واقترب اطلاق الآيفون 5

 

نقترب حاليا من اطلاق هاتف أبل الجديد iphone5 حسب الكثير من الكلام القريب من الرسمي خاصة كلام الرئيس التنفيذي لشركة أورانج الفرنسية بأن الآيفون سيتم اطلاقه في تاريخ 15 اكتوبر تحديدا

وهناك بعض المواقع التي تقول بأن الهاتف سيكون متوفرا بتاريخ 7 اكتوبر

موقع CaseMate قام بنشر صور عديده لأغطية الآيفون5 لكنه سرعان ماقام بتغيير الموضوع وازالة الصوره التي تشاهدونها في الموضوع

البعض يقول أن الموجود في الصوره هو فعلا الآيفون 5 كتصميم وحجم ، والموقع بدون شك قام بهذه الحركة لاثارة الضجة قليلا وتشويق الناس لهذا الجهاز الذي ينتظره الملايين

يذكر أن الـ iphone5 سيكون مختلفا من ناحية التصميم وحجم الشاشه ، وقوة الكاميرا التي تصل الى 8 ميغا بكسل ، والمعالج ثنائي النواة من نوع A5 وغيرها من المواصفات

 

Case-Mate

 

14 تعليقات

  1. مادري ليش احس ان هذا الايبود الجديد .. مو الايفون !
    لاني سامع اشاعه ان ابل راح تقارب شكل الايبود من الايباد

    • لا ما اعتقد الآيبود يمكن تسويه اضعف بس اذا خلته نفس الآيبود فهذا غباء من الشركة لان التجديد بالشكل مطلوب

  2. والله يابوفلان ماصار يهمني الحين اكثر من الايفون ٥ هو تحديث ios5

    بصراحه الايفون٤ ماراح يفرق عن الايفون٥ بالنسبه لي اذا مافي حل جذري لمشكله البطاريه

    البطاريه عذاب

    • ان شاء الله الأسبوع القادم راح تنزل السنخة الذهبية بس الرسمية يقولون بتتأخر الى آخر عشره

  3. لو شكله راح يكون ( مثلث ) شارينه شارينه 🙂

  4. انا ما اتوقع يطلقون ايفون 5 هذي السنه والدليل المماطله فينا .. ما تذكرون قبل كانوا يقولون انهم بيطلقونه بشهر ٢ واللي صار انهم ما اطلقوه لا طلعو ايفون فيرايزون بعدها قالو بعض الشركات واكدوا انه ب٦-٦-٢٠١١ ولا صار شي
    وايضا قالو انه ب١-٩ ولا صار شي وقالوا انه ب٩-٩
    ولا صار شي .. يعني وش تتوقعون بيوم ٢٩-٩ بيطلقون ايفون ٥ /- اكيد لا

    • متى صار هالكلام ؟

      بصراحه عن نفسي كمتابع اخبار الايفون من كذا موقع .. كان المفروض ينزل في شهر ٦ لكن بسبب الزلزال اللي ضرب اليابان انتشرت اشاعه انه راح يأجل طرح الايفون لان في بعض قطع التلفون وبالاخص الكاميرا راح تكون من اليابان

      ولما قرب مؤتمر تاريخ ٦/٦ الاشاعات كانت قويه جداً بأن الايفون ما راح يطرح في هذا المؤتمر وطلع صح

      وبعدها طلعت اشاعه ان الايفون الجديد بينزل مع نزول ios5 في شهر ٩ او ١٠

      بدون تحديد اي تاريخ له ، لان ابل نفسها حتى الآن ما اعلنت عن شي

      فالتواريخ اللي قلتها هذي اكيد من تأليف الناس كالعاده ..
      حالياً طنش لها وانتظر اعلان ابل عن مؤتمر قريب يطرحون فيه النظام الجديد
      وان شالله يكون معاه الايفون

  5. اتوقعون جم رآح يكون سعره بالكويت ؟؟

    انا اتوقع 299,99 دك

    هذا اذا مو أكثر

  6. جالكسي 2 لخبط حسابات ابل وصارت بس ترفع قضايا وبالاخير اعلان عن وهم وراح تثبت الايام ان اي فون5 وهم

  7. الغريب نقل زر الكتم الى الطرف الآخر

  8. كل يوم اكتشف انه انتوا تسبقون الخدث باشاعات

    اولا هذا الكفر يركب على الايبود هههههه وماله داعي تكتبون اشاعات واحتمالات ياخي خلاص خلو كل شي لين مايطلع بس تحاولون تسابقون الاحداث
    مرة قلتو ايفون ٥ بيد شخص ومرة قلتوا ضاع ايفون٤ والاشاعات شغاله وعلى ما اظن لييييييييي اخر جهاز ايفون بابل 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.