هل تستخدم طاولة أو مكتب ؟

,

الصراحه كنت أعاني من صغر المكتبات الإعتياديه الي أول ما الواحد يدش الثانوية تلقاه شراها

الي هي الطاولة أم طابقين وكل شي محشور يم بعضه

كنت في البداية أستخدم الطاولة الصغيرة

.

.

( تحـــديث )

أثناء بحثي بين ملفاتي عن صورة معينه وجدت هاذي الصورة لجهازي قديما قبل الإنتقال للمكتب

.

.

ظليت سنة كاملة أستخدمها وبعدين زهقت منها حسيتها صغيرة

رحت افتريت لقيت خووش طاولة عند ميداس للأثاث المكتبي

.

.

ذربة الصراحه وسعرها جدا معقول في وقتها كان سعرها 75 دينار ويوصلونها ويركبونها

بس هالحجي قبل سنة ونص الحين ما ادري في منها ولا لأ  ؟

.

.

وافتكيت من الحوسه والضيج وحان وقت الدلع p-:

طبعا هذا يهم الي يستخدمون الديسك توب مو اللابتوب كل شوي موخره عن فخوذه مروحة الجهاز حارقته 🙂

,

السؤال الذي يسدح نفسه :

هل تستخدم طاولة في البيت أو مكتب ؟ وأيهما تفضل ؟

,

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

31 تعليق

  1. ارضي واقطع واذا تبي طاولة المركى مال الدوانية احسن شي 🙂

    لا فعلا الجلوس على كرسي وطاولة ممتاز ومريح من قعدة الأرض الي تجيب الدسك وشيء ثاني الله يكافينا وأياكم من الشر

    اعجبني المكتب الي شاريه ،، الله يبارك لك

    الجواب على سؤالك لا هذا ولا هذا !! ارضي بكل مكان يعجبني في البيت

    تحياتي

    • 🙂

      ايه هذا النظام كان عندي قبل الزواج

      بس عاد استلم عوار ظهر وشسمه من القعده

      والله شخصيا ارتحت بعد المكتب بس يبيله كرسي ليزي بووي عشان تكمل 🙂

  2. والله انا استخدم الكوفي تيبل هههه ، لأني شابك جهازي الديسك توب مع تلفزيوني بالصالة وانسدح على الاريكة 🙂

    • يا أنته ياب الأتيكيت ياديزل

      فكرة ممتازة انك تشبك على تلفزيون الصاله بس الله يعينك على تطمش الي يمك اذا كنت متزوج 🙂

  3. مكتب وبس!!!!!

    وما شاء الله مكتبك خوش شي الله يهنيك 🙂

  4. عندي مكتب بس حق الغبار والدثره

    عالفراش اريح شي

    • وايد اشياء نشتريها حق شغله معينه بعدين تفقد هويتها ونرد ع النظام القديم

      يعني مرات نشتري شغله للتطوير والبخث عن الجديد بعدين تصير مهمله ويحن القلب للقديم

      صج لي قالوا قديمك نديمك

  5. والله أفضل طاولة اللابتوب وايد أريح .. ماحب أقعد على كرسي ومكتب ظهري يعورني

    • شخصيا كان استخدام اللابتوب متعب لي في الجلسه والاستخدام ولازال كذلك

      بس احيانا احن الفراش ومدة الريل واللابتوب بالحضن 🙂

  6. انا لاب توب و احطه ع القنفه مو زين احطه ع ريولي واساسا ماحب اقعد :\

    او ع القاع..

    وساعات استخدم المسند او كرفاية امي خخخ..

    وخوش مكتب ماشاءالله ..

    مشكور..

    • ايه بالضبط الي قلتيه هاذي هي طقوس اهل اللابتوبات 🙂

      كل دقيقه بمكان ومايثبت على قعده

      انتفلي للديسك توب اريحلچ

      والعفو

  7. انا عندي لابتوب فشاريه طاوله خاصه حقه كبر اللابتوب

    بس عموما ما احب المكاتب

    عليك بالعافيه 🙂

  8. 🙂
    ود
    مر
    من
    هنا

  9. حق الدسكتوب عندي مكتبه منها حق الكتب و الخشره و منها حق الكمبيوتر لوول شابله اول رف عشان يكفي شاشه الكمبيوتر :p

