ثلاث ايام من استخدام الـ iphone 4S

 

 

مرت ثلاث ايام منذ استلامي واستخدامي للآيفون الجديد iphone4S الذي لم يختلف في تصميمه عن سابقة الا بشيء بسيط في الأنتينا ،، وهنا بعض النقاط التي توضح انطباعي عنه :

 

الإيجابيات :

* تغير ملحوظ في قوة الارسال في الشبكة وفي التقاط الوايرلس

* كاميرا رائعة في التصوير والفيديو

* ميزة Siri الجميلة للأوامر السريعة

* صوت مايكروفون و سماعات اقوى من السابق

* اسرع بشكل بسيط

 

السلبيات :

* سرعة نفاذ البطارية ( يوجد تحديث قادم لحل المشكلة )

* مشكلة في ظهور الأرقام المسجلة عند الاتصال او استقبال المكالمات

 

باختصار :

* الفرق بين الآيفون 4 والآيفون 4s لن يشعر به الا من يحب التصوير بكثرة بالهاتف ومن لديه لغة انجليزية ونطق سليم للكلمات .

* سيشعر بالفرق الكبير من انتقل من الآيفون 3GS الى الآيفون 4S .

 

.

19 تعليقات

  1. احلى شي فيك يابوفلان البساطه بالمواضيع وسرعة المعلومة كل المواقع يكتبون انطباعهم كأنك قاعد تقرا رواية

    يعطيك العافيه

  2. الله يبارك لك فيه ويعطيك خيره ويكفيك شره يا بعدي

    واعتقد ان الجهاز وبخدمه سيري فقط يعتبر رائع

    وسوف تتجه الشركات المنافسه لابل للتطوير بمثل هذه الخدمه

    وكل عام ونفسك الطيبه الي الله آقرب

  3. الحذر ياجماعه اغلب الاجهزه فيها مشكلة مع شركة زين الكويت
    اللي بيشتري وخطه من زين خل يجرب الجهاز بالاول

    • السلام عليكم. اخوي شنو المشكلة بالضبط. لأني مع زين و بالفعل كل شوي الخط يفصل و يقول
      No service
      يا ترى هذا من زين و الا الجهاز. و شنو الحل.

  4. انا عندي 3gs بس ماني ماخذ 4s لان مقابل السعر ما راح يوفرلي اي تغيير عن 3gs ماعدى الكاميرا و siri الي ما اهتم لهم وانطر الايفون 5 الي انشاله يسوى ويبيض الويه مثل ما يقولون لكن المشكلة ان ال 3gs بدا يخرف شوي فعلى ما ينزل ال 5 باخذلي android منها تقزيرة ومنها اكتشاف عالم جديد 🙂

  5. افضل شيء في هدا الموديل وهو يمكن استعماله من طرف المكفوفين يعني شيء رائع

  6. الجهاز مشكلته مشكله بالنسبه لي السيرفز كل شوي ينقطع الخط و يطلع جاري البحث !!

  7. مشكور يابو فلان
    وعساه مبروك انشالله
    بالنسبه لمشكله الارقام في استقبال المكالمات
    حتى ٤ بعد التحديث موجوده فيه المشكله
    اتمنى ينتبهون لها ويحلونها

  8. عبدالملك الحمدان

    شكراً لك يبوفلان .. انا دائماً اؤمن بانطباعاتك الشخصية على الاجهزة الاكترونية لان ذوقك رفيع ماشاءالله عليك بالتوفيق وانا من متابعينك بأستمرار الا ان مدونتك اصبحت لدي كالصحيفة اليومية 🙂

  9. اخوي عالبركه عالجهاز
    بس قدرت تفعل الاي مسج ؟ انا خطي زين ومالقيت الكويت من الدول اللي تقدم الخدمه
    لكن توصلني اي مسج من فيفا عادي

    انا كان عندي 3 جي اس مسكته واايد احلى
    لكن صج التصوير ب 4 اس عجيب

  10. بارك الله فيك و مشكووور علي هالمعلومات

  11. انا كنت عايش فترة في امريكا وتعلمت شغلة مهمة ، اذا كنت راح اشتري اي شي دايما اطالع تحت البروشور او العقد علشان ادور على اي كتابة صغيرة ومخفية تحت ،، طبعا هالشي موجود في SIRI كتبو تحت انة برنامج السيري ما يشتغل إلا من خلال الانترنت وحق بعض اللغات والاهم انها نسخة بيتا يعني شنو بيتا ؟ بيتا معناتها انها نسخة غير جاهزة للاستعمال وتحت التجربة وفيها اخطاء كثيرة ..
    http://www.apple.com/iphone/features/siri.html

    • حمد العتيبي

      والله اوافق كلام اخوي العود خالد
      لان غالبا اول مايطلع شي يديد يكون فيه اعطال
      وبعد فترة مثلا سنه يحاولون يغيرونها او يتفادونها
      بالتوفيق

  12. بالنسبه لحل مشكلة اختفاء الشبكه بال 4s
    هي انك تخلي بطاقة sim بدون رقم سري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.