أسعار جديدة لخدمة BlackBerry مع Viva بـ 7 دنانير فقط

 

 

صرح بالأمس السيد سلمان البدران الرئيس التنفيذي لشركة viva عبر حسابه في تويتر بتخفيض أسعار خدمة البلاك بيري الى سعر 7 د.ك فقط شهريا

 وميزتها أنها غير محدودة فهي تشمل اليوتيوب والتصفح والبي بي مسنجر والبرامج الأخرى

 

أعتقد أنه عرض يستحق ، منو قدكم يالجكناوية 🙂

 

 

12 تعليق

  1. ومستانسين ؟ ^^ ،، ملعوب عليكم وانا اخوك

    عندنا STC الشركة الآم لفيفآ

    خدمة البلاكبيري بـ3 دنانير ونص ^^ (49 ريآل)

  2. الله يسلمك يابو فلان مافيه شي اسمه غير محدود , عندنا بالسعودية تقريباً مثل ماقال ناصر 3.5 د.ك وبحكم خبرتنا بالـ stc فهي شركة تاكلك وانت حي واكيد فيفا مثلها دامنها بنتها الصغيره وخصوصاً ان الشعب الكويتي مستهلك ولايهمه المادة ..

  3. ما أتوقع ربع 15 و 13 راح يسكتون.. راح يسوون نفس العرض.. ولا أنا أول وحدة راح أترك أم 15 .. يومين ثلاثة بالكثير وبنسمع عنهم مثل فيفا..
    تحية لكم

  4. محمد المطيري

    السلام عليكم والله الصراحه عرض ممتاز وان شاء الله اليوم افعل العرض بهالسعر اللمتاز توني دقيت على الوطينه قالو لي العرض اللي ب 7 بس بي بي ام + تويتر وفيس بوك او الايميل بروحه !

    انا اظن يابو فلان انه حملتكم بينة للي ما يخافون الله ان شعب الكويت فاهم ومثقف ومو غبي وجاهل, لكم الف شكر نيابة عني وعن جميع الاخوة الكرام لكم يالمدونين والمواقع الكويتيه..,~~

  5. والانترنت ؟ للحين محدود ؟ الحين ما عندهم عذر كل من شال الكاب

  6. لا عرض ولا قاله الله
    طال عمرك هذي نتيجة الحمله الاخيره اللي قاموا فيها الشباب وبالاخص المدونين الله يعطيهم العافيه
    واتحدى اي شركه من الشركات الثلاث تنفي هالشي
    وزارة المواصلات بعد ما اكلو ويهم الناس على التقاعس اللي صار منهم اجبرت جميع الشركات
    على تخفيض الاسعار وهالشي انطبق على على شركات الاتصالات الثلاث
    ووصلهم القرار
    بس شنو الغمنده ؟؟؟
    فيفا اول من طبقه ويظحكون علينا عرض ؟؟؟؟؟؟؟؟؟
    والدور ياي على شين والوطنيه بس شكلهم ما شبعوا سرقه لي الحين
    وحتى اشراكات الانترنت من هالشركات راح تنزل والايام يايه وبتشوفون
    قال عرض قال :@

    ومشكور بو فلان على هالمدونه اللي ما اقدر اصفها الا باكثر من رائعه
    اذا ما دخلت عليها يوميا ٣ مرات احس شي ناقصني خخخخ
    ويعطيك الصحه والعافيه يارب

  7. عاش 🙂
    الماك جكن منو قده اليوم

  8. فهـد العنـزي

    خدمه بدون سيرفس؟
    ههههههههههههههههههههههههههه
    السيرفس كله طايـح عندي خطين وطنيه وفيفاا
    يدقون علي وانا بالدور الارضي يطلع مغلق !!
    بس كسرت الخطط يولي بـس
    وطنيه الافضل للأمانه

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *