مدونة أبوفلان تقنية ، أخبار ، تجارب شخصية ، مطاعم ، سياحة
قمت بزيارة سريعة اليوم صباحا لمعرض انفوكونكت للاتصالات والانترنت 2012
بالنسبة لأسعار اشتراكات الانترنت فلا داعي أصلا لاقامة معرض فالشركات الأربع لم تعد تتنافس بل تتفق على العملاء فالأسعار جميعها موحده
وهذا جدول لأسعار الإشتراكات من الأخ Q8ping
أما شركة مدى فهذه عروضها :
* جهاز سوهو الكبير راوتر متنقل يعمل بالكهرباء سعر الاشتراك 60 د.ك لثلاث أشهر + 20 د.ك سعر الراوتر سوهو = 80 د.ك
* جهاز بيسكت الصغير 60 د.ك الاشتراك لثلاث اشهر + 10 د.ك للجهاز = 70 د.ك
* usb زينون 10 د.ك شهريا أو 3 أشهر + القطعة مجانا
المعرض ينقسم كالآتي :
صالة 5 فيها شركة زين وموزعينها
صالة 6 فيها شركة viva وموزعيها وشركات الانترنت الثلاث ماعدا جلف نت
صالة 7 فيها فرع آخر لـ viva والوطنية وجلف نت
المحلات المتخصصة ببيع اكسسوارات الهواتف قليله جدا واشهرهم محل كفراتي وبعض الاكسسوارات الأخرى عند بعض المحلات
بالنسبة للعروض على الآيباد والآيفون والآيبود والجالاكسي والبلاك بيري فهي كثيره جدا وكلها مع عقود سنوية عند جميع الموزعين
باختصار المعرض عادي جدا روح اكل ذرة ونفيش او شورما وارجع 🙂
.
ماني شايف اي عرض بالنسبه للاسعار على الاقل فاست تيلكو
و الاسعار شبه موحده
انه بعد رحت للمعرض وتحسفت إنى رحت بالأساس مستوي المعارض عندنا في إنحدار مستمر ..أخ بس علي معرض جايتكس في دبي حدث يستقطب السياح والمهتمين في كل انحاء العالم لعروضه الضخمه ومفاجئاته ..اما نحن فنقيم المعارض بس من اجل إقامتها لا أكثر توبه إني أروح معرض إتصالات مره ثانيه عندنا
اكثر شي باط جبدي هالشركات موراضيه تسنع افتحو شركه وحده وخلاص نفس الاسعار مافيه منافسه نهائيه خل تدخل مبايلي وتشوفهم يناقزون ونبي اكثر من شركه المشكله ناس دفيعه ممكن يدفع ملايين عشان الشركات الجديد تتفق معاهم على العميل ناس همج ماعندهم تطور لازم الوزير يوقفهم عمد حدهم <<<< يحلم كثير
الوزير اليوم كان موجود الساعه ١٠ اخذله صورتين ودرع ومشى 🙂
حبطتني
بوفلان الجدول قهررررررررررررررني
هذي بالله اسعار ، مستحين يقولون طق راسك يا العميل بالطوووووفه ، كلهم نفس السعر
مالت على وزارتنا و الوزير فوقها الي الاحتكار عيني عينك ولا قادر يسوي شي
و الله عيييييييب تحدي صارخ للناس
اتسوون حمله علينا … ماشي …مشينا كلامنا و الوزارة نزلت سعر الكيبل علينا قبل لا انزل الاسعار عليكم و هذا المعرض و كلنا سعر واحد
مووووتوا قهر
صج قهر
الوزارة متواطئة مع الشركات
شنو احسن عرض علي الايباد شفته هناك؟
حسستني انه wdmc
ياعمي كله خرطي
اي والله خرطي بس التقرير عشان لا احد يتعنى ويروح
هذه الشركات تطبق نظرية معروفة في الإقتصاد
الكل ربحان، لذلك سيستمر الوضع للسنوات القادمة
الحل الوحيد هو فتح المجال للشركات الجديدة.
صراحه نحتاج هيئة تنظم اتصالات وفتح باب للشركات للمنافسه بس خوفك يتفقون علينا زياده
حبيت اصلح لك اخوي ابو فلان على شركة مده وانا توني راد من المعرض وصراحه شفت الفرق وهمن عجبني عرضهم اسعارهم
اشتراك سنه 200 دينار مع جهاز
اشتراك ثلاث شهور 80 دينار مع جهاز
قبل
اشتراك سنه 240 دينار مع جهاز
اشتراك ثلاث شهور 100 مع جهاز
العرض راح ينتهي يوم السبت الياي
صدقت اليوم سألتهم بتويتر قبل لا اكتب اي شي وقالولي مافي عروض لكن العصر ارسلولي تصحيح واسعار جديدة
بالظبط الأسعار مثل ما إهي..
أنا واحد من الناس طقيتلي شاورمتين و كان ودي بذرة مشوية ولكن كان زحمة عند راعي الذرة و رديت البيت نهائياً المعرض لا يستحق العناء كل واحد يقعد ببيتهم أحسن
ياعله عافيه واعزم مره ثانيه 🙂
انفونصب واحتيال 2012
فيفا حجبت موقغ سكايبي ياليت اعرف السبب
فيفا حجبت موقع سكايبي ياليت اعرف السبب
كل الشركات حاجبينه بقرار من وزارة المواصلات
سكايبي اخوي عند الكل مو بس فيفا ممنوع ومو بعيد مستقبلا تويتر والفيس بوك -كل شئ جايز- بعد تخويف الناس ورقابتهم
ومشكور اخوي عالتقرير مو مشكلة هالأسعار المهم الخدمة الزينة يعني طول ما فيه لعب في الشبكة ومنع مواقع ونكتة الكيبل المقطوع ما راح نرتاح بس قال شبصبرك عالمر
افضل عروض المعرض
فونو الوطنية يعطونك الجهاز الي تبيه بقسط شهري 10 دنانير للمكالمات 300 دقيقه لمدة سنة ونصف وفوقهم مقدم جهاز بسيط سألت عن النوت 40 دينار ما ادري عن باجي الاجهزة
وكيمز ايضا نفس الشي يعطونك اشتراك سنه او سنتين اقساط وفوقهم الجهاز الي تختاره اسعار حلوة
واسعار مدى حلوه كأنه دي اس ال متنقل للي يبي يقاطع النصابين