البيذان مشروبي المفضّل

 

 

شراب اللوز أو كما نسميه ( البيذان ) من أفضل المشروبات المنعشة بالنسبة لي

المشكلة أنه هذا البطل الفاخر الماثل أمامكم يصعب الحصول عليه كما يصعب الحصول على الفوتكا ” سابقا ” حيث عانيت للحصول عليه

مالقيته بالجميعات ولا بمراكز سلطان وأخيرا لقيته في محل تمور في مجمع الكوت !! بسعر 1.5 د.ك

 

 

 طريقة اعداد البيذان : هي وضع كمية مقدارها ملعقتين كبار أو أكثر في كوب وخلطه مع الحليب واضافة الثلج بحيث يكون بارد جدا

أو يخلط بمقدار أكثر مع ماء ويضاف اليه الثلج .

 

 

36 تعليقات

  1. أول مره أسمع فيه ومو موجود عندنا
    ومن صورته ما يجذبك 🙁

  2. صدقت..احلى مشروب..
    مشروب العافية

  3. على الأقل هذا “الفوتكا” حلال ودي اجربه ولا مرة ذوقته 🙂

  4. شراب حلو بس ولا مرة جربته مع الحليب، مع الماء فقط 🙂

  5. دايم أشووف اخواني يشربوونه

    بس مافكرت اجربه لاني ماحب الحليب

    يمكن اجربه مع الماي !!

    هالمحل صوب مركز سلطان؟؟

    من زماان مارحت الكوت<<

  6. احنا بالبيت ادماااااان هالبيذان !

    نحط وياه شويه ماي ورد و قفشة شكر .. يصير لذيذ حيل ..

    ابوي من عمر كله اييب لنا اياه

  7. ولا مره جربته

    ابوفلان .. المشروب له فوائد صحيه
    او اثار جانبيه ..

    🙂

  8. اي والله اختفى من السوق فجأه ماتحصله الا بالحسره مادري شنو السبب…

  9. مبارك السبيعي

    اول مرة اسمع به

  10. البطل شكله حده جذبي 🙂
    يبي الي يجربه
    بلغنا اذا صار فيك شيء بالأول هاهاي
    عوافي

    • ههه ابشرك هذا خلص وفتحت الثاني والحال عال العال بس مزااااج يابوناصر يبيلك تجربه

  11. تلقااه بالميره 🙂

    بس للأمانة انا اشتريته السنة اللي طافت ولا حتى فتحت البطل

  12. ماحبه
    بس رمضان ابوي يالله لقاه
    لقى ماركه لبنانيه اسمها جنى بس اختي تقول مو حلو طعم هالماركه :p

    • هذا افضل ماركة وكل المحلات تستخدمها ويلقاه موجود بالكوت على طول اييب منه هالمحل

  13. Jarrib Baithan Shuwaikh http://ansam518.wordpress.com/2010/02/16/almond-shake/

    3ajeeeb

    ana a7eb el baithan akthar min el vimto eb wayed

    • عاد ان شاء الله يضيف له شي مميز لان هالنوع كل محلات العصير تستخدمه بس يمكن يزيدون عليه شي مثل ماي ورد وجذي

      شكرا لج

  14. هذا شيء يوصوني أهلي أجيب منه كل ما رحت الكويت !

    أنا ما أحبه حيل بس هم يعشقونه !

  15. الله يزيد النعمه .. مشروب غريب صراحة ؟
    عموماً عوافي بوفلان 🙂

  16. بو فلان ماجربت ماركة الرفاعي ؟
    بس احنا نشربه بالماي أحسه ثقيل بالحليب 

  17. كنت اشوفه بفرع كيفان قطعة ٧ قبل, مادري اذا مازال موجود.

  18. هلا بو فلان…..

    والله شكله حلو بس في عمري ما جربته …
    يمكن اذا زرت الكويت بجربة….
    و هذا الفيديو هدية مني لك ابو فلان…

    http://youtu.be/UogM8FevbNM

  19. السلام عليكم في شراب البيذان يبيعونه جاهز مع الحليب في مراكز سلطان والجمعيات بطل نص لتر اسمه فارم ينحط في استاند فيه ثلج انصح انكم تجربونه الصراحة لذيذ ومعياره صح والله يوفقكم

  20. موجود ومتوفر عند الوكيل طوال ايام السنه مؤسسة حمزه عباس مقامس بالشويخ مقابل دوار الفحم

  21. عمري ماجربته بس بجربه واخبركم بطعمه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.