أسعار كواليتي نت الرسمية أثناء المشكلة وبعدها !

 

 

بعد رضوح شركة فاست تلكو وازالة الكاب ، ها هي كوالتي نت ترضخ هي الأخرى وتزيل الكاب وتخفّض الأسعار بشكل رسمي على موقعها وبانتظار باقي شركات الإنترنت ، وشركات الإتصال الثلاث .

 

هذي صورة الأسعار بعد رفعها بنسبة 70% عن السابق

 

وهذي صورة للأسعار الجديدة التي تم تخفيض الأسعار فيها بنسبة 44% فقط !


ونلاحظ فيها أنه تم تخفيض الاشنراكات السنوية فقط !! أمر غريب

 

بعض الملاحظات :

 

* تخفيض الأسعار والغاء الكاب هو جزء من الحملة التي أطلقناها في المواقع وعلى الشبكات والتي طالبنا فيها بتسريع قانون هيئة تنظيم الاتصالات ، وفتح باب التراخيص لشركات جديدة أخرى .

* حكومتنا لاتريد حل المشكله ولاتريد التطوير , همها فقط ارضاء التجار , فمن المحزن أن يسعى الإنسان في رد حقه وحفظه من هؤلاء التجار الحراميه ، دول العالم لا تحتكر فيها شركات معينه تزويد الإنترنت ، ودول العالم يتمتعون بسرعة اتصال عاليه وتمديدات فايبر وأسعار ممتازه علي خلاف شركاتنا التي ضاع مننا شهرين بسبب مشكلة ” كيبل مقطوع ” .

* حتى بعد رضوخ الشركات لن نضمن عدم تقديم خدمات سيئة ، ولن نضمن عودة المشكلة .

 

وأخيرا عزيزي القارئ ” طف الراوتر وشغله ” 🙂

 

 

33 تعليقات

  1. وآخيرا رضخوا للحقوقنا
    بس كلمة حق تنقال …
    مشكووورين يامدونين
    وكثر الله من امثالك على رفع شعار
    ” لالتطبيق سياسية الاستخدام العادل ”
    ومشكور ابو فلان

  2. ناس ماتيي إلا بالعين الحمرا..

  3. وكأنك يا بو زيد ماغزيت

  4. الله يعين الناس اللي اشتركوا في فترة ارتفاع الاسعار

    الآن حان وقت كنسلة الفيفا، والاشتراك في الدي اس ال

  5. ذكرتني بألبان المراعي عندنا

    رفعوا السعر من 7 الى 8 ريال للحجم الكبير

    فـ الناس قاطعوا واتجهوا للشركات الثانيه مثل نادك وندى بما انها ثابته على سعرها

    فـ سبحان الله بقدرة قادر صادف ان وزارة التجارة تطلع قرار على وجه السرعة بتخفيض الاسعار واعادتها الى ماكانت عليه

    وبقدرة قادر ايضاً اووول ماطلع القرار على طول المراعي رجعت السعر الى 7 ريال

    لكن ماشاء الله عليهم اذكياء
    نقصوا الكميه للعلبه الصغيره من 200 مل الى 180
    والعلبة الكبيره اعتقد نقصوها بعد

    نفس اللي صار عندكم الحين
    يرفعون 70% بعدين اذا طالبتوا بحقوقكم قالوا “تكرمنا” وسوينا تخفيضات 44% !!!

    ما اقول الا حسبي الله على من يقدر يسهل الامور على المسلمين ولا يسوي شئ

  6. ياناس شووفو الشركة نزلت اسعار الاشتراكات السنوية

    انزين والشهري و 3 اشهر ليش مانزلتوها؟

  7. بالفعل الآن حان وقت هيئة الإتصال و دخول شركات جديدة
    والأهم قبل كل هذا تبديل الخطوط الأرضية المتهالكة بالفايبر
    تحياتي

  8. يعطيك العافية يا بوفلان
    بس بغيت أعرف الأسعار الجديدة وين موجودة بالموقع مال كواليتي نت لأن ما حصلتهم و قالوا بتويتر ( سنوافيكم بالاسعار الجديدة بأقرب وقت ) و لا قالوا شي

  9. انا حقيقه السنه الفائته وقبلها سنوات أخذت من كوالتي خصومات 45 دينار للسنه وكانت السرعه هديّه 512 ولكن هذه السنه مرتفعه جدً