    و حق اللاب توب عندي المخده اللي من ايكيا احط عليها اللاب و استمتع في عالم الانترنت :p

    • ههههههه

      شنو شايله اول رف !! في احد يحط كمبيوتر بمكتبه ام ارفف ؟؟

      بس اهم شي انه الشاشه ال سي دي يعني مو ام صماخ النظام القديم عشان جذي شالها الرف 🙂

  10. http://www.flickr.com/photos/to0ona/4486698997/
    <<< هذا مكتبي 🙂

    إلا مبرووك عليك المكتب ، راايق 🙂

    • لااااااا

      المااااااااك معطي شكل غير

      ترا الماك هو الي محلي المكتب <<< واحد مدمن أبل

      عليج بالعافيه

      فعلا الترتيب يريح النفس لما تقعد

  11. ما شاء الله وتبارك الرحمن.
    شهالزين مكتب شرح ومرتب ومنظم (ما يندرى عاد هذا بس لزوم التصوير ولا دايم؟) 🙂
    أنا في البداية كنت أستخدم طاولة مجكنمة، عقب ما انكسرت خذيت طاولة طعام على كيف كيفك، تالي بعد الحنة والرنة صلحت الطاولة الأولانية المكسورة. 🙂

    • الله يبارك فيك

      لا رجاء بروستيجي دايم چذي 🙂

      عاد والله الصورة قديمه الحين ارتب وخففت الوايرات وكل شي اقدر اسويه وايرلس سويته 🙂

      اما سالفة طاولة طعام هههه شغل شيبان مايصير چذي ،، عاد رخاص هالمكاتب والطاولات بدال لاتصلح اخذلك يديده ،، ولا القرض مو مخليك 🙂

  12. عن نفسي احب المكاااااتب 🙂

    بس ع اللابتوب ما اقدر اقعد بالمكتب بروحي فاقعد بالصالة مع اهلي منها اشبك ومنها اشاركههم القعدة =)

    ومكتبك ما شاء الله حلو

    • يعني المكتب شوي فيه خصوصية أكثر بالإضافة الى الراحه في الجلسة

      بعيدا عن ازعاج المتطفلين وتسكع العيون في الجهاز 🙂

      شكرا أختي هديل

  13. نصيحة للشباب اللي يحطون اللاب توب باحضانهم …

    في تقارير علمية تنصح بعدم وضع اللاب توب على الافخاذ لمدة طويلة لانها قد تؤدي للعقم ومشاكل بالمسالك البولية ومشاكل بمفاصل الركبتين …

  14. قبل كنت احب الطبلية حق شغل اللابتوب والدراسة

    بس قعدة الارض تتعب الظهر والرقبة

    غيرت وخذت نفس هالمكتب بس على حرف الــ L

    والحين مرتاحة عليه وافضل المكتب ارتب واوسع للاغراض والشغل يتم بسهولة وراحة

    وشريت من جرير طاولة اللابتوب ام مروحة اللي تنثني لقعدة الصالة

    يظل المكتب افضل الخيارات واحسنها

    بالمبارك المكتب اليديد

  15. والله انا افضل المكتب ودايما قاعد على المكتب وعلى فكرة طاولة الطعام مريحه جدا 🙂 لانها وسيعه وايضا عندي طاولة اللاب توب الي من ايكيا اذا قعدت بالصالة حطيتها بس حاليا احط عليها الغتره والعقال D: مثل هذي واسمها الايكياوي dave
    http://bit.ly/9MljNo

    • والله انا ما ارتحت الا مع الكتب

      أول كنت نفس حالتك ع الأرض أو طاولة الشاي والقهوة

      وبعدين اقزرت ع السرير

      بس بعد المكتب خلااص ما أقدر أرجع ع القديم أحس ظهري يعورني من أفكر أرجع عالسوالف القديمه 🙂

  16. ما شاء الله ، مكتبك غاااوي ،،

    انا افضل الطاوله ،، لان ديسكتوب مشبوك بألف كيبل ، وسماعات والخ وووو ، وايضاً سيرفر لإداره الشبكه في البيت عن لعب الصغاريه خخخ ،، فلازم طاوله ،، خاصه مب مكتب

    الله يبارك لك فيه ويطرح البركه فيك يارب

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *