مدونة أبوفلان تقنية ، أخبار ، تجارب شخصية ، مطاعم ، سياحة
,
من زمان وانا أفتر واعس بالنت طحت على هالموقع وهو لصاحبة كراج key largo
وكتبت عنه بتويتر والحين أكتب عنه موضوع مستقل لأني أشوفه يستاهل الصراحه
,
صاحبة الكراج يعطيها العافيه عندها كراج وتصور السيارات قبل وبعد التصليح وتحطهم بمواضيعها ,, و مواضيع حق تحلطم 🙂
وفعلا شغل نظيف باين عليه والله يوفقها ويبارك لها في حلالها
وهاذي بعض الصور
<
تحديث
وهاذي خريطة الكراج
,
يعطيك الف عافيه على الدعايه ولي الشرف ان اعجبتك المدونه . و ازيدك معلومه عن الكراج اني مخصصه خدمه خاصه للبنات بس. اخذ السياره من البيت او مكان الحادث الله ايكافينا الشر . واصلحها لها وارجعها البيت من دون الحاجه انها اتمر شويخ . 🙂
الله يعافيج ان شاء الله
وتستاهلين كل خير وكل دعم
ماشاء الله خووش خدمه وفكره ممتازه جدا
لو تتكرمين بعنوان الكراج عشان اضيفه ويعرفونه الناس اكون شاكرلج
يا قلبيييييي لون الفراري يعور القلب
صراحه الشغل بيوتفل
هههههه اي والله نفس الشعور
بس دام الفراري يصلح عندهم معناه شغلهم مضبوط
الله ايعافيكم انشالله .. وانا عندي صوره عن الخريطه وايد اسهل عن الوصف ادزها لك انشالله اذا حبيت و هم اوصفلك .. وانت ياي من الدائري الرابع اول دشه حق شويخ اتدشها ايصير مطافي شويخ يسارك توصل حق دوار تاخذه يسار اتصير المطاحن الكويتيه يسارك اول دشه يمين بعدها يمين بعدها يسار . الكراج ايكون على يسارك انشالله .. وحياكم الله اي وقت
اي والله الخريطه افضل
ماعليج امر تروحين صفحة راسلني وتدزيلي صورة الخريطة
بصراحة شي جمييل