  10. حصلتها بالستور 🙂
    ما سووا ابديت للموقع 🙂

  11. شكرا على الموضوع بوفلان وللاسف ان الشعب كله ينظلم والحكومة ساكته وشكرا للي دعم الحمله واولهم انت يابوفلان واخونا q8ping والاخ هورنت ماقصرتو والله

    وتسلم ايد الي اخترق هالشركات الخايسة

  12. مازلنا بانتظار الهيئة وارجاع الأسعار كالسابق لابارك الله فيهم

    وبانتظار فاست تلكو واسعارها وكيمز

    ويعطيك العافيه

  13. بعرف بس متى راح يركبون الفايبر بدال هالخط المعفن الي ما يتحمل الا ٢ ميغا ؟؟؟؟
    ططالناس وصلت ١٩٠ ميقا واحنا لي الحين على ١ و ٢ ميغا ؟؟؟

  14. والي توه مجدد اشتراكه !!! حسبي الله عليهم

    قواك الله يالحبيب

    اعتقد سمعة الشركات صارت بالارض بعد الاختراق وهذا خلاها تراجع قراراتها

  15. صرحه اسعار خياليه بالوقت الراهن شوف المملكه بدون عقد ولك الحريه بالاشتراك 25 ميغا 299ريأل لو حسبناها 3شهور 897ريأل = 65 دينار وكواليتي زفت 8 ميقا ثلاث شهور 171
    حبيبي كواليتي زفت ولشركات المساهمه معاكم عدلو حدماتكم وان شاء الله اشترك قال شلت الكاب ههههههه احمدو ربكم صابرين عليكم عشان تحطون كاب لوووووووووووول

  16. ماشوف اي تغيير ال 44% وينها ؟؟؟ وبعدين ليش بس على الاشتراكات السنويه ؟؟؟؟ والله لاقينا مقصه

  17. تخيل واحد يبوق منك 100 دينار وبعد قضايا ومحاكم يردلك اياها 80 ويبيك تقوله شكرا هههه

    هذا الي صار اظلمونا والحين على بالهم بنستانس طز فيهم وفي شركاتهم غير المحترمه والي ماتحترم عملائها

  18. صراحه انا ستغربت كثيرا

    لان قد اشتركت في كواليتي نت لمدة 3 شهور سرعة 2 ميغا

    بـ 69 دينار والحين الفرق الي اشوفه دينار واحد فقط

    يعني لا طبنه ولا غدا الشرر بس الغاء الكاب احسن خبر

    شككرا ابو فلان

  19. محمد عبد الصمد

    اعزائي ،،

    لا يغركم اللي نزلوه ، هذه الاسعار نفسها كانت قبل سنة، بس شنو كانوا يروجون لها على انها عرض لفترة معينة ، و الحقيقة ان الفترة كانت طويلة في تلك الايام ، لما نزل الالف الشركات الثلاث وقفت العرض و رجعت على الاسعار الغالية علشان تستفيد من الالف ، و بعدها استمروا على السعر العادي لان شافوا محد تكلم ، الى ان طلعولهم طلعة الكاب علشان يضغطون على الوزارة بواسطة المشتركين .. و اللحين صحيح شالوا الكاب ، بس ما نزلوا السعر ، اللي محفظ اسعار العروض قبل ما تنزل الالف خلي يقارن و يشوف …

  20. محمد عبد الصمد

    على فكرة كيمز للحين ما شالوا شرط الاستخدام العادل من موقعهم لاحظ : http://www.kems.net/price_list_new_ar.aspx?id=1

    • محمد عبد الصمد

      للتنويه ، تم تعديل قائمة الاسعار و حذف بند الاستخدام العادل من الشروط بعد ما حطيت البوست !

  21. السلام عليكم
    وعيدكم مبارك مقدماً على الجميع
    يا جماعة الخير .. والله العظيم مانزلو شي والسعر هو هو
    وأنا أتصلت بشركة كوالتي من ثواني .. وسألتهم عن الاسعار أهيا نفسها الاسعار إللي قبل شهر .. دينار واحد مانزل
    وأنتم الله يهديكم يا المدونين … أستعجلتم في تنزيل هالموضوع
    والناس هذي كلها إللي كانت محاربتهم راح تطخ وتسكت وتستانس من يسمعون هالخبر … ومع أن ماصار شي فعلو … وحملتنا راح تروح علينا على الفاضي …. ومو حلوه نرد ونرجع لحملتنا مره ثانيه .. ونقول لا لرتفاع أسعار الشركات النت ؟؟؟
    وسلامتكم

