بلاتينيوم اتوقع سويدي أفضل بس كباتن فاشلين
    وشكرأَ

    Thumb up 0 Thumb down 0

  16. Khalaf AlSaaed /

    بكل اختصار يابو فلان انا ببلاتينيون قعدت فيه فتره طويلة

    بلاتينيوم حق التخسيس افضل اجهزته واجد ونظيف حيل

    اكسجين اذا بتلعب حديد وغيره لا تدش

    الكل من ناحيه النظافة نفس الشي وسالفه المدرب هم نفس الشي

    لكن اذا كنت تبي حديد تحتاج مدرب على عكس التخسيس سويدي وسباحه وجري !

    بالتوفيق :)

    Thumb up 0 Thumb down 0

  17. الهيثم /

    انصحك بمرور سريع علي كراون بلازا الفروانيه نادي هادي يصلح للفتنس مع وجود مدربين شخصيين يلازمونك بالتمرين

    Thumb up 1 Thumb down 1

  18. في الحقيقة ما اعرف شي عن اوكسجين بس اسمع عنه انه نادي تخصص حديد فقط وممتاز..
    اما بلاتينيوم بحكم اني كنت اعمل بادارة الشركه.. بعطيك لمحه مختصرة:
    4 افرع افضلهم شرق الواجهه البحرية وفيه اشتراك VIP
    كيفان والمهبوله ممتازين اما السالميه قديم وصغير وزحمه
    وجميع الافرع بالاضافه الا صاله الحديد هنا سويدي,مسبح,جاكوزي,سونا,حمام مغربي,مساج صيني,سكواتش,كارتيةوغيرها من الرياضات
    بالنسبه للمدربين يبدو ان المجربين يعانوا منهم كما تلاحظ
    وتقدر تاخد مدرب برايفت تدفعله
    اسعار الاشتراكات الشهرية اذا ما تغيرت:
    السالمية 35
    كيفان 50
    المهبوله 50
    الواجهه البحرية 70 ( vip 100 )

    انصحك حرب شهر بلاتينيوم وشهر اوكسجين
    وبالتوفيق

    Thumb up 0 Thumb down 0

    • أبوفلان /

      تسلم للمعلومات

      وفعلا سأعمل بالنصيحة الأخيره شهر اوكسجين وشهر بلاتنيوم

  19. انا مشرتك بنادي بلاتنيوم ، شي غريب وعجيب
    خز مخازز مو طبيعي !!!!! كل واحد يخز وزن الثاني
    والي يلبس سماعات dr.dre مالت الاستيديو ويتمرن فيها يعني انا ولد فلوس
    واشكال وقصات غريبه عجيبه ، على العموم هذا اغلب الشباب الكويتي ، سخافه مالها حدود

    Thumb up 3 Thumb down 1

    • أبوفلان /

      تدري كل واحد شايل حديد ومجسم ويدور الشر يجرب الزند بالطق :)

      فعلا هذه الظاهرة كريهه وسلبية

  20. بلاتنيوم الحلو فيه ان نظيف يهتمون في اجهزتهم اذا اخترب جهاز بسرعه يتبدل ودايما اييبون اجهزه يديده اجهزه السويدي حلوه – واجهزه الجري لاحضت انهم قاعدين يبدلونهم اب اجهزه تقتر اتركب عليها الايفون/ايبود
    .
    بس نصيحه روح النادي الاقرب يمك

    Thumb up 0 Thumb down 0

    • أبوفلان /

      بلاتنيوم اقربلي صراحه

      بس الفرق بينهم جسر واشارة تقريبا

      اعتقد راح اسجل باكسجين

  21. hussain /

    كراون بلازا الفروانية و اقطع

    Thumb up 0 Thumb down 2

  22. كوني من عشاق نوادي بلاتنيم

    انصحك بنادي بلاتنيوم كيفان,, السبب تعدد المواقف امام النادي وامام صالة الافراح

    ولا انصحك بنادي بلاتنيوم شرق ( vip ) السبب: لا توجد مواقف كافيه لان جانبيه قهاوي ,,, وعدد الاجهزه قليله وقديمه.

    وانا الي اذكره يابوفلان ان سيارتك كامري
    فالله يعينك اذا اشترك الي ابشرق لان السفارة البريطانيه عندها اجهزه تشويش بالمنطقه يعني لو تطلع من النادي,, يبييلك ساعه علي ما اتشغل سيارتك لان مفتاح ريموت وتج ويتأثر بتشويش السفاره

    Thumb up 0 Thumb down 0

  23. خالد /

    نادي كونكورد بخيطان 2 صعايدة وواحد باكستاني واشتراك 25 دينار بالسنه وبالتوفيق بس مالي شغل اذا الباي طلع مكان البطة

    Thumb up 10 Thumb down 1

  24. SultanQ8 /

    أبوفلان .. في نادي في المهبوله اسمه تيتانيوم
    نادي جديد صار له سنه تقريبا وشغل عدل وقريب منك

    أنصحك فيه وبشششده

    Thumb up 1 Thumb down 0

  25. ياجماعه معطم النوادي نصابين واولهم نادي راس السالميه وبلاتينيوم
    بأمريكا اشتراكم مايتعدى ١٥ دينار بشهر وتعالوا شوفوا الاجهزه والمساحه والنظافه والتدريب الصح
    حسبي الله ونعم الوكيل

    Thumb up 1 Thumb down 0

    • عبدالعزيز /

      بلاتينيوم المسيلة … تقسيمته حلوه لكن ما جربت الحديد هناك
      المصافط وايد واسعة

      Thumb up 0 Thumb down 0

اترك تعليقاً