    • شي غريب لاني اليوم دقيت عليهم وموظفة المبيعات قالت لي نزلوا الاسعار بس المشكله فينا احنا الي مشتركين وخالصين ^_^ في لعبه راح تنلعب من طرفنا ونضبطها عالسعر اليديد

  22. الظليمة شينة يا شباب .. انا مشترك 2 ميقا قيمنق بشهر 10 الي طاف .. وكان اشتراكي قريب ال200 .. والحين السعر المحطوط حق ال2 قيمنق 150 .. فالاسعار اقل من قبل لا يرفعونها

    بس مو معناته انه رخيصة .. بس انه ارخص من الي قاعد تقولونه .. ماكانت جذي الاسعار قبل لا يرفعونها 🙂

  23. يا اخوي زيد انت تقول الحمد الله إنهم رخخصوا الأسعار شوف السرعه التي يقدمونها و قارنها بالدول التي دخل لها النت معانا و تعرف الفارق ترى المملكه دخل عندهم النت بعدنا و هم الحين عندهم ارخص من عندنا و على فكره الدول الأوروبيه تعطي الإستراكات مجانيه للسرعات التي انت تقول عنها إنها مخفضينها اصلا هناك انا خابر إنه سرعه 1ميجا بسعر 3دك شهريا احسبها بالسنه كم تصير وهذه خدمه لا لها جمارك ولا شحن ولا شيء عشان يزيدون في قيمتها و انا نهايه كلامي اقول مرد الشركات تفلس لمن تنظم الكويت للشبكه العالميه الموحده التي قريب جدا تفعيلها من سنه 2012-2014 ألتشغيل الفعلي بعد سنه 2014 يعني هذه تكون سنه الخساره و التفليسه لهذه الشركات لانه سعر النت راح يكون مثل حصولنا على البث موجات الرادو شبه مجاني والله المستعان

    • ادري عزيز .. بس لو تشوف كلام الشباب الي فوق انه الاسعار ردوها نفس ما كانت “قبل” لا يرفعونها .. بس الي حبيت اقوله انه الاسعار الحين اقل من “قبل” لا يرفعونها

      مو قصدي اني راضي عن الاسعار والسرعات بس انه حبيت اوضح هالنقطه

      والمشكله ععندنا بعد بالخطوط .. وااايد مناطق خطوط بيتهم ما تتحمل فوق ال1 ميقا :\ واحد من الربع بيتهم حده 256 لول مادري شلون عايش مسكين

  24. فيفا وزين شصار عليهم ماودهم يشيلون الكابح
    تبقى الاسعار مرتفعه والخدمه جدا سيئه

  25. اتصلت على كوالتي نت
    جدولهم كلااااام فاضي
    ما يجددون إلا اشتراك سنوي
    ما أدري ليش حاطين ٣ أشهر و٦
    لاعبينها صح
    طبعاً الله يخلي راوتر ڤيڤا
    على ما ألقى شركة سنعة

  26. اتمنى تحذو الشركات زيادة في السرعة فلا نزال في مؤخرة الدول مقارنة بسرعاتهم مثل اليابان تحميل الملف يوصل الى 30 الف كيلو بايت !! عندنا يالله يوصل 300 كيلو.

  27. شباب شنو بالنسبة حق شركة مدى؟ بيخفضون اشتراكهم الشهري عن 20 دينار؟

  28. بصراحة اسعاركم للحين جنونية مقارنة بالسعودية والغريب انكم فرحانين بهذا التخفيضات الغبية جدا مو مصدق وش هالبوق اللي على شركاتكم الله يعينكم بس

    اسمحوا لي اقول لكم شي ترى ما رغب الناس في سرقت شعب الكويت من شركات ومحلات وغيرها الا حب الكويتيين للفشخرة والاسراف المقيت الخارج عن نطاق المعقول من شراء لتوافه الامور والاكل في مطاعم باسعار جنونية بدون النظر للسعر فقط حب المباهاة والتفاخر كما يبدو هو المسيطر

    والله لا يغير عليكم يا رب

  29. السلام عليكم
    كل شي بالدنيا نصب بنصب والحين طالعيلك بنصبه جديده يقولك الخصم على اشتراك سنه 2 ميغا وبعدين لو تدق على شركة بعد مده تقولها انا اشتراك كم يقولك 1 ميغا يعطيني يصرقون لو شنو تسوي مالك الاا ابو راشد عربي ولا افرنجي

  30. مالك الا خشمك لو عوج
    الدنيا بدها هيـــــك وانا بدي اعيش

